រាជធានីភ្នំពេញ ៖ ផ្ទះចំនួន៤ខ្នងនៅតាមផ្លូវ១០០៣(ផ្លូវប្រឡាយ)ខាងជើងក្រសួងរៀបចំដែនដីនគររូបនីកម្មនិងសំណង់ ស្ថិតក្នុងភូមិឡកំបោរ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ត្រូវបានអគ្គីភ័យឆាប់ឆេះយ៉ាងសន្ធោសន្ធៅទាំងកណ្ដាលយប់ បណ្តាលឱ្យរងការខូចខាតទាំងស្រុង ខណៈពេលដែលកំពុងដេកលង់លក់។…
រាជធានីភ្នំពេញ ៖ ផ្ទះចំនួន៤ខ្នងនៅតាមផ្លូវ១០០៣(ផ្លូវប្រឡាយ)ខាងជើងក្រសួងរៀបចំដែនដីនគររូបនីកម្មនិងសំណង់ ស្ថិតក្នុងភូមិឡកំបោរ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ត្រូវបានអគ្គីភ័យឆាប់ឆេះយ៉ាងសន្ធោសន្ធៅទាំងកណ្ដាលយប់ បណ្តាលឱ្យរងការខូចខាតទាំងស្រុង ខណៈពេលដែលកំពុងដេកលង់លក់។
ហេតុការណ៍នេះបានកើតឡើងនៅវេលាម៉ោង ១២និង៣០នាទីយប់រំលងអាធ្រាតចូល ថ្ងៃទី១៨ ខែមិថុនា ឆ្នាំ២០២៥ហើយរថយន្តពន្លត់អគ្គីភ័យជាច្រើនគ្រឿងបានទៅអន្តរាគមន៍បាញ់ពន្លត់។
តាមព័ត៌មានបានឲ្យដឹងថានៅវេលាយប់ថ្ងៃកើតហេតុខណៈពេលដែលប្រជាពលរដ្ឋកំពុងតែដេកលង់លក់ស្រាប់តែភ្លើងបានឆាប់ឆេះផ្ទះធ្វើអំពីឈើប្រក់ស័ង្កសី១ខ្នងយ៉ាងសន្ធោរសន្ធៅបង្កអោយ មានការភ្ញាក់ផ្អើលដល់ប្រជាពលរដ្ឋនៅក្បែរខាងនាំគ្នាជួយពន្លត់និងជញ្ជូនអីវ៉ាន់ចេញតែពុំអាចទប់ស្កាត់បានហើយភ្លើងបានឆេះរាលដាលយ៉ាងសន្ធោសន្ធៅទៅផ្ទះឈឺប្រាក់ស័ង្កសីចំនួន៣ខ្នងទៀតបានរងការខូចខាតទាំងស្រុង។
តាមនគរបាលការិយាល័យបង្ការពន្លត់អគ្គីភ័យនិងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថា បន្ទាប់ពីទទួលព័ត៌មានពីប្រជាពលរដ្ឋលោកវរសេនីយ៍ឯក ព្រហ្ម យ៉ន នាយការិយាល័យ បានដឹកនាំកម្លាំងសមត្ថកិច្ចជំនាញ ឲ្យចេញជួយអន្តរាគមន៍បាញ់ទឹកពន្លត់ប្រើប្រាស់រថយន្តពន្លត់អគ្គិភ័យចំនួន០៩គ្រឿង ក្នុងនោះរថយន្តការិយាល័យរាជធានីភ្នំពេញចំនួន០៨គ្រឿង ប្រេីប្រាស់ទឹកអស់០៦ឡាន ស្មេីរនឹង៣៦ម៉ែត្រគូប និងរថយន្តជំនួយមកពីសាលាខណ្ឌឬស្សីកែវ ចំនួន០១គ្រឿង ប្រេីប្រាស់ទឹកអស់០១ឡាន ស្មេីរនឹង០៨ម៉ែត្រគូបហើយ គ្រប់គ្រងបានទាំងស្រុងនៅម៉ោង២និង០០នាទីយប់នាថ្ងៃខែឆ្នាំដដែល។
តាមនគរបាលបានឲ្យដឹងទៀតថា អគ្គីភ័យនេះបណ្ដាឲ្យផ្ទះចំនួន៤ខ្នងរងការខូចខាតទាំងស្រុងរួមជាមួយសម្ភារៈមួយចំនួននិងផ្ទះចំនួន២ខ្នងទៀតត្រូវភ្លើងឆេះរោលអស់ជញ្ជាំង។អគ្គីភ័យនេះបណ្ដាល មកពីឆ្លងចរន្តអគ្គីសនីបង្ករជាអគ្គិភ័យ។ទោះបីជាយ៉ាងណាពុំបណ្ដាឲ្យមនុស្សរងរបួសឡើយ ៕
ចែករំលែកព័តមាននេះ