ខេត្តបាត់ដំបង ៖ សង្វៀនជល់មាន់ដែលសមត្ថកិច្ចតែងអះអាងជារឿយៗថា «គ្មានច្បាប់អនុញ្ញាត»នោះ ពេលនេះ ហាក់កំពុងរីកចំរើនយ៉ាងខ្លាំងនារដូវប្រាំងនេះ និងដោយចំហទៀតផង នៅតាមបណ្ដាស្រុកនានា ក្នុងទឹកដីអាណាចក្រខេត្តបាត់ដំបង ដោយគ្មានកម្លាំងសមត្ថកិច្ចក្នុងអង្គភាពណាមួយអើពើចុះទប់ស្គាត់…
ខេត្តបាត់ដំបង ៖ សង្វៀនជល់មាន់ដែលសមត្ថកិច្ចតែងអះអាងជារឿយៗថា «គ្មានច្បាប់អនុញ្ញាត»នោះ ពេលនេះ ហាក់កំពុងរីកចំរើនយ៉ាងខ្លាំងនារដូវប្រាំងនេះ និងដោយចំហទៀតផង នៅតាមបណ្ដាស្រុកនានា ក្នុងទឹកដីអាណាចក្រខេត្តបាត់ដំបង ដោយគ្មានកម្លាំងសមត្ថកិច្ចក្នុងអង្គភាពណាមួយអើពើចុះទប់ស្គាត់ ឬចុះបង្ក្រាបឡើយ ។
សូម្បីតែលោកស្នងការខេត្ត ក៏ហាក់ដូចជាគ្មានវិធានការជាក់លាក់ជាដុំកំភូនដែរ ។ ម្សិលម៉ិញ (០៥ ១២ ២៥) ក្រុមអ្នកជល់មាន់បានស្រែកហ៊ោរកញ្ជ្រៀវនឹងល្បែងជល់មាន់គ្មានច្បាប់នេះយ៉ាងអាណាធិបតេយ្យ នៅស្រុករុក្ខគិរី ដែលបានបើកលេងរាប់ខែ តែមិនរំខានដល់កម្លាំងសមត្ថកិច្ចឡើយ ។
ហើយថ្ងៃនេះ (០៦ ១២ ២៥) ក្រុមអ្នកជល់មាន់បាននាំគ្នាចោមរោមមើលមាន់ជល់គ្នា ក្នុងសង្វៀនក្រោមម្លប់ប្ញស្សី ។ គេឮតែសម្លេងហ៊ោរកញ្ជ្រៀវជាមួយនឹងសម្លេងស្រែកភ្នាល់ដាក់លុយយ៉ាងសប្បាយរីករាយ នៅស្រុកមោងប្ញស្សី ហើយក៏មិនរំខានដល់សមត្ថកិច្ច ឬអាជ្ញាធរនៅទីនោះ ដូចនៅស្រុករុក្ខគិរីដែរ។
ប្រភពព័ត៌មាននៅកន្លែងជល់មាន់បានរាយការណ៏ថា សង្វៀនជល់មាន់នេះ ចាប់បើកស្វាគមន៍ភ្ញៀវតាំងពីព្រឹករហូតមកទល់នឹងរសៀលថ្ងៃទី០៦ ធ្នូ នេះ នៅភូមិអំពិលឈូង ឃុំឬស្សីក្រាំង ស្រុកមោងឬស្សី។ គេមិនទាន់ស្គាល់ម្ចាស់សង្វៀនមាន់នេះនៅឡើយទេ។ ប៉ុន្តែសង្វៀនមាន់នេះបានបើកទទូលអតិថិជនដែលញៀននឹងល្បែងជល់មាន់មានរយៈពេលយូរក្រែលហើយ ក្រោមក្រសែភ្នែកសមត្ថកិច្ច និងអាជ្ញាធរមូលដ្ឋាន ។
ប្រភពដដែលបានបញ្ជាក់ថា សង្វៀនមាន់មួយនេះ បើលេងជាប្រចាំឲ្យតែមានគូប្រកូត។ ថ្ងៃខ្លះមានមនុស្សរាប់រយនាក់ តែថ្ងៃខ្លះក៏មិនសូវមានអ្នកលេងដែរ។ ពោល៖ បើមានគូល្អៗ មានអ្នកលេងមកច្រើនកកកុញ តែបើមានគូអន់ៗ អ្នកលេងក៏បែកទៅលេងនៅសង្វៀនផ្សេង ។
អធិការស្រុកស្រុកមោងប្ញស្សី លោក ស គឹមឡុង មិនអាចទំនាក់ទំនងសុំការបំភ្លឺបានទេ ជុំវិញវត្តមាន«សង្វៀនជល់មាន់» ខាងលើនេះ។
ប៉ុន្តែជាទម្លាប់លោកអធិការរូបនេះ មិនសូវលើកទូរស័ព្ទនិយាយទេ បើលេខទូរស័ព្ទមិនស្គាល់ ឬ សង្ស័យលេខអ្នកសារព័ត៌មានទួរស័ព្ទទៅសាកសួរព័ត៌មានផ្សេងៗ ។ បច្ចុប្បន្ននេះ ល្បែងបញ្ជល់មាន់ ត្រូវគេសង្កេតឃើញបាននិងកំពុងរីកលូតលាស់ច្រើនកន្លែងណាស់ ។ ជាពិសេស នៅតាមបណ្ដាស្រុកនានា ដាច់ឆ្ងាយពីភ្នែកច្រមុះថ្នាក់ដឹកនាំ។ ដោយឡែក ការទប់ស្កាត់ ឬ ការចុះបង្ក្រាបវិញ ហាក់គ្មានប្រសិទ្ធភាពឡើយ រីឯវិធានការថ្នាក់លើក៏នៅមានកម្រិតដែរ ។
ជាពិសេស កម្លាំងស្នងការខេត្ត ដែលគេចាត់ទុកជាកម្លាំងជួរមុខ ក្នុងការចុះបង្ក្រាបល្បែងស៊ីសងខុសច្បាប់បែបនេះ ហាក់គ្មានសកម្មភាពសោះ ។ គេមិនដឹងថា តើកន្លងមក លោកស្នងការខេត្ត បានដឹងឬ ធ្លាប់បានទទួលព័ត៌មានស្ដីពីល្បែងស៊ីងសងកើនឡើងយ៉ាងអនាធិបតេយ្យ តាមបណ្ដាស្រុកនានាបានកម្រិតណាទេ ? ឬក៏លោកទទួលបានតែរបាយការណ៍ភូតកុហក់ពីមន្ត្រីថ្នាក់
ក្រោម ?
ចែករំលែកព័តមាននេះ