ខេត្តព្រៃវែង ៖ សហគមន៍តាសីសាមគ្គី គឺជាសហគមន៍ធំមួយដែលធ្វើការលើការងារកសិកម្មដាំដំណាំបន្លែគ្រប់ប្រភេទ ដែលមានទីតាំងស្ថិតនៅក្នុងភូមិជាខ្លាង ឃុំជាខ្លាង ស្រុកស្វាយអន្ទរ ខេត្តព្រៃវែង ។ លោក…
ខេត្តព្រៃវែង ៖ សហគមន៍តាសីសាមគ្គី គឺជាសហគមន៍ធំមួយដែលធ្វើការលើការងារកសិកម្មដាំដំណាំបន្លែគ្រប់ប្រភេទ ដែលមានទីតាំងស្ថិតនៅក្នុងភូមិជាខ្លាង ឃុំជាខ្លាង ស្រុកស្វាយអន្ទរ ខេត្តព្រៃវែង ។
លោក ចៀង សុផាត គ្រូបច្ចេកទេសប្រចាំសហគមន៍តាសីសាមគ្គីបានឲ្យដឹងថា ដោយសារតែបញ្ហាព្រំដែនរវាងកម្ពុជានិងថៃមួយរយៈពេលចុងក្រោយនេះ បានធ្វើឲ្យពលករខ្មែរយើងរាប់រយពាន់នាក់ ដែលធ្វើការនៅក្នុងប្រទេសថៃ ត្រូវបង្ខំចិត្តវិលត្រឡប់មកស្រុកកំណើតវិញ ហើយប្រឈមនឹងបញ្ហាបាត់បង់ការងារធ្វើ ។
ដើម្បីរួមចំណែកជួយដោះស្រាយបញ្ហានេះ សហគមន៍តាសីសាមគ្គីបានសម្រេចចិត្តផ្ដល់ឱកាសការងារជូនបងប្អូនពលករខ្មែរទាំងនោះចំនួន១០០នាក់ ដោយមិនគិតពីកម្រិតវប្បធម៌ ហើយសហគមន៍មានផ្ដល់ជូនទាំងកន្លែងស្នាក់នៅ និងអាហារហូបចុកសមរម្យ ដោយឡែកប្រាក់ខែគឺផ្ដល់ជូនចាប់ពី150ដុល្លាររហូតដល់500ដុល្លារទៅតាមសមត្ថភាពជាក់ស្ដែង ហើយសម្រាប់អ្នកដែលធ្វើការបានល្អ ក៏មានប្រាក់ឧបត្ថម្ភលើកទឹកចិត្តថែមទៀតផង ។
លោកគ្រូ ចៀង សុផាត បាទបញ្ជាក់ថា ធ្វើការនៅក្នុងសហគមន៍តាសីសាមគ្គី មានថ្ងៃឈប់សម្រាកត្រឹមត្រូវ ហើយអ្នកដែលមិនចេះអ្វីសោះក៏អាចធ្វើបាន ព្រោះសហគមន៍មានគ្រូបច្ចេកទេសចាំជួយបង្រៀន សម្រាប់ពលករដែលទើបត្រឡប់មកពីប្រទេសថៃ អាចមកទំនាក់ទំនងដាក់ពាក្យចូលធ្វើការបាននៅសហគមន៍ផ្ទាល់ ឬតាមរយៈទូរសព្ទលេខ 012761624 និងលេខ 089661099។
គួរបញ្ជាក់ផងដែរថា មានពលករចំណាកស្រុកសរុបចំនួន24809នាក់ គិតមកដល់ត្រឹមថ្ងៃទី25 មិថុនា ២០២៥ នេះ ពលករដែលចាកចេញពីប្រទេសថៃត្រឡប់មកដល់ស្រុកកំណើតវិញសរុបមានចំនួន1829នាក់ និងនៅសល់ចំនួន22,958នាក់ទៀត មិនទាន់ត្រឡប់មកវិញទេ នេះបើយោងតាមរបាយការណ៍របស់រដ្ឋបាលខេត្តព្រៃវែង។
ចែករំលែកព័តមាននេះ