ក្រៅពីប្រេងឆៅ និងពាណិជ្ជកម្ម សង្គ្រាមអ៊ីរ៉ង់ និងអ៊ីស្រាអែល ដែលសហរដ្ឋអាមេរិកបានលូកដៃចូលបន្ថែមទៀតនេះ បានកំពុងតែធ្វើឲ្យវិស័យនានានៅមជ្ឈិមបូព៌ា និងពិភពលោកធ្លាក់នៅក្នុងវិបត្តិនៅក្នុងនោះ វិស័យអាកាសចរណ៍ និងទេសចរណ៍ គឺជាវិស័យដែលបានកំពុងតែរងគ្រោះហើយ…
ក្រៅពីប្រេងឆៅ និងពាណិជ្ជកម្ម សង្គ្រាមអ៊ីរ៉ង់ និងអ៊ីស្រាអែល ដែលសហរដ្ឋអាមេរិកបានលូកដៃចូលបន្ថែមទៀតនេះ បានកំពុងតែធ្វើឲ្យវិស័យនានានៅមជ្ឈិមបូព៌ា និងពិភពលោកធ្លាក់នៅក្នុងវិបត្តិនៅក្នុងនោះ វិស័យអាកាសចរណ៍ និងទេសចរណ៍ គឺជាវិស័យដែលបានកំពុងតែរងគ្រោះហើយ ។
ក្រោយពេលដែលអ៊ីស្រាអែល បានបើកការវា.យប្រហារលើអ៊ីរ៉ង់ វិស័យអាកាសចរណ៍នៅមជ្ឈិមបូព៌ាបានរងគ្រោះរួចទៅហើយ ឥឡូវដល់ពេលសហរដ្ឋអាមេរិកលូកដៃបន្ថែមទៀតវារឹតតែធ្វើឲ្យវិស័យនេះស្ថិតនៅក្នុង ហានិភ័យកាន់តែខ្លាំង ។
តាមសេចក្តីរាយការណ៍របស់សារព័ត៌មាន អាលហ្សាស៊ីរ៉ា បានឲ្យដឹងថា ក្រុមហ៊ុនអាកាសចរណ៍ជាច្រើន បានផ្អាកជើងហោះហើរទៅកាន់គោលដៅមួយចំនួន នៅមជ្ឈិមបូព៌ា ខណៈដែលក្រុមហ៊ុនខ្លះ គឺបានកំពុងតែសម្របខ្លួន និងប្រើប្រាស់ផ្លូវហោះហើរថ្មីទាំងប្រថុយប្រថាន ។
ឥឡូវនេះ វិស័យអាកាសចរណ៍កាន់តែហានិភ័យ នៅក្នុងការធ្វើប្រតិបត្តិការដឹកជញ្ជូនទៅមជ្ឈិមបូព៌ា ដោយសារអ៊ីរ៉ង់ មិនត្រឹមតែគំរា.មទេ គឺបានបើកការវា.យប្រហារលើមូលដ្ឋានទ័ពអាមេរិកនៅកាតាបន្ថែមទៀត ។
ការវា.យប្រហារនេះ គឺធ្វើឡើងមួយថ្ងៃ បន្ទាប់ពីសហរដ្ឋអាមេរិកបានទម្លា.ក់គ្រា.ប់បែកលើអ៊ីរ៉ង់ ហើយប្រធានាធិបតីអ៊ីរ៉ង់ លោក ម៉ាស៊ូ ប៉េហ្សេឃៀន ( Masoud Pezeshkian)បានគំរា.មសងសឹកអាមេរិកវិញ ។ ចាប់តាំងពីថ្ងៃទី១៣ ខែមិថុនា នៅពេលដែលអ៊ីស្រាអែល បើកការវា.យប្រហារទៅលើប្រទេសអ៊ីរ៉ង់ ប្រជាជនអ៊ីរ៉ង់ជាង៤០០នាក់ត្រូវបានសម្លា.ប់ ហើយយ៉ាងហោចណាស់ ជាង៣ពាន់នាក់ផ្សេងទៀតបានរងរបួស ខណៈដែលអ៊ីស្រាអែល យ៉ាងហោចណាស់ ២៤នាក់ ប៉ុន្តែហេដ្ឋារចនាសម្ព័នអ៊ីស្រាអែល ក៏រងការខូចខាតមិនចាញ់អ៊ីរ៉ង់ប៉ុន្មានឡើយ ។
ចំពេលមានជម្លោះកាន់តែខ្លាំង ចរាចរណ៍ផ្លូវអាកាសនៅក្នុងតំបន់បានធ្លាក់ចុះយ៉ាងខ្លាំង រួមទាំងលើប្រទេសអ៊ីរ៉ាក់ ស៊ីរី លីបង់ និងហ្ស៊កដានី ខណៈដែលគោលដៅ ទៅប៉ាឡេស្ទីន អ៊ីរ៉ង់ និងអ៊ីស្រាអែល គឺសូន្យ ។
តើជើងហោះហើរទៅកាន់មជ្ឈិមបូព៌ាទាំងអស់ត្រូវបានផ្អាកដែរឬទេ?
ចាប់តាំងពីអ៊ីស្រាអែលវា.យប្រហារអ៊ីរ៉ង់ កាលពីថ្ងៃទី១៣ ខែមិថុនា ចរាចរណ៍ផ្លូវអាកាសត្រូវបានរំខានលើបណ្តាប្រទេសមជ្ឈិមបូព៌ាជាច្រើន ។ ការវា.យប្រហារដំបូងរបស់អ៊ីស្រាអែលបានបង្ខំឱ្យអ៊ីរ៉ង់ អ៊ីរ៉ាក់ និងហ្ស៊កដានី បិទដែនអាកាសរបស់ពួកគេ ។ បន្ទាប់ពីអរិភាពបានចាប់ផ្តើម អាកាសយានដ្ឋានសំខាន់របស់អ៊ីស្រាអែល គឺអាកាសយានដា្ឋនបេន ហ្គោរៀន (Ben Gurion) ក្នុងទីក្រុងតែលអាវីវ ( Tel Aviv) ត្រូវបានបិទ ហើយក្រុមហ៊ុនអាកាសចរណ៍បានផ្អាកជើងហោះហើរទាំងអស់ទៅ និងមកពីអ៊ីស្រាអែល ។
ទន្ទឹមនឹងនេះ នៅពេលដែលអ៊ីស្រាអែល និងអ៊ីរ៉ង់ បន្តបាញ់មីស៊ីលដាក់គ្នាទៅវិញទៅមក ជើងហោះហើររាប់រយដែលគ្រោងនឹងឆ្លងកាត់មជ្ឈិមបូព៌ា ត្រូវបានលុបចោល ឬបង្វែរទិសដៅ ។ ក្រុមហ៊ុនអាកាសចរណ៍អន្តរជាតិជាច្រើនបានផ្អាក ឬប្តូរជើងហោះហើរ ។ ក្រុមហ៊ុនអាកាសចរណ៍ British Airways និង Air France-KLM បានលុបចោលជើងហោះហើរនៅលើផ្លូវ ឌូបៃ ដូហា និង រីយ៉ាត កាលពីចុងសប្តាហ៍ ដោយអនុញ្ញាតឱ្យអ្នកដំណើរធ្វើការកក់ទុកឡើងវិញតាមកាលវិភាគដែលបានកែសម្រួល ។
ជើងហោះហើរមួយរបស់ British Airways ពីទីក្រុងឡុងដ៍ ទៅកាន់ទីក្រុងឌូបៃ ត្រូវបានបង្វែរទៅកាន់ទីក្រុង ផ្សេងបន្ទាប់ពីចូលដែនអាកាសអារ៉ាប៊ីសាអូឌីត ហើយខ្លះទៀតត្រូវបានបង្ខំឱ្យត្រឡប់ទៅគោលដៅដើមវិញ ។ ក្រុមហ៊ុនអាកាសចរណ៍ក៏បានផ្អាកសេវាកម្មដឹកជញ្ជូនទៅកាន់ប្រទេសបារ៉ែន ដោយជើងហោះហើរទៅកាន់គោលដៅឈូងសមុទ្រមួយចំនួនបានផ្អាករហូតដល់យ៉ាងហោចណាស់ចុងខែមិថុនា ។
ក្រុមហ៊ុនអាកាសចរណ៍សិង្ហបុរីក៏បានផ្អាកសេវាកម្មលើផ្លូវរត់សិង្ហបុរី-ឌូបៃ ។ ដោយឡែកក្រុមហ៊ុនអាកាសចរណ៍អាមេរិកបានផ្អាកជើងហោះហើរទៅកាន់ប្រទេសកាតា និងក្រុមហ៊ុនអាកាសចរណ៍ United Airlines ទៅកាន់ទីក្រុងឌូបៃ ។
ក្រុមហ៊ុន Lufthansa របស់អាល្លឺម៉ង់ បានផ្អាកជើងហោះហើររបស់ខ្លួនទៅកាន់ទីក្រុង តេអេរ៉ង់ និង តែលអាវីវ ហើយបាននិយាយថា ខ្លួននឹងជៀសវាងដែនអាកាសអ៊ីរ៉ង់ អ៊ីរ៉ាក់ និងអ៊ីស្រាអែល ។
ចុះក្រុមហ៊ុនអាកាសចរណ៍ក្នុងតំបន់?
ក្រុមហ៊ុន Emirates បានប្រកាសថា ខ្លួនបាន «ផ្អាកជើងហោះហើរទាំងអស់ជាបណ្តោះអាសន្ន» ទៅកាន់ទីក្រុងតេអេរ៉ង់ទីក្រុងបាដាត និងបាស្រា រហូតដល់ថ្ងៃទី៣០ ខែមិថុនា។ ដោយឡែក ក្រុម FlyDubai ក៏បានផ្អាកសេវាកម្មទៅកាន់ប្រទេសអ៊ីរ៉ង់ អ៊ីរ៉ាក់ អ៊ីស្រាអែល និងស៊ីរី រហូតដល់ចុងខែមិថុនា ។
ក្រុមហ៊ុនអាកាសចរណ៍ Qatar Airways បានបង្ហោះសេចក្តីជូនដំណឹងថា ខ្លួនបានលុបចោលជើងហោះហើរទៅកាន់ប្រទេសអ៊ីរ៉ង់ អ៊ីរ៉ាក់ និងស៊ីរីជាបណ្តោះអាសន្ន ។ ក្រុមហ៊ុនវាបានលើកឡើងពីស្ថានភាពបច្ចុប្បន្ននៅក្នុងតំបន់ ដោយសង្កត់ធ្ងន់លើសុវត្ថិភាពអ្នកដំណើរ និងនាវិក ។ ក្រុមហ៊ុនអាកាសចរណ៍បានបញ្ជាក់ថាខ្លួន «គោរពតាមបទប្បញ្ញត្តិអាកាសចរណ៍អន្តរជាតិយ៉ាងពេញលេញសម្រាប់ផ្លូវយន្តហោះដែលមានសុវត្ថិភាព» ។ ក្រុមហ៊ុនអាកាសចរណ៍ Etihad Airways ដែលមានមូលដ្ឋាននៅទីក្រុង អាប៊ូ ដាប៊ី ( Abu Dhabi) បាននិយាយថា ខ្លួនបានផ្អាកកាលវិភាគ ហោះហើយ រវាង អាបូ ដាប៊ី – តែលអាវីវ ទាំងមូលរបស់ខ្លួនរហូត ដល់ថ្ងៃទី១៥ ខែកក្កដា ។
ក្រុមហ៊ុនអាកាសចរណ៍បានបញ្ជាក់ នៅក្នុងសេចក្តីថ្លែងការណ៍ថាខ្លួនកំពុង «ជួយភ្ញៀវដែលរងផលប៉ះពាល់ជាមួយនឹងការរៀបចំការធ្វើដំណើរជំនួស» ហើយបានព្រមានថា ការរំខាននៃកាលវិភាគបន្ថែមទៀតអាចកើតឡើង ។ វាបានរំលឹកឡើងវិញថា «សុវត្ថិភាពរបស់ភ្ញៀវ និងនាវិករបស់យើងនៅតែជាអាទិភាពខ្ពស់បំផុតរបស់ក្រុមហ៊ុន» ។
ហេតុអ្វីបានជាក្រុមហ៊ុនអាកាសចរណ៍ផ្អាក ឬប្តូរជើងហោះហើរឡើងវិញ?
ស្ថាប័នសុវត្ថិភាពអាកាសចរណ៍សកល បានចេញការជូនដំណឹងអំពីហានិភ័យខ្ពស់ បន្ទាប់ពីការវាយប្រហាររបស់សហរដ្ឋអាមេរិក និងសក្តានុពលសម្រាប់ការសងសឹកអ៊ីរ៉ង់ ។ ស្ថាប័ននេះបាននិយាយថា សកម្មភាពមីស៊ីល និងយន្តហោះគ្មានមនុស្សបើកដែលកំពុងបន្តនៅក្នុងតំបន់ បង្ហាញពីការគំរា.មកំហែ.ងដល់ការហោះហើរពាណិជ្ជកម្ម ជាពិសេសប្រតិបត្តិការដោយក្រុមហ៊ុនអាកាសចរណ៍ដែលមានមូលដ្ឋាននៅសហរដ្ឋអាមេរិក៕
ចែករំលែកព័តមាននេះ