ខេត្តកណ្តាល ៖ ជនសង្ស័យចំនួន៥នាក់ ក្នុងចំណោមបក្ខពួក ០៦នាក់ ត្រូវសមត្ថកិច្ចធ្វើការបង្ក្រាបបានជាបន្តបន្ទាប់ ពាក់ព័ន្ធករណីជួញដូរ រក្សាទុក និងប្រើប្រាស់ដោយខុសច្បាប់ នូវសារធាតុញៀន…
ខេត្តកណ្តាល ៖ ជនសង្ស័យចំនួន៥នាក់ ក្នុងចំណោមបក្ខពួក ០៦នាក់ ត្រូវសមត្ថកិច្ចធ្វើការបង្ក្រាបបានជាបន្តបន្ទាប់ ពាក់ព័ន្ធករណីជួញដូរ រក្សាទុក និងប្រើប្រាស់ដោយខុសច្បាប់ នូវសារធាតុញៀន ។
ការបង្ក្រាបនេះបានធ្វើឡើងកាលពីវេលាម៉ោង០៣និង០៥នាទីរសៀលថ្ងៃទី២៧ ខែមិថុនា ឆ្នាំ២០២៥ ចំណុច ភូមិឈើទាល ឃុំឈើទាល ស្រុកកៀនស្វាយ ខេត្តកណ្ដាល ។
សមត្ថកិច្ចស្រុកកៀនស្វាយបានឲ្យដឹងថា ទាំងអស់ចំនួន០៦នាក់ ឃាត់ខ្លួនបាន០៥នាក់ ម្នាក់ទៀតគេចខ្លួនរួមមាន ៖
១-ឈ្មោះ រី ណារ៉ុង ភេទប្រុស អាយុ ៣៨ ឆ្នាំ(ខ្មែរ) មុខរបរ មិនពិត មានទីលំនៅ ភូមិទួលដូង ឃុំគគីរ ស្រុកកៀនស្វាយ ខេត្តកណ្តាល (ឃាត់ខ្លួន) (ជួញដូរ) ។
២- ឈ្មោះ អ៊ន ដារ៉ា ភេទប្រុស អាយុ២៥ ឆ្នាំ (ខ្មែរ) មុខរបរ មិនពិត មានទីលំនៅ ភូមិឈើទាល ឃុំឈើទាល ស្រុកកៀនស្វាយ ខេត្តកណ្តាល (ឃាត់ខ្លួន)(ជួញដូរ)
៣- ឈ្មោះ អ៊ុំ ស៊ីញ ភេទប្រុស អាយុ៣០ ឆ្នាំ (ខ្មែរ) មុខរបរ កម្មករសំណង់ មានទីលំនៅ ភូមិឈើទាល ឃុំឈើទាល ស្រុកកៀនស្វាយ ខេត្តកណ្តាល (ឃាត់ខ្លួន)(ប្រើប្រាស់)
៤- ឈ្មោះ ពុក ម៉ាឡេ ភេទប្រុស អាយុ២៣ ឆ្នាំ (ខ្មែរ) មុខរបរ មិនពិត មានទីលំនៅ ភូមិឬស្សីស្រុក ឃុំឈើទាល ស្រុកកៀនស្វាយ ខេត្តក
ណ្តាល (ឃាត់ខ្លួន)(រក្សាទុក)
៥- ឈ្មោះ ធៀម ចន្ធី(ប៉ុន) ភេទប្រុស អាយុ២១ ឆ្នាំ (ខ្មែរ) មុខរបរ មិនពិត មានទីលំនៅ ភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ (ឃាត់ខ្លួន)(ប្រើប្រាស់)
៦- ឈ្មោះ កាម៉ល់ ពិសិដ្ឋ (មុំ)ប្រុស អាយុ ៣៣ ឆ្នាំ(ខ្មែរ) មុខរបរ មិនពិត មានទីលំនៅ ភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ (គេចខ្លួន) (ជួញដូរ)។
ក្នុងនោះសមត្ថកិច្ចធ្វើការដកហូត វត្ថុតាងចាប់យករួមមាន ៖ ម្សៅក្រាមពណ៌សថ្លាសង្ស័យជាសារធាតុញៀន (ម៉ាទឹកកក) ចំនួន ៤កញ្ចប់(ធំ២ មធ្យម១ តូច១) ទំងន់១៧,១៥ ក្រាម), សម្ភារៈវេចខ្ចប់និងប្រើប្រាស់ថ្នាំញៀនមួយចំនួន, ទូរស័ព្ទចំនួន២គ្រឿង ម៉ាកOppo និងជញ្ជីងសម្រាប់ថ្លឹងថ្នាំញៀនចំនួន១ ។
សូមបញ្ជាក់ថា មុននឹងឈានដល់ការបង្ក្រាបនេះ មានប្រជាពលរដ្ឋបានរាយការណ៍ប្រាប់សមត្ថកិច្ចថា មានសកម្មភាពជួញដូរនិងប្រើប្រាស់ថ្នាំញៀន នៅផ្ទះរបស់ឈ្មោះ អ៊ន ដារ៉ា ស្ថិតនៅភូមិឈើទាល ឃុំឈើទាល។
ក្រោយទទួលពត៌មានបានភ្លាម កម្លាំងប៉ុស្ដិ៍នគរបាលរដ្ឋបាលឈើទាល សហការជាមួយផ្នែកប្រឆាំងគ្រឿងញៀនស្រុកកៀនស្វាយ បានចុះដល់ចំណុចកើតហេតុឃាត់ខ្លួនជនសង្ស័យចំនួន៤នាក់ ឈ្មោះ អ៊ន ដារ៉ា ឈ្មោះ ពុក ម៉ាឡេ ឈ្មោះ ធៀម ចន្ធី និងឈ្មោះ អ៊ុ ស៊ីញ រួចធ្វើការត្រួតពិនិត្យរកឃើញម្សៅក្រាមពណ៌សថ្លាសង្សយ័សារធាតុញៀន(ម៉ាទឹកកក) ចំនួន២កញ្ចប់(មធ្យម១ តូច១) និងសម្ភារៈវេចខ្ចប់និងប្រើប្រាស់ថ្នាំញៀនមួយចំនួន ។ ក្រោយធ្វើការត្រួតពិនិត្យរួចកម្លាំងយើងបាននាំខ្លួនជនសង្ស័យរួមនឹងវត្ថុតាងមកផ្នែកប្រឆាំងគ្រឿងញៀន ដើម្បីសួរនាំ ។
នៅចំពោះមុខសមត្ថកិច្ចជនសង្ស័យឈ្មោះ អ៊ន ដារ៉ា ភេទប្រុស និងឈ្មោះ ពុក ម៉ាឡេ បានសារភាពថា ម្សៅក្រាមពណ៌សថ្លាសង្ស័យ ជាសារធាតុញៀន(ម៉ាទឹកកក) ចំនួន២កញ្ចប់នេះ ជារបស់ខ្លួនប្រាកដមែន ហើយខ្លួនបានទិញពីឈ្មោះ រី ណារ៉ុង ភេទប្រុស ក្នុងតំលៃដប់ម៉ឺនរៀល យកមកវេចខ្ចប់ទុកលក់បន្ត ឈ្មោះ ធៀម ចន្ធី បានសារភាពថា ខ្លួនពិតជាបានប្រើប្រាស់ថ្នាំញៀនក្នុងផ្ទះ អ៊ន ដារ៉ា ប្រាកដមែននិងឈ្មោះ អ៊ុ ស៊ីញ បានសារភាពថា ខ្លួនពិតជាបានទិញថ្នាំញៀនពីឈ្មោះ អ៊ន ដារ៉ា យកមកប្រើប្រាស់ប្រាកដមែន ។
ក្រោយបានចម្លើយសារភាពរបស់ឈ្មោះ អ៊ន ដារ៉ា កម្លាំងផ្នែកប្រឆាំងគ្រឿងស្រុក សហការជាមួយប៉ុស្តិឈើទាល បន្តនិតិវិធីចុះទៅដល់ផ្ទះរបស់ឈ្មោះ រី ណារ៉ុង ស្ថិតនៅភូមិទួលដូង ឃុំគគីរ បានធ្វើការឃាត់ខ្លួនឈ្មោះ រី ណារ៉ុង ដកហូតបានម្សៅក្រាមសថ្លាសង្ស័យសារធាតុញៀន ចំនួន២កញ្ចប់ធំ ជញ្ជីងសម្រាប់ថ្លឹងថ្នាំញៀនចំនួន១ សម្ភារៈវេចខ្ចប់ថ្នាំញៀនមួយចំនួន ក្រោយត្រួតពិនិត្យរួច កម្លាំងសមត្ថកិច្ចបាននាំខ្លួន យកមកផ្នែកប្រឆាំងគ្រឿងញៀនស្រុកដើម្បីសួរនាំ នៅចំពោះមុខសមត្ថកិច្ច ឈ្មោះ រី ណារ៉ុង បានសារភាពថា ខ្លួនពិតជាបានលក់ថ្នាំញៀនទៅអោយឈ្មោះ អ៊ន ដារ៉ា តំលៃ១០០០០០រៀល (ដប់ម៉ឺនរៀល)ប្រាកដមែន ហើយថ្នាំញៀននេះខ្លួនបានទិញពីឈ្មោះ កាម៉ល់ ពិសិដ្ឋ(ហៅមុំ) តំលៃ៨០០០០០រៀល (ប៉ែតសិបម៉ឺនរៀល) ហើយកន្លងមកខ្លួនធ្លាប់ទិញថ្នាំញៀនពីឈ្មោះ កាម៉ល់ ពិសិដ្ឋ(មុំ) ចំនួន ៤០ដង ក្នុងម្តងៗ ៨០០០០០រៀល (ប៉ែតសិបម៉ឺនរៀល) ដើម្បីយកមកលក់បន្ត ។
ក្រោយពីសួរនាំរួច ជនសង្ស័យរួមទាំងវត្ថុតាងឃាត់ខ្លួននៅអធិការដ្ឋាននគរបាលស្រុកកៀនស្វាយដើម្បីចាត់ការតាមនិតិវិធីច្បាប់ ៕
ចែករំលែកព័តមាននេះ