រាជធានីភ្នំពេញ ៖ បុរសម្នាក់បានយកកូនស្រីអាយុ១ឆ្នាំកន្លះរបស់ខ្លួនម្នាក់ទៅបន្ទប់ទឹកនៃបន្ទប់ជួល ដើម្បីងូតទឹកឲ្យនាង ប៉ុន្តែក្រោយពេលចូលដល់គាត់បែរជាមិនបានងូតទឹកឲ្យកូនភ្លាមៗនោះទេ ។ គាត់បានទុកកូនឲ្យលងនៅក្នុងបន្ទប់ទឹកនោះម្នាក់ឯង រួចក៏ចេញក្រៅជួយធ្វើនំប្រពន្ធលក់ ហើយក៏ភ្លេចខ្លួនមួយសន្ទុះធំ ទើបនឹកឃើញចូលទៅមើលនិងងូតទឹកឲ្យនាង…
រាជធានីភ្នំពេញ ៖ បុរសម្នាក់បានយកកូនស្រីអាយុ១ឆ្នាំកន្លះរបស់ខ្លួនម្នាក់ទៅបន្ទប់ទឹកនៃបន្ទប់ជួល ដើម្បីងូតទឹកឲ្យនាង ប៉ុន្តែក្រោយពេលចូលដល់គាត់បែរជាមិនបានងូតទឹកឲ្យកូនភ្លាមៗនោះទេ ។ គាត់បានទុកកូនឲ្យលងនៅក្នុងបន្ទប់ទឹកនោះម្នាក់ឯង រួចក៏ចេញក្រៅជួយធ្វើនំប្រពន្ធលក់ ហើយក៏ភ្លេចខ្លួនមួយសន្ទុះធំ ទើបនឹកឃើញចូលទៅមើលនិងងូតទឹកឲ្យនាង ស្រាប់តែឃើញកូនស្រីលង់ទឹកធុងជ័រស្លាប់នៅក្នុងបន្ទប់ទឹកនោះបាត់ទៅហើយ ។
ហេតុការណ៍ខាងលើនេះបានកើតឡើងបង្កឲ្យមានការភ្ញាក់ផ្អើល កាលពីវេលាម៉ោង៨និង២០នាទីព្រឹកថ្ងៃទី០៣ ខែកក្កដា ឆ្នាំ២០២៥ នៅក្នុងបន្ទប់ជួលលេខ13E ស្ថិតនៅក្នុងភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
ក្មេងស្រីដែលស្លាប់នោះឈ្មោះពេជ្រ ស្រីនាង អាយុ១ឆ្នាំកន្លះ មានឪពុកឈ្មោះងិន ពេជ្រ អាយុ៤៥ឆ្នាំ ជនជាតិខ្មែរ និងម្ដាយឈ្មោះង្វៀង ធីអ៊ុក អាយុ៣៧ឆ្នាំ ជនជាតិវៀតណាម ។ គ្រួសារមួយនេះ មានមុខរបរលក់នំ ស្នាក់នៅក្នុងបន្ទប់ជួលកើតហេតុខាងលើនោះ និងមានទីលំនៅ អចិន្ត្រៃយ៍នៅឃុំព្រងិល ស្រុកក្រវាញ ខេត្តពោធិ៍សាត់ ។
សមត្ថកិច្ចបានប្រាប់ឲ្យដឹងថា នៅមុនពេលកើតហេតុ ឈ្មោះងិន ពេជ្រ ដែលជាឪពុកបានយកកូនស្រីរូបនោះ ចូលក្នុងបន្ទប់ទឹកក្នុងបំណងងូតទឹកឲ្យនាង ប៉ុន្តែពេលចូលទៅដល់បែរជា គាត់មិនបានងូតទឹកឲ្យកូននោះទេ គាត់បានទុកកូនឲ្យលេងនៅក្នុងបន្ទប់ទឹកនោះម្នាក់ឯង ។ បន្ទាប់មកគាត់ក៏មិនបានចាក់ទឹកធុងនោះចោលឡើយ ហើយក៏បានចេញក្រៅជួយធ្វើនំប្រពន្ធលក់ និងបានភ្លេចខ្លួនមួយសន្ទុះធំ ទើបនឹកឃើញទៅមើល និងងូតទឹកឲ្យកូនស្រី ។
សមត្ថកិច្ចបានប្រាប់ឲ្យដឹងបន្តទៀតថា ខណៈនោះ ស្រាប់តែមានការតកស្លុតកើតឡើង នៅពេលចូលទៅដល់ ស្រាប់តែឃើញកូនស្រីលង់ទឹកធុងជ័រនោះស្លាប់បាត់ទៅហើយ គាត់៏បានស្រែកឆោឡោ បង្កឲ្យមានការភ្ញាក់ផ្អើលទាំងព្រឹក ។
ក្រោយពីទទួលបានដំណឹងនេះភ្លាម កម្លាំងនគរបាលប៉ុស្តិ៍ចោមចៅទី៣ បានចុះទៅកាន់ទីតាំងនោះភ្លាមៗ រួចបានរាយការណ៍ជូននគរបាលការិយាល័យបច្ចេកទេសនិងវិទ្យាសាស្ត្រចុះធ្វើកោសល្យវិច័យ និងប្រគល់សពជូនឪពុកម្ដាយនាំយកទៅធ្វើបុណ្យនៅស្រុកកំណើត ៕
ចែករំលែកព័តមាននេះ