លោកប្រធានាធីបតី ដូណាល់ ត្រាំ គឺពិតជាបានបង្ហាញនូវការយកចិត្តទុកដាក់បំផុតចំពោះបញ្ហាសន្តិភាពនៅលើពិភពលោក ទោះបីជាពេលខ្លះលោកបានប្រើប្រាស់វិធីសាស្ត្រសម្លុ.តគំរា.មកំហែ.ង និងបានប្រើប្រាស់ហិ.ង្សាខ្លះក៏ពិតមែន ។ អ្វីដែលប្រត្យក្សបំផុត ទើបតែបង្ហាញនាពេលថ្មីៗនេះ គឺការដែលលោក…
លោកប្រធានាធីបតី ដូណាល់ ត្រាំ គឺពិតជាបានបង្ហាញនូវការយកចិត្តទុកដាក់បំផុតចំពោះបញ្ហាសន្តិភាពនៅលើពិភពលោក ទោះបីជាពេលខ្លះលោកបានប្រើប្រាស់វិធីសាស្ត្រសម្លុ.តគំរា.មកំហែ.ង និងបានប្រើប្រាស់ហិ.ង្សាខ្លះក៏ពិតមែន ។
អ្វីដែលប្រត្យក្សបំផុត ទើបតែបង្ហាញនាពេលថ្មីៗនេះ គឺការដែលលោក ហក់ចូលមកសម្របសម្រួលដោយផ្ទាល់នៅក្នុងរឿងប៉ះទង្គិចព្រំដែនរវាងកម្ពុជា និងថៃដែលផ្ទុះឡើងរហូតដល់បង្កការខូចខាត និងសម្លា.ប់ជីវិតមនុស្សទាំងសងខាង ។
លោក គឺជាប្រធានាធិបតីមហាអំណាចផុតបានទំនាក់ទំនងទូរស័ព្ទដោយផ្ទាល់មកកាន់មេដឹកនាំកម្ពុជា ដែលជាប្រទេសតូចតាចបំផុតមួយ នៅលើពិភពលោកដល់ទៅ២ដង នៅក្នុងរយៈពេល១សប្តាហ៍ ហើយបានដាក់ចេញនូវគំនិតផ្តួចផ្តើមសន្តិភាពរហូតដល់សម្រេចចេញជាលទ្ធផលនូវកិច្ចព្រមព្រៀងបទឈប់បា.ញ់មួយ នៅទីក្រុងពូត្រាចាយ៉ា ប្រទេសម៉ាឡេស៊ី កាលពីថ្ងៃទី២៨ ខែកក្កដា ឆ្នាំ២០២៥កន្លងទៅ ។
ជាការពិតដូចអ្វីដែលបានរៀបរាប់ខាងលើ នៅពេលដែលកម្ពុជា និងថៃ កំពុងតែចរចារនូវកិច្ចព្រមព្រៀងពាណិជ្ជកម្មជាមួយនឹងអាមេរិក ដើម្បីរំដោះ ឬកាត់បន្ថយពន្ធនាំចូលទំនិញទៅអាមេរិកពី៣៦ភាគរយដូចគ្នា លោកត្រាំ បានយកបញ្ហានេះមកសម្លុ.តកម្ពុជា និងថៃ ។
នៅលើបណ្តាញសង្គមរបស់លោក ត្រាំ បានលើកឡើងដដែលៗថា ប្រសិនបើមិនមានកិច្ចព្រមព្រៀងសន្តិភាព និងមិនមានសក្ខីកម្មពិតប្រាកដនៃសន្តិភាព កុំមកចរចារពាណិជ្ជកម្មជាមួយនឹងសហរដ្ឋអាមេរិក ។
សកម្មភាព និងសំណេរធ្ងន់ៗរបស់លោកត្រាំនេះហើយ ដែលអាចជាទំពក់ដែលថ្ពក់មេដឹកនាំ និងកងទ័ពថៃ ដែលតែងតែទាមទារយន្តការទ្វេភាគីឲ្យចុះហត្ថលេខាកិច្ចព្រមព្រៀងបទឈប់បាញ់ តាមការចង់បានតាមយន្តការពហុភាគីដែលកម្ពុជាចង់បាន ។
ក្រៅពីបញ្ហាសន្តិភាពនៅក្នុងទំនាស់ព្រំដែនរវាងកម្ពុជានិងថៃ លោក ត្រាំ ក៏បានដើរតួនាទីជាច្រើននៅក្នុងដំណើរការបញ្ចប់សង្គ្រាមតាមផ្លូវអាកាសរវាងអ៊ីស្រាអែល និង អ៊ីរ៉ង់ នាពេលថ្មីៗនេះ ។
អ្វីដែលលោកត្រាំបានធ្វើព័ត៌មានធំៗ ដូចជារ៉យទ័រជាដើម បានរាយការណ៍ថា នាយករដ្ឋមន្ត្រីអ៊ីស្រាអែល លោក បេនយ៉ាមីន ណេតាន់យ៉ាហ៊ូ (Benjamin Netanyahu) បានតែងតាំងលោកត្រាំ ជាបេក្ខជនមួយរូប សម្រាប់ពានរង្វាន់ណូបែលសន្តិភាព ដែលជាពានរង្វាន់អន្តរជាតិដែលមានទម្រង់ខ្ពស់បំផុតដែលផ្តល់ដល់បុគ្គល ឬអង្គការដែលត្រូវបានចាត់ទុកថាបានធ្វើសកម្មភាពច្រើនបំផុតដើម្បី លើកកម្ពស់មិត្តភាពរវាងប្រជាជាតិនានា។
លោកបានសរសេរលិខិតទៅកាន់គណៈកម្មាធិការណូបែល ហើយលោកបានចែករំលែកតាមបណ្តាញសង្គម ថា លោក ត្រាំ បានបង្ហាញពីការយកចិត្តទុកដាក់យ៉ាងខ្ជាប់ខ្ជួន និងពិសេសក្នុងការលើកកម្ពស់សន្តិភាព សន្តិសុខ និងស្ថិរភាពនៅជុំវិញពិភពលោក។ លោកបានបន្តថា ប្រធានាធីបតី ត្រាំ ក៏កំពុងព្យាយាមបង្កើតបទឈប់បាញ់គ្នារវាងអ៊ីស្រាអែល និងក្រុមហាម៉ាសនៅតំបន់ហ្គាហ្សា ។
ក្រៅពីនោះ តាមទូរទស្សន៍ CNN ប្រទេសប៉ាគីស្ថានក៏បាននិយាយកាលពីខែមិថុនាថា ខ្លួននឹងណែនាំលោក ត្រាំ សម្រាប់ពានរង្វាន់នេះផងដែរ សម្រាប់ការងាររបស់លោកក្នុងការជួយដោះស្រាយជម្លោះរវាងឥណ្ឌា និងប៉ាគីស្ថាន។
ក្រៅពីនោះ លោកត្រាំ ក៏បានដាក់ចេញនូវគំនិតផ្តួចផ្តើមនិងវិធានការជាច្រើនឈានទៅបញ្ចប់សង្គ្រាមនៅ អ៊ុយក្រែន ទោះបីជាមកដល់ពេលនេះវាមិនទាន់ចេញលទ្ធផលអ្វីជាដុំកំភួនក៏ដោយ ។
មកដល់ពេលនេះគេនៅមិនទាន់ដឹងថា តើគណកម្មការដែលសម្រេចចិត្តលើពានរង្វាន់នេះយល់យ៉ាងណានៅឡើយចំពោះទស្សនៈដ៏សុទិដ្ឋិនិយមអំពីភាពសក្តិសមរបស់លោកសម្រាប់ពានរង្វាន់នេះ ខណៈដែលគេដឹងថា ពានរង្វាន់នេះនឹងប្រកាសនៅក្នុងរង្វង់ខែតុលា។
នៅក្នុងករណីលោក ត្រាំ ពិតជាទទួលបានពានរង្វាន់នេះ លោក ត្រាំ នឹងក្លាយជា ប្រធានាធិបតីអាមេរិកទី ៥ដែលទទួលពានរង្វាន់ដ៏មានកិត្តិយសនេះ បន្ទាប់ពី លោក ថេអូឌ័រ រ៉ូសឺវែល (Theodore Roosevelt), លោក វូឌ្រូវ វៀលសុន (Woodrow Wilson), លោក ជីមី ខាធ័រ (Jimmy Carter) និង លោក បារ៉ាក់ អូបាម៉ា ( Barack Obama ) ។
សរុបទៅទាក់ទងនឹងកិច្ចការសន្តិភាពដែលលោកត្រាំ បានដាក់ចេញមួយរយៈមកនេះ ឃើញថា មានប្រសិទ្ធភាពនៅប្រទេសជាច្រើនដូចជាទំនាស់ព្រំដែនឥណ្ឌានិងប៉ាគីស្ថាន សង្គ្រាមផ្លូវអាកាសអ៊ីស្រាអែលនិងអ៊ីរ៉ង់ ហើយថ្មីៗនេះគឺរវាងកម្ពុជានិងថៃ ។ សក្ខីកម្មទាំងនេះវាអាចទឡ្ហីករណ៍មួយដែលអាចនឹងឲ្យ ពិភពលោកពិចារណា ៕
ចែករំលែកព័តមាននេះ