រាជធានីភ្នំពេញ ៖ អគ្គនាយកដ្ឋានសុខភាពសត្វ និងផលិតកម្មសត្វ បានពង្រាយកម្លាំងស្ទាក់ចាប់រថយន្តដឹកស៊ុតទាជិត៤ម៉ឺនគ្រាប់ ដែលលួចនាំមកពីប្រទេសវៀតណាមដោយអត់ច្បាប់បម្រុងនាំចូលរាជធានីភ្នំពេញ តាមគោលដៅលក់បន្តចែកចាយ ។ ការចាប់នេះដែរ បានធ្វើឡើងកាលពីវេលាម៉ោង០៥និង៣០នាទីព្រឹក…
រាជធានីភ្នំពេញ ៖ អគ្គនាយកដ្ឋានសុខភាពសត្វ និងផលិតកម្មសត្វ បានពង្រាយកម្លាំងស្ទាក់ចាប់រថយន្តដឹកស៊ុតទាជិត៤ម៉ឺនគ្រាប់ ដែលលួចនាំមកពីប្រទេសវៀតណាមដោយអត់ច្បាប់បម្រុងនាំចូលរាជធានីភ្នំពេញ តាមគោលដៅលក់បន្តចែកចាយ ។
ការចាប់នេះដែរ បានធ្វើឡើងកាលពីវេលាម៉ោង០៥និង៣០នាទីព្រឹក ថ្ងៃទី១៥ ខែមិថុនា ឆ្នាំ ២០២៥ នៅតាមបណ្តោយផ្លូវជាតិលេខ១ ជិតវត្តចំប៉ា ខណ្ឌច្បារអំពៅ រាជធានីភ្នំពេញ ។ បើតាមការឆ្លើយសារភាពពីម្ចាស់រថយន្តបានឱ្យដឹងថា គាត់បានបើករថយន្តម៉ាកសាំយ៉ុងដឹកស៊ុតទាចំនួន១២៥ដុំ ស្មើនឹង៣៧៥០០គ្រាប់ ចេញពីប្រទេសវៀតណាម តាមច្រករបៀង ស្រុកព្រះស្ដេច ខេត្តព្រៃវែង ឆ្ពោះមកលក់ចែកចាយនៅរាជធានីភ្នំពេញ ដោយគ្មានលើខិតអនុញ្ញាតឡើយ គឺចំណាយប្រាក់នៅតាមព្រំដែនជំនួសឱ្យច្បាប់ ។ ការដឹកជញ្ជូនបែបនេះ មានញឹកញាប់ណាស់ ។ លុះបើករថយន្តមកជិតដល់វត្តចំប៉ា ក៏ជួបកម្លាំងជំនាញព័ទ្ធស្ទាក់ចាប់បានតែម្តង ។
បន្ទាប់ពីបង្ក្រាប មន្ត្រីជំនាញបាននាំយកវត្ថុតាង និងបទល្មើស ទៅរក្សាទុកនៅទីតាំងចត្តាឡីស័កសត្វ របស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីអនុវត្តន៍តាមនីតិវិធី ។
តាមកត់សម្គាល់ ពងទាមិនមែននាំចូលតែនៅតាមព្រំដែនខេត្តព្រៃវែងទេ កន្លងមកនាំចូលដោយរលូនពីវៀតណាមតាមច្រកភ្នំដិន ខេត្តតាកែវ ។ មានតែលោកតាប្រាក់ប៉ណ្ណោះជំនួសឱ្យច្បាប់ ។ លុះមកដល់ជិតភ្នំពេញ ទើបមានគេចាប់ ។ អ្នករកស៊ីបែបនេះ ចិញ្ចឹមតែមន្ត្រីជំនាញតាមច្រកព្រំដែន ជាជាងសុំច្បាប់ដែលចំណាយលុយអស់ដូចតែគ្នា ៕
ចែករំលែកព័តមាននេះ