រាជធានីភ្នំពេញ ៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានចាត់ទុកសកម្មភាពគឃ្លើន និងប្រមាថមើលងាយកម្ពុជា រួមទាំងការគំរាមកំហែងរបស់ថៃ កន្លងមក…
រាជធានីភ្នំពេញ ៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានចាត់ទុកសកម្មភាពគឃ្លើន និងប្រមាថមើលងាយកម្ពុជា រួមទាំងការគំរាមកំហែងរបស់ថៃ កន្លងមក គឺជាការបញ្ឆេះនូវកំហឹង បញ្ឆេះនូវស្មារតីជាតិនិយមក្នុងប្រទេសកម្ពុជា ដែលប្រទេសនេះ មិនអាចឱ្យគេមើលងាយរហូត ឬបន្ទោសរហូតបែបនេះនោះទេ ។
សម្តេចបវរធិបតី ហ៊ុន ម៉ាណែត បានថ្លែងក្នុងពិធីបិទកិច្ចប្រជុំគណៈកម្មាធិការកណ្តាល សហភាពសហព័ន្ធយុវជកម្ពុជា នៅសណ្ឋាគារសុខាសៀមរាប នាព្រឹកថ្ងៃទី២៣ ខែមិថុនា ឆ្នាំ២០២៥ ថា ស្មារតីស្នេហាជាតិ និងឆន្ទៈគាំទ្ររបស់ពលរដ្ឋខ្មែរ ដែលផុសឡើងខ្ពស់ នាពេលនេះ មិនបានកើតឡើង ដោយសារតែរាជរដ្ឋាភិបាលកម្ពុជា ប្រើល្បិចកល ឬរៀបគម្រោងអ្វីមួយ ដើម្បីចំណេញគោលនយោបាយផ្ទៃក្នុងរបស់ខ្លួនឡើយ គឺផុសឡើងដោយស្មារតីជាតិនិយមពិតប្រាកដ ដែលកើតចេញពីការរងនូវការប្រមាថ និងមើលងាយ ពីសំណាក់ភាគីថៃ រាប់ចាប់ពីចុងឆ្នាំមុន និងដើមឆ្នាំនេះ រហូតដល់ពេល ដែលកើតមានបញ្ហាព្រំដែន ២៨ ឧសភា ។
សម្តេចធិបតី បានរំលឹកថា ភាគីថៃ បានបំផុសជាតិនិយមខ្លួនឯង ក្នុងប្រទេស ដើម្បីបម្រើផលប្រយោជន៍នយោបាយក្នុងប្រទេសរបស់ខ្លួន ប៉ុន្តែប្រទេសថៃ បានដើរហួសបន្ទាត់ក្រហម ឈានដល់ការប្រកាសចង់ប្រើកងកម្លាំង ដើម្បីកាន់កាប់ទឹកដីកម្ពុជា ជាពិសេសតំបន់រសើប ដែលកំពុងកើតមាននោះ បានធ្វើឱ្យកម្ពុជា ត្រូវតែឆ្លើយតបវិញ ដោយមិនអាច បណ្តោយឱ្យប៉ះពាល់កិត្តិយសជាតិរបស់ខ្មែរឡើយ ជាពិសេសបូរណភាពទឹកដី និងអធិបតេយ្យភាពរបស់ខ្លួន ។
សម្តេចបវរធិបតី បានគូសបញ្ជាក់ថា ៖ «ទាំងជាតិនិយម និងរឿងនយោបាយផ្ទៃក្នុងរបស់ថៃ ជាពិសេសអ្នកជ្រុលនិយម បានបង្កើតនូវស្មារតីជាតិនិយម ដែលបន្ទោសបង្អាប់មកលើកម្ពុជា ក៏រដ្ឋាភិបាលកម្ពុជា បន្តអត់ធ្មត់ ប៉ុន្តែប្រជាពលរដ្ឋខ្មែរ បានឃើញសកម្មភាពទាំងនេះ តាម បណ្តាញសារព័ត៌មាន ទើបកើតការឈឺចាប់ និងក្តៅក្រហាយ ជាពិសេសកាលពីថ្ងៃ២៨ ខែឧសភា កងកម្លាំងថៃ បានចូលមកបាញ់កងទ័ពខ្មែរក្នុងលេដ្ឋាន ដែលជាដែនអធិបតេយ្យភា ពរបស់ខ្លួន ហើយភាគីថៃ បែរជាចោទប្រកាន់កម្ពុជាទៀត ថាជាអ្នកបាញ់មុន ។
ជាមួយគ្នានោះដែរ សម្តេចបវរធិបតី បានចាត់ទុកសកម្មភាពគឃ្លើន និងប្រមាថមើលងាយកម្ពុជា រួមទាំងការគំរាមកំហែងកន្លងមក គឺជាការបញ្ឆេះនូវកំហឹង បញ្ឆេះនូវស្មារតីជាតិនិយមក្នុងប្រទេសកម្ពុជា ដែលប្រទេសនេះ មិនអាចឱ្យគេមើលងាយរហូត ឬបន្ទោសរហូតបែបនេះនោះទេ ខណៈដែលស្មារតីជាតិនិយមរបស់ពលរដ្ឋជាច្រើនលើសលប់ មិនមែនទើបតែមានពេល ដែល ស.ស.យ.ក រៀបចំថ្ងៃ កាលពី១៨ មិថុនានោះទេ ។
សម្តេចធិបតី បានគូសបញ្ជាក់ថា អ្នកវិភាគនយោបាយ អ្នកនយោបាយមួយចំនួននៅថៃ ព្រមទាំងសារព័ត៌មានមួយចំនួន បានចោទប្រកាន់កម្ពុជា ថា ជាអ្នកផ្តួចផ្តើមរឿង ICJ ដើម្បីបំផុសចលនាជាតិនិយមខាងក្នុងប្រទេស ដើម្បីលើកប្រជាប្រិយភាពរដ្ឋាភិបាល ព្រោះរដ្ឋាភិបាលអត់មានប្រជាប្រិយទេ ហើយខំដុតកំដៅជាតិនិយមដើម្បីឡើង ។
ក្នុងនោះសម្តេចធិបតី អះអាងថា កម្ពុជា មិនបានទៅបញ្ឆេះកំហឹងជាតិនិយមទេ ហើយក៏ មិនបានចង់ទៅរករឿង ឬទៅមានរឿងដែរ ស្របពេលដែលរាប់សិបខែមកហើយ ដែលរដ្ឋា ភិបាលកម្ពុជា ប្រើប្រាស់ការអត់ធ្មត់ សូម្បីតែពេលខ្លះ រាជរដ្ឋាភិបាល ត្រូវបានមតិខ្មែរគ្នាឯង មួយចំនួន មជ្ឈដ្ឋាននយោបាយមួយចំនួន ចោទថា អន់ ឬខ្លាចយ៉ាងណាក៏ដោយ ។
ក្នុងឱកាសនោះដែរសម្តេចធិបតី ហ៊ុន ម៉ាណែតបានគូសបញ្ជាក់ថា៖« “ដើមចមនៃការបំផុស នូវស្មារតីជាតិនិយមរបស់កម្ពុជា គឺមិនមែនដោយសារកម្ពុជា បំផុសដើម្បីយកទៅវៃអ្នកណា ចំណេញនយោបាយផ្ទៃក្នុងទេ ប៉ុន្តែដោយសារកត្តាខាងក្រៅ ដែលប្រទេសមួយ អ្នកនយោបាយមួយ ចង់ចំណេញខ្លួនឯង បំផុសនយោបាយផ្ទៃក្នុងខ្លួនឯង ហើយយកកម្ពុជា ធ្វើជាប៉ាវសាក់ នេះហើយដែលធ្វើឱ្យជាតិខ្មែររបស់យើង ត្រូវឆ្លើយតបទៅវិញ
សម្តេចបវរធិបតីនាយករដ្ឋមន្ត្រីបានអះអាថានេះគឺជាស្មារ តីដែលដុតបញ្ឆេះ តើរដ្ឋាភិបាល សម្តេចតេជោ ក្នុងនាមជាប្រធានគណបក្សកាន់អំណាច ខ្ញុំក្នុងនាមជានាយករដ្ឋមន្ត្រី ដឹកនាំប្រទេស តើយើងចាំបាច់បំផុស តើយើងបំផុសធ្វើអីទេ អត់ទេ អ្វីដែលយើងធ្វើគ្រា ន់តែបំពេញភារកិច្ចរបស់យើង ដឹកនាំតែប៉ុណ្ណឹង ដឹកនាំប្រទេសមួយ ដាក់ចេញគោលន យោបាយប្រទេសមួយ គោលដៅវិធានការប្រទេសមួយ ដើម្បីការពារអធិបតេយ្យជាតិ បូរណភាពទឹកដី និងដើម្បីការពារផលប្រយោជន៍ ឧត្តមប្រយោជន៍ជាតិតែប៉ុណ្ណោះ យើងធ្វើ តែប៉ុណ្ណឹង ចលនាជាតិនិយមរបស់ខ្មែរ ចេញមកក្រោយរាជរដ្ឋាភិបាល វាតែប៉ុណ្ណឹង ៕
ចែករំលែកព័តមាននេះ