ខេត្តតាកែវ ៖ ដោយផ្អែកលើយុទ្ធសាស្ត្រដែលបានរៀបចំជាមុនអស់រយៈពេលជាយូរមកហើយ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាក់ថា គ្មានប្រទេសណាមួយអាចមើលងាយកម្ពុជានោះទេ ។…
ខេត្តតាកែវ ៖ ដោយផ្អែកលើយុទ្ធសាស្ត្រដែលបានរៀបចំជាមុនអស់រយៈពេលជាយូរមកហើយ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាក់ថា គ្មានប្រទេសណាមួយអាចមើលងាយកម្ពុជានោះទេ ។
ថ្លែងក្នុងអញ្ជើញជាអធិបតី «ទិវាមច្ឆជាតិ ១កក្កដា ២០២៥» នៅខេត្តតាកែវ សម្តេចបវរធិបតី ហ៊ុន ម៉ាណែត បានបញ្ជាក់យ៉ាងដូច្នេះថា ៖ រឿងព្រំដែន ដែលយើងកំពុងមានសព្វថ្ងៃនេះគោលនយោបាយរាជរដ្ឋាភិបាលបានកំពុងតែពង្រឹងវិស័យសុខាភិបាល ពង្រឹងវិស័យហេដ្ឋារចនាសម្ព័ន្ធ ទឹក ភ្លើង បច្ចេកវិទ្យា រាប់ឆ្នាំកន្លងមកនេះ ទាំងរាជរដ្ឋាភិបាល និងវិស័យឯកជនបានដាក់ចេញ ។
ការរៀបចំយុធយុទ្ធសាស្ត្រនេះ បានធ្វើឲ្យកម្ពុជាត្រៀមក្នុងការតបតការគំរា.ម ដោយប្រើប្រាស់កងកម្លាំងប្រដាប់អាវុ.ធ ហើយពិសេសនោះគំរា.មផ្នែកសេដ្ឋកិច្ច ។ ក្នុងនោះថា បិទច្រកមិនឲ្យទំនិញចេញចូល មិនឲ្យប្រេងចូលកម្ពុជា ។
សម្តចបវរធិបតី បានគូសបញ្ជាក់បន្ថែមថា ៖«យុទ្ធសាស្ត្រគោលនយោបាយយើង៥០ ឬ៦០ឆ្នាំមកនេះ យើងបានវិនិយោគជាម្ចាស់ការខ្លួនឯង គ្មានពីណាមើលងាយប្រទេសកម្ពុជាបាននោះ ទេដែលនេះជាគោលនយោបាយដ៏ត្រឹមត្រូវ» ។
សម្តេចបវរធិបតីបានលើកឡើងថា ស្ថានភាពសន្តិសុខ នយោបាយ សន្តិភាពនៅកម្ពុជា ត្រូវបានធានាបាន បើសិនគ្មាននយោបាយឈ្នះឈ្នះកន្លងមកនេះ ប្រហែលជារត់ទៅពឹងលិច កើត ក្នុងការជួយ ។
សម្តេចបវរធិបតី ហ៊ុន ម៉ាណែត បានបន្ថែមថា សម្តេចស្នើឲ្យគណៈកម្មការរៀបចំគោលនយោបាយរៀបចំគោលនយោបាយ ដើម្បីជំរុញទៅបង្កើនកាអភិវឌ្ឍវិស័យកសិកម្ម និងឧស្សាហកម្មនៅទិសខាងលិចថែមទៀត ។
ជាមួយគ្នានោះដែរ សម្តេចបវរធិបតី បានលើកឡើងថា កន្លងមករាជរដ្ឋាភិបាលបានធ្វើការលើកទឹកចិត្តនៅរាជធានីភ្នំពេញ ខេត្តព្រះសីហនុ សៀមរាប នៅតំបន់ទេសចរណ៍ដោយបានដាក់ចេញគោលនយោបាយយោគយល់លើកទឹកចិត្ត ដោយឆ្នាំនេះនៅទិសឥសាន ។ ហើយនៅខេត្ត ខាងលិចមានបាត់ដំបង បន្ទាយមានជ័យ ពោធិ៍សាត់ បានចេញក្នុងយុទ្ធសាស្ត្រច្រករបៀងមច្ឆា និងអង្ករជាមួយចិន ហើយបូក និងប៉ូលភ្ជាប់គ្នា គឺត្រូវជំរុញដើម្បីធានាឲ្យបានល្អ៕
ចែករំលែកព័តមាននេះ