តើអ្នកជាមនុស្សចូលចិត្តផឹកកាហ្វេដើម្បីបំបាត់ស្ត្រេសមែនទេ? នេះគឺគ្រាន់បើជាងយកស្រាមកធ្វើជាដំណោះស្រាយ។ តែសម្រាប់អ្នកដែលមិនចេះផឹកកាហ្វេវិញ តើមានភេសជ្ជៈអ្វីអាចដោះស្រាយបញ្ហានេះបាន? ថ្ងៃនេះអ្នកនឹងបានស្គាល់ភេសជ្ជៈ៤ប្រភេទ ដែលជួយឱ្យអ្នកមានអារម្មណ៍ស្រស់ស្រាយបាន សម្រាប់អ្នកមិនចេះផឹកកាហ្វេ។ ១. ទឹកដោះគោទឹកដោះគោត្រឹមតែ ១កែវមានផ្ទុកបរិមាណខ្ពស់នៃវីតាមីន…
តើអ្នកជាមនុស្សចូលចិត្តផឹកកាហ្វេដើម្បីបំបាត់ស្ត្រេសមែនទេ? នេះគឺគ្រាន់បើជាងយកស្រាមកធ្វើជាដំណោះស្រាយ។ តែសម្រាប់អ្នកដែលមិនចេះផឹកកាហ្វេវិញ តើមានភេសជ្ជៈអ្វីអាចដោះស្រាយបញ្ហានេះបាន? ថ្ងៃនេះអ្នកនឹងបានស្គាល់ភេសជ្ជៈ៤ប្រភេទ ដែលជួយឱ្យអ្នកមានអារម្មណ៍ស្រស់ស្រាយបាន សម្រាប់អ្នកមិនចេះផឹកកាហ្វេ។
១. ទឹកដោះគោ
ទឹកដោះគោត្រឹមតែ ១កែវមានផ្ទុកបរិមាណខ្ពស់នៃវីតាមីន ជាតិរ៉ែ ប្រូតេអ៊ីន កាល់ស្យូម និងសារធាតុប្រឆាំងអុកស៊ីតកម្ម។ សារធាតុទាំងអស់នេះមានប្រសិទ្ធិភាពកម្ចាត់រាល់រ៉ាឌីកាល់សេរីដែលបញ្ចេញដោយភាពតានតឹង ឬស្ត្រេស។
២. ទឹកក្រូចឆ្មារ
ជាតិកាហ្វេអ៊ីនក្នុងកាហ្វេពេលខ្លះអាចនឹងបណ្ដាលឱ្យអ្នកមានអារម្មណ៍កាន់តែស្ត្រេសថែម ដោយសារតែវាធ្វើឱ្យបេះដូងរបស់អ្នកលោតខ្លាំងពេក និង មានអារម្មណ៍មូលជ្រុល។ ដូច្នេះដើម្បីជាការប្រសើរអ្នកអាចទទួលទានទឹកក្រូចឆ្មារក្ដៅឧណ្ហៗជំនួសវិញ។ អ្វីដែលអ្នកត្រូវធ្វើ គឺគ្រាន់តែបន្ថែមទឹកក្រូចឆ្មារម្ខាងក្នុងទឹកក្ដៅឧណ្ហៗ ១ ពែង រួចកូរឱ្យសព្វ សឹមទទួលទាន។ អ្នកក៏អាចបន្ថែមទឹកឃ្មុំបន្តិចចូលដើម្បីបង្កើនរសជាតិផងដែរ។
៣. តែបៃតង
ភេសជ្ជៈនេះមានផ្ទុកកាហ្វេអ៊ីនតិចជាងកាហ្វេ ប៉ុន្តែជាប្រភពដ៏ប្រសើរនៃសារធាតុដែលជួយសម្រួលដល់អារម្មណ៍។ ការទទួលទានតែបៃតងមួយពែងអាចជួយឱ្យអ្នកមានអារម្មណ៍ស្វាងនិងធូរស្រាលបានយ៉ាងឆាប់រហ័ស។
៤. តែខ្មៅ
តែខ្មៅ មានផ្ទុកសម្បូរទៅដោយសារធាតុប្រឆាំងអុកស៊ីតកម្មដែលប្រយុទ្ធប្រឆាំងជំងឺអារម្មណ៍។ វាមានឥទ្ធិពលលើផ្លូវចិត្តនិងរាងកាយដោយការទទួលទានតែខ្មៅជាប្រចាំអាចផ្ដល់នូវសុខភាពល្អនិងកាត់បន្ថយហានិភ័យនៃភាពតានតឹងក្នុងអារម្មណ៍។ ពិសេសនោះតែខ្មៅមានរសជាតិល្វីងនិងពណ៌ដិតខ្លាំងស្រដៀងកាហ្វេដែរ។ ដូចនេះវាល្អសម្រាប់អ្នកចូលចិត្តកាហ្វេ តែផឹកកាហ្វេមិនបាន៕
ចែករំលែកព័តមាននេះ