រាជធានីភ្នំពេញ ៖ បុរសម្នាក់ខណៈកំពុងដើរទៅផ្ទះ ក៏ឃើញយុវជន២នាក់ជិះម៉ូតូមួយគ្រឿងដួល ក៏រត់ទៅជួយលើក ប៉ុន្តែពេលបុរសរូបនោះទៅដល់ ពុំដឹងថាមានទំនាស់ពាក្យសំដីរឿងអ្វីនោះទេ ឈានដល់ប្រើហឹង្សាឈ្លោះប្រកែកគ្នា ធ្វើឲ្យភាគីខាងយុវជនជិះម៉ូតូយកកាំបិតចា.ក់បុរសរូបនោះជាច្រើនកាំបិតបណ្តាលឲ្យស្លាប់ក្នុងថ្លុកឈាម ចំណែកជនបង្ករត់គេចខ្លួនបាត់ស្រមោល…
រាជធានីភ្នំពេញ ៖ បុរសម្នាក់ខណៈកំពុងដើរទៅផ្ទះ ក៏ឃើញយុវជន២នាក់ជិះម៉ូតូមួយគ្រឿងដួល ក៏រត់ទៅជួយលើក ប៉ុន្តែពេលបុរសរូបនោះទៅដល់ ពុំដឹងថាមានទំនាស់ពាក្យសំដីរឿងអ្វីនោះទេ ឈានដល់ប្រើហឹង្សាឈ្លោះប្រកែកគ្នា ធ្វើឲ្យភាគីខាងយុវជនជិះម៉ូតូយកកាំបិតចា.ក់បុរសរូបនោះជាច្រើនកាំបិតបណ្តាលឲ្យស្លាប់ក្នុងថ្លុកឈាម ចំណែកជនបង្ករត់គេចខ្លួនបាត់ស្រមោល ។
ហេតុការណ៍ខាងលើនេះ បង្កអោយមានការភ្ញាក់ផ្អើលកាលពីវេលាម៉ោង១១និង៣០នាទីយប់ ថ្ងៃទី៣០ខែមិថុនា ឆ្នាំ២០២៥ នៅក្បែរបងវត្តស្ទឹងមានជ័យ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។
តាមការបញ្ជាក់ពីឪពុកជនរងគ្រោះបានឲ្យដឹងថា នៅមុនពេលកើតហេតុ ជនរងគ្រោះបានសុំលុយពីម្តាយមកទិញបារីជក់និងទឹកបរិសុទ្ធ១ដប រួចក៏ដើរត្រឡប់ទៅផ្ទះវិញ ពេលនោះស្រាប់តែមានយុវជន២នាក់បានជិះម៉ូតូ១គ្រឿងមិនស្គាល់ម៉ាក ឌុបគ្នាធ្វើដំណើរកាត់តាមផ្លូវបេតុងក្បែរបងវត្តស្ទឹងមានជ័យ បានដួលប្រាវ ។ ភ្លាមនោះដែរជនរងគ្រោះក៏បានរត់ទៅជួយលើកម៉ូតូ ប៉ុន្តែពេលទៅដល់ ពុំដឹងថាមានទំនាស់ពាក្យសំដីរឿងអ្វីនោះទេ ទើបឈានដល់ប្រើហិង្សាឈ្លោះប្រកែកគ្នា ធ្វើឲ្យភាគីជនដៃដល់យកកាំបិតចាក់ទៅលើជនរងគ្រោះជាច្រើនកាំបិត បណ្តាលឲ្យស្លាប់ក្នុងថ្លុកឈាមហើយជនបង្កបានរត់គេចខ្លួនចេញពីកន្លែងកើតហេតុបាត់ស្រមោល ទើបប្រជាពលរដ្ឋក្បែរខាងក៏បានរាយការណ៍ទៅសមត្ថកិច្ចមូលដ្ឋានឲ្យចុះមកពិនិត្យនៅទីតាំងកើតហេតុភ្លាមៗផងដែរ។
ក្រោយកើតហេតុ សមត្ថកិច្ចមូលដ្ឋានចុះមកដល់រួចក៏ទាក់ទងមន្ត្រីជំនាញផ្នែកកោសល្យវិច្ច័យរបស់ស្នងការដ្ឋាននគរបាលរាជធានីភ្នំពេញឲ្យចុះមកពិនិត្យសពជនរងគ្រោះ បន្ទាប់ពីសមត្ថកិច្ចជំនាញពិនិត្យរួចក៏ធ្វើធ្វើកំណត់ហេតុប្រគល់សពឲ្យទៅក្រុមគ្រួសារយកទៅធ្វើបុណ្យតាមប្រពៃណីរីឯជនបង្កសមត្ថកិច្ចនិងធ្វើការស្រាវជ្រាវដើម្បីតាមឃាត់យកមកចាត់ការតាមនីតិវិធី ៕
ចែករំលែកព័តមាននេះ