ក្នុងការសំណេះសំណាលរយ:ពេលពីរថ្ងៃ ពីថ្ងៃទី២៦ ដល់ ២៧ ខែមិថុនា នៅខេត្តឧត្តរមានជ័យ និងខេត្តព្រះវិហារ ជាប់ព្រំដែនថៃ បុរសខ្លាំងកម្ពុជាបានបង្ហាញនូវភាពម៉ឺងម៉ាត់ក្នុងការដឹកនាំនិងការពារប្រទេសពីការឈ្លានពានណាមួយ ដែលអាចកើតមានពីប្រទេសថៃ…
ក្នុងការសំណេះសំណាលរយ:ពេលពីរថ្ងៃ ពីថ្ងៃទី២៦ ដល់ ២៧ ខែមិថុនា នៅខេត្តឧត្តរមានជ័យ និងខេត្តព្រះវិហារ ជាប់ព្រំដែនថៃ បុរសខ្លាំងកម្ពុជាបានបង្ហាញនូវភាពម៉ឺងម៉ាត់ក្នុងការដឹកនាំនិងការពារប្រទេសពីការឈ្លានពានណាមួយ ដែលអាចកើតមានពីប្រទេសថៃ ទន្ទឹមនឹងការបង្ហាញជំហរច្បាស់លាស់ក្នុងការចង់មានសន្តិភាព កិច្ចសហប្រតិតបត្តិការ និងការអភិវឌ្ឍន៍តាមព្រំដែនជាមួយប្រទេសជិតខាង ។
សម្តេចតេជោបាននិយាយថា ថៃបច្ចុប្បន្នកំពុងលេងល្បែងចាញ់-ចាញ់។ សម្តេចចង់ឃើញ កម្ពុជានិងថៃលេងល្បែងឈ្នះ- វាប្រសើរជាង។ សម្តេចបានបង្ហាញជំហរកម្ពុជាក្នុងការធ្វើប្រក្រតិកម្មទំនាក់ទំនងរវាងកម្ពុជានិងថៃ ដោយលើកឡើងថា ថៃត្រូវបើកច្រកព្រំដែនមុន ពីព្រោះថៃជាអ្នកបិទមុន ។ បើថៃបើកកម្ពុជានឹងបើកឡើងវិញយ៉ាងយូរ៥ម៉ោង ។
នៅក្នុងទំនាស់បច្ចុប្បន្ន ជាមួយប្រទេសថៃនេះ ប្រទេសកម្ពុជាបានជំហរជារដ្ឋមានអធិបតេយ្យមួយដែលមិនអាចអោយប្រទេសធំសំឡុតបានឡើយ ។ ចំណែកប្រវត្តិសាស្ត្រពិភពលោក ក៏បានបង្ហាញដែរថា ប្រទេសតូចមិនចាំបាច់ត្រូវតែរណបជាមួយប្រទេសធំដែរ។ ទំនាក់ទំនងត្រូវឈរលើមូលដ្ឋានស្មើភាព យុត្តិធម៌ និងគួរទុកចិត្តទាំងសងខាង ។
ជាការពិត នៅពេលយើងក្រឡេកមើលប្រវត្តិសាស្ត្រពិភពលោក ប្រទេសតូចៗច្រើនរកការគាបសង្កត់ពីប្រទេសមានអំណាចគ្រប់គ្រងកិច្ចការពិភពលោក មិនថា ទាក់ទងនឹងកម្លាំងសេដ្ឋកិច្ច កម្លាំងយោធា ឬការឈានដល់ការទូតនោះទេ ។ ប្រទេសធំៗជាទូទៅ មានឥទ្ធិពលច្រើនជាងលើប្រទេសតូចៗ ប៉ុន្តែទោះបីជាយ៉ាងណាក៏ដោយ ប្រសិនបើមេដឹកនាំប្រទេសតូចមួយមានភាពវ័យឆ្លាត និងចេះវិភាគស្ថានការណ៍បានច្បាស់លាស់ ប្រទេសតូចៗទាំងនោះមិនប្រាកដថា ត្រូវរស់ក្រោមគំនាបគេរហូតនោះឡើយ ។
ជាឧទាហរណ៍ សហរដ្ឋអាមេរិក ចិន និងរុស្ស៊ី តែងតែរៀបចំគោលនយោបាយ និងបានដាក់ចេញនូវការសម្រេចចិត្តរបស់ប្រទេសតូចៗនៅទូទាំងពិភពលោក ប៉ុន្តែថាមវន្តមួយនេះមិនពេញលេញបាននោះឡើយ មកដល់ពេលនេះ ប្រជាជាតិតូចៗមួយចំនួនបានបង្ហាញពីសមត្ថភាពនិងឥទ្ធិពលលើមហាអំណាចធំៗជាច្រើនផងដែរ ។
ជាសក្ខីកម្មពិតប្រាកដ នៅសម័យមុនប្រទេសនិងប្រជាជនសម័យអាណានិគមនិយម អឺរ៉ុបបានប្រកាសកំណត់នូវជោគវាសនានៃទឹកដីតូចៗនៅទូទាំងអាស៊ី អាហ្វ្រិក និងអាមេរិក ហើយ សូម្បីតែបន្ទាប់ពីសម័យអាណានិគមបានបញ្ចប់ក៏ដោយ ក៏ការសម្រេចចិត្តផ្នែកសេដ្ឋកិច្ច និងនយោបាយរបស់មហាអំណាចនៅតែបន្តកំណត់លក្ខខណ្ឌសម្រាប់ប្រទេសតូចៗ។
សព្វថ្ងៃនេះ គោលនយោបាយដែលធ្វើឡើងនៅទីក្រុងវ៉ាស៊ីនតោន ទីក្រុងប៉េកាំង ទីក្រុងប្រ៊ុច
សែល ជារឿយៗបានរង្គោះរង្គើរពាសពេញប្រទេសកំពុងអភិវឌ្ឍន៍។ កិច្ចព្រមព្រៀងពាណិជ្ជកម្ម ការសម្រេចចិត្តវិនិយោគ និងយុទ្ធសាស្ត្រការទូតនៃប្រទេសធំៗ តែងតែកំណត់អនាគតសេដ្ឋកិច្ចនៃតំបន់ទាំងមូល។
សូមកុំមើលស្រាល ករណីដូចជាប្រទេសសិង្ហបុរី ទោះបីជាមានទំហំភូមិសាស្ត្រតូច និងកង្វះធនធានធម្មជាតិជាច្រើនក៏ពិតមែនក៏ដោយ ក៏សិង្ហបុរីបានក្លាយជាមហាអំណាចសេដ្ឋកិច្ច និងជាមជ្ឈមណ្ឌលហិរញ្ញវត្ថុដែលប្រទេសធំៗយកចិត្តទុកដាក់។ ជំនាញរបស់សិង្ហបុរីនៅក្នុងបច្ចេកវិទ្យា អភិបាលកិច្ចនិងការរៀបចំផែនការទីក្រុងឆ្លាតវៃបានជំរុញគោលនយោបាយទីក្រុងនៅក្នុងប្រទេសធំៗទូទាំងពិភពលោក។ មកដល់ពេលនេះ សូម្បីតែសហរដ្ឋអាមេរិក និងបណ្តាប្រទេសអឺរ៉ុបក៏នៅតែតែងតែបញ្ជូនគណៈប្រតិភូទៅរៀនពីភាពជោគជ័យរបស់ខ្លួននៅសិង្ហបុរី។
ស្រដៀងគ្នានេះដែរ អ៊ីស្រាអែលគឺជាប្រទេសតូចមួយ រីឯចំនួនប្រជាជនគឺប្រហែលនឹងទំហំនៃទីក្រុងញូវយ៉ក ប៉ុន្តែអ៊ីស្រាអែលមានឥទ្ធិពលយ៉ាងខ្លាំងនៅលើពិភពលោក ពោលគឺពិភពនៃការច្នៃប្រឌិត និងសន្តិសុខ។
ភាពជឿនលឿននៃបញ្ហាគ្រប់គ្រងកសិកម្ម បច្ចេកទេសកសិកម្មដូចជាប្រព័ន្ធធារាសាស្ក្រ និងវប្បធម៌បានបង្កើតគោលនយោបាយ និងយុទ្ធសាស្ត្រអាជីវកម្មនៅក្នុងសហរដ្ឋអាមេរិក និងអឺរ៉ុប។ ក្រុមហ៊ុនបច្ចេកវិទ្យាយក្សអាមេរិក និងអ្នកវិនិយោគរក្សាទំនាក់ទំនងជិតស្និទ្ធជាមួយក្រុមហ៊ុនអ៊ីស្រាអែល ដោយបង្ហាញថា ឥទ្ធិពលមិនត្រូវបានកំណត់ត្រឹមតែទំហំនោះទេ ។ ដោយឡែក យោធា អ៊ីស្រាអែល ក៏មិនធម្មតា ដោយថ្មីៗនេះហ៊ានដល់ថ្នាក់ធ្វើសង្គ្រាមជាមួយនឹងអ៊ីរ៉ង់ ។
ករណីកម្ពុជាក៏ជាប្រទេសមួយដែលតូច ប៉ុន្តែក៏មានភាពធន ហើយអាចតតាំងនិងប្រទេសធំបានដែរ ។ តាមប្រសាសន៍របស់បុរសខ្លាំង នៅកម្ពុជាសម្តេចតេជោ ហ៊ុន សែន នៅពេលដែលចុះទៅសាកសួរសុខទុក្ខពលរដ្ឋដែលបានភៀសខ្លួនពីលទ្ធភាពនៃការផ្ទុះអាវុធនៅតាមព្រំដែនជាមួយនឹងថៃ កាលពីថ្ងៃទី ២៦ និង២៧ ខែមិថុនា ឆ្នាំ២០២៥ ជាសក្ខីកម្មជាក់ស្តែងមួយ។
នាឱកាសនោះ សម្តេចតេជោ ហ៊ុន សែន ហាក់ដូចជាដឹងស្ថានការណ៍និងកលយុគនយោបាយនៅក្នុងប្រទេសថៃ ដែលជាប្រទេសជិតខាង មានឥទ្ធិពល មានសេដ្ឋិកិច្ចធំ ប្រជាជនច្រើន និង មានសេដ្ឋកិច្ចធំទូលាយ ក៏ដោយ ។
តាមប្រសាសន៍របស់សម្តេចតេជោ ស្ថានការណ៍នយោបាយនៅថៃហាក់ស្ថិតនៅក្រោមការ ព្យាករណ៍ទុករបស់សម្តេចផ្ទាល់ ។ នាឱកាសនោះ សម្តេចតេជោ ក៏បានលើកឡើងនូវក្រឡាអុក និង យុទ្ធសាស្ត្រនបាយនៅក្នុងប្រទេសថៃបានយ៉ាងច្បាស់លាស់ ។
ដូច្នេះ ប្រទេសថៃអាចធ្វើការគណនាខុស បើសិនជាគេយល់ថាប្រើយុទ្ធវិធីសំឡុតកម្ពុជាដើម្បីដើរតាមក្រឡាអុករបស់ខ្លួននោះ។ ដើម្បីសន្តិភាពនិងស្នាមញញឹមនៃប្រជាជនប្រទេសទាំងពីរ ប្រទេសថៃត្រូវសម្លឹងឃើញកម្ពុជាជាមិត្តស្មើភាពគ្នា និងគោរពគ្នាទៅវិញទៅមក ហើយឈានដល់ការបង្កើតការសន្តិភាពដែលជាការចង់បានរបស់ប្រជាជននៃប្រទេសទាំងពីរ ៕
ចែករំលែកព័តមាននេះ