សង្គ្រាមអីុស្រាអែល-អីុរ៉ង់ ៖ មានការវិភាគនានាពីសង្គ្រាមដ៏ទំនើបនិងយ៉ាងបំផ្លិចបំផ្លាញរវាងអីុស្រាអែលនិងអីុរ៉ង់ ដោយគេលើកជាសំនួរថា តើនរណាខ្លះចំណេញក្នុងសង្គ្រាមនេះ? ទីតាំងគន្លឹះនានានៃកម្មវិធីនុយក្លេអ៊ែរអីុរ៉ង់ត្រូវបានកម្ទេច ផ្នែកការពារអាកាសរបស់ប្រទេសនោះរងការខូចខាត ហើយការវាយប្រហារមួយចំនួន សំដៅលើបណ្ដាមូលដ្ឋានមីសីុល បណ្ដាមជ្ឈមណ្ឌលទីបញ្ជាការដ្ឋានយោធា…
សង្គ្រាមអីុស្រាអែល-អីុរ៉ង់ ៖ មានការវិភាគនានាពីសង្គ្រាមដ៏ទំនើបនិងយ៉ាងបំផ្លិចបំផ្លាញរវាងអីុស្រាអែលនិងអីុរ៉ង់ ដោយគេលើកជាសំនួរថា តើនរណាខ្លះចំណេញក្នុងសង្គ្រាមនេះ? ទីតាំងគន្លឹះនានានៃកម្មវិធីនុយក្លេអ៊ែរអីុរ៉ង់ត្រូវបានកម្ទេច ផ្នែកការពារអាកាសរបស់ប្រទេសនោះរងការខូចខាត ហើយការវាយប្រហារមួយចំនួន សំដៅលើបណ្ដាមូលដ្ឋានមីសីុល បណ្ដាមជ្ឈមណ្ឌលទីបញ្ជាការដ្ឋានយោធា និងបណ្ដាទីតាំងនុយក្លេអ៊ែរ។
នោះជាព្រឹត្តិការណ៍មួយដែលទាក់ទាញការចាប់អារម្មណ៍របស់អន្តរជាតិដែលបង្វែរជំនួយយោធាមួយចំនួនទៅកាន់មជ្ឈឹមបូព៌ា លែងដៃពីអ៊ុយក្រែន។ ចំពោះស្ថានភាពបែបនេះ ប្រទេសព្រមទាំងមេដឹកនាំមួយចំនួន មិនបានលាក់លៀមឡើយពីការសប្បាយចិត្តរបស់ពួកគេ។
ក្នុងចំណោមអ្នកចំណេញពីព្រឹត្តិការណ៍សង្ក្រាមនោះ ពិតណាស់គឺលោកដូណាល់ត្រាំ។នេះជាការលើកឡើងរបស់វេបសាយTHE INSIDER។ ផ្ទុយពីពួកអឹរ៉ុបដែលអំពាវនាវឲ្យមានការបន្ធូរបន្ថយសង្ក្រាម ប្រធានាធិបតីអាមេរិកសម្ដែងក្ដីរីករាយនិងដោយប្រាប់ពីការរៀបចំការវាយប្រហារ។ លោកសន្យាជួយទ្រទ្រង់ខាងយោធាដល់អីុស្រាអែល ដែលបង្ហាញច្បាស់រួចហើយតាមរយៈការជួយស្ទាក់កម្ទេចដ្រូនអីុរ៉ង់ដោយកងទ័ពអាមេរិក។ នោះក៏ជាឱកាសសម្រាប់លោកត្រាំបង្ហាញពីភាពមឺុងម៉ាត់របស់លោក។
អ្នកទទួលបានការចំណេញមួយទៀតគឹប្រធានាធិបតីរុស្សុីលោកវ្ល៉ាឌីមៀរពូទីន។ ទោះបីអីុរ៉ង់ជាអ្នកផ្ដល់ដល់រុស្សុីបណ្ដាបច្ចេកវិទ្យាផលិតដ្រូន ក្នុងក្របខណ្ឌនៃសង្គ្រាមនៅអ៊ុយក្រែន ពេលនេះវិមានក្រឹមឡាំងឆ្លៀតបង្កើនតម្លៃប្រេង ឆក់ឱកាសពីការបារម្ភចំពោះរាំងខ្ទប់ប្រេងក្នុងឈូងសមុទ្រពែរ្ស៍។ លើសពីនេះទៀតសហរដ្ឋអាមេរិកបង្វែរមួយផ្នែកនៃជំនួយអាវុធដែលពីដំបូងគ្រោងផ្ដើដល់ង៊ុយក្រែន ពិសេសប្រព័ន្ធការពារអាកាសដែលមិនបានទៅដល់ដៃអ៊ុយក្រែន៕
ចែករំលែកព័តមាននេះ