សង្គ្រាមអីុស្រាអែល-អីុរ៉ង់ ៖ មកដល់ថ្ងៃទី២០មិថុនាសង្គ្រាម រវាងអីុស្រាអែលនិងអីុរ៉ង់ ឈានចូលដល់ថ្ងៃទី៨ហើយ។ នាថ្ងៃទី១៩មិថុនាប្រទេសទាំង២បានវាយប្រហារគ្នាទៅវិញទៅមក។ ចំណែកប្រធានាធិបតីអាមេរិកលោកដូណាល់ត្រាំវិញ មិនបដិសេធឡើយការហក់ចូលក្នុងសង្គ្រាម ដើម្បីកម្ទេចកម្មវិធីនុយក្លេអ៊ែរអីុរ៉ង់។ អ្នកនាំពាក្យសេតវិមានលោកស្រីការ៉ូលីនលីវីតថ្លៃនាថ្ងៃទី១៩មិថុនាថា…
សង្គ្រាមអីុស្រាអែល-អីុរ៉ង់ ៖ មកដល់ថ្ងៃទី២០មិថុនាសង្គ្រាម រវាងអីុស្រាអែលនិងអីុរ៉ង់ ឈានចូលដល់ថ្ងៃទី៨ហើយ។ នាថ្ងៃទី១៩មិថុនាប្រទេសទាំង២បានវាយប្រហារគ្នាទៅវិញទៅមក។ ចំណែកប្រធានាធិបតីអាមេរិកលោកដូណាល់ត្រាំវិញ មិនបដិសេធឡើយការហក់ចូលក្នុងសង្គ្រាម ដើម្បីកម្ទេចកម្មវិធីនុយក្លេអ៊ែរអីុរ៉ង់។
អ្នកនាំពាក្យសេតវិមានលោកស្រីការ៉ូលីនលីវីតថ្លៃនាថ្ងៃទី១៩មិថុនាថា លោកដូណាល់ត្រាំនឹងធ្វើសេចក្ដីសម្រេច ពីអន្តរាគមន៍យោធាជាយថាហេតុមួយរបស់អាមេរិកប្រឆាំងអីុរ៉ង់ រយៈពេល២សប្ដាហ៍ខាងមុខនេះទៀត ដោយលើកផងដែរពីលទ្ធភាពនៃការចរចាជាមួយក្រុងតេហេរ៉ង់។ តាមរយៈអ្នកនាំពាក្យរបស់លោកប្រធានាធិបតីអាមេរិកលើកឡើងថា ដោយសារមានលទ្ធភាពថែមទៀត នៃការចរចាជាយថាហេតុជាមួយអីុរ៉ង់ក្នុងពេលខាងមុខឆាប់ៗ ខ្ញុំ្ញុំនឹងធ្វើការសម្រេចរបស់ខ្ញុំថាតើត្រូវថ្វើអន្តរាគមន៍យោធាឬអត់ប្រឆាំងអីុរ៉ង់ ក្នុងពេល២សប្ដាហ៍ខាងមុខនេះទៀត។
នាថ្ងៃទី៧នៃសង្ក្រាមរវាងអីុស្រាអែលនិងអីុរ៉ង់ លោកត្រាំបានធ្វើការកោះប្រជុំជាលើកទី៣នាថ្ងៃទី១៩មិថុនានៅSITUATION ROOM ជាបន្ទប់សម្ងាត់នៅក្រោមដីនៃសេតវិមាន កន្លែងធ្វើការសម្រេចខាងយោធាដ៏រសើបបំផុតនានា។ លោកពិភាក្សាពីអាថ៌កំបាំងទាក់ទិននឹងបំណងទាំង ឡាយរបស់លោកនាពេលមុននេះ ដោយថ្លែងពីការចូលរួមជាយថាហេតុុរបស់អាមេរិកក្នុងការវាយប្រហារ។ លោកថាខ្ញុំអាចហក់ចូលនិងក៏មិនអាចដែរ។
តាមអ្នកនាំពាក្យសេតវិមានថា ការទាក់ទងនៅបន្តរវាងអីុរ៉ង់និងអាមេរិក។ សេតវិមានក៏អះអាងដែរថាអីុរ៉ង់មានសមត្ថភាពផលិតគ្រាប់បែកនុយក្លេង៊ែរបានត្រឹមតែកន្លងខែប៉ុណ្ណោះ ប្រសិនបើមេដឹកនាំកំពូលខ្លួនលោកអាយ៉ាតុលាអាលីខាមេនីបញ្ជា៕
ចែករំលែកព័តមាននេះ