មហារីកពោះវៀនធំខ្លាចអាហារពីរក្រុមនេះ
ការស្រាវជ្រាវបានបង្ហាញថា សារធាតុចិញ្ចឹមទាំង២ ក្រុមនេះ គឺជាសត្រូវនៃជំងឺមហារីកពោះវៀនធំ ។ ពួកវាអាចកម្ចាត់កោសិកាមហារីក កាត់បន្ថយហានិភ័យរហូតដល់២០% ។ «មហារីកពោះវៀនធំ» ត្រូវបានគេចាត់ទុកថា…
ការស្រាវជ្រាវបានបង្ហាញថា សារធាតុចិញ្ចឹមទាំង២ ក្រុមនេះ គឺជាសត្រូវនៃជំងឺមហារីកពោះវៀនធំ ។ ពួកវាអាចកម្ចាត់កោសិកាមហារីក កាត់បន្ថយហានិភ័យរហូតដល់២០% ។
«មហារីកពោះវៀនធំ» ត្រូវបានគេចាត់ទុកថា ជាការគំរា.មកំហែ.ងដោយស្ងៀមស្ងាត់ដល់សុខភាពរបស់ប្រជាជនកាន់តែខ្លាំងឡើង ជាពិសេសអ្នកដែលមានអាយុចាប់ពី៥០ឆ្នាំឡើងទៅ ។
ដែលជារឿយៗត្រូវបានរកឃើញ ក្នុងដំណាក់កាលជឿនលឿន ដោយសារមិនមានរោគសញ្ញានៅដំណាក់កាលដំបូងឡើយ ។
អ្នកជំនាញផ្នែកវេជ្ជសាស្ដ្រ បានចង្អុលបង្ហាញថា អ្វីដែលមិនអាចខ្វះបាននោះ គឺការកែសម្រួលទម្លាប់នៃការញ៉ាំ ជាពិសេសការបង្កើនបន្លែ និងផ្លែឈើ ដែលសម្បូរទៅដោយ «ជាតិសរសៃអាហារ» និង«Quercetin» ដែលជាសារជាតិ flavonoid ធម្មជាតិ ដែលមានលក្ខណៈសម្បត្តិប្រឆាំងនឹងជំងឺមហារីក ។
វេជ្ជបណ្ឌិត Chen Baozhong ជាគ្រូពេទ្យឯកទេសខាងក្រពះពោះវៀន មកពីតៃវ៉ាន់ បាននិយាយថា អ្នកបួសមានឱកាសកើតជំងឺមហារីកពោះវៀនទាបជាងអ្នកបរិភោគសាច់ ។ នេះដោយសារតែបន្លែ និងផ្លែឈើមានជាតិសរសៃអាហារខ្ពស់ដែលជួយជំរុញការកន្ត្រាក់នៃពោះវៀន ដែលអនុញ្ញាតឱ្យលាមកផ្លាស់ទីបានលឿន និងកាត់បន្ថយពេលវេលាដែលជាតិពុល ឬសារធាតុបង្កមហារីកចូលមកប៉ះជញ្ជាំងពោះវៀន ។
លើសពីនេះទៀត ការសិក្សាឆ្នាំ 2023 ពី The American Journal of Clinical Nutrition បានរកឃើញថា ការទទួលទានជាតិសរសៃច្រើនជាង 25 ក្រាមក្នុងមួយថ្ងៃអាចកាត់បន្ថយហានិភ័យនៃជំងឺមហារីកពោះវៀនធំបានជាង 22% ។
បន្ថែមពីលើជាតិសរសៃអាហារ «Quercetin» គឺជាសារធាតុមួយទៀតដែលទទួលបានការចាប់អារម្មណ៍យ៉ាងខ្លាំង ។ Quercetin គឺជាសារធាតុពណ៌រុក្ខជាតិធម្មជាតិដែលមាននៅក្នុងផ្លែឈើ និងបន្លែជាច្រើនដូចជា ខ្ទឹមបារាំង ផ្លែប៉ោម ទំពាំងបាយជូរក្រហម ម្ទេសប្លោក ប្រូខូលី និងតែបៃតង៕
ចែករំលែកព័តមាននេះ