រាជធានីភ្នំពេញ ៖ អនុវត្តតាមបទបញ្ជារបស់ថ្នាក់ដឹកនាំអគ្គស្នងការដ្ឋាននគរបាលជាតិ និងបញ្ជាផ្ទាល់ពីលោកឧត្តមសេនីយ៍ឯក ឃឹងសារ៉ាត់ នាយកមន្ទីរប្រឆាំងគ្រឿងញៀន កាលពីថ្ងៃទី១៣ ខែមិថុនា ឆ្នាំ២០២៥កន្លងទៅ វេលាម៉ោងប្រមាណ៤រសៀល…
រាជធានីភ្នំពេញ ៖ អនុវត្តតាមបទបញ្ជារបស់ថ្នាក់ដឹកនាំអគ្គស្នងការដ្ឋាននគរបាលជាតិ និងបញ្ជាផ្ទាល់ពីលោកឧត្តមសេនីយ៍ឯក ឃឹងសារ៉ាត់ នាយកមន្ទីរប្រឆាំងគ្រឿងញៀន កាលពីថ្ងៃទី១៣ ខែមិថុនា ឆ្នាំ២០២៥កន្លងទៅ វេលាម៉ោងប្រមាណ៤រសៀល កម្លាំង «ក១» នៃមន្ទីរប្រឆាំងបទល្មើសគ្រឿងញៀន សហការជាមួយស្នងការដ្ឋានរាជធានីភ្នំពេញ ដោយមានការដឹកនាំនិងសម្របសម្រួលពីព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ លោក គឹម ហុងសាន បានចុះស្រាវជ្រាវស៊ើបអង្កេតរហូតឈានទៅបង្ក្រាបករណីរក្សាទុក ដឹកជញ្ជូន និងជួញដូរដោយខុសច្បាប់នូវសារធាតុញៀន នៅផ្លូវបេតុង៥០ម៉ែត្រ ភូមិប្រការ សង្កាត់ព្រៃសខណ្ឌដង្កោ គឺនៅក្បែរច្រកផ្លូវទៅកាន់ពន្ធនាគារព្រៃស ។
ជាលទ្ធផល បានចាប់ខ្លួនជនល្មើសម្នាក់ ភេទប្រុស អាយុ៣២ឆ្នាំ និងដកហូតវត្ថុតាងគ្រឿងញៀនប្រភេទកេតាមីនទម្ងន់ ៧០៧,៥៩ក្រាម គ្រឿងញៀនប្រភេទអុិចស្តាស៊ី(MDMA) ទម្ងន់២ ០៦៦,០៥ក្រាម គ្រឿងញៀនប្រភេទមេតំហ្វេតាមីន (WY,ICE) ទម្ងន់ ១ ២៩២,០៥ក្រាម ។
សរុបសារធាតុញៀនទាំងអស់ មានទម្ងន់ជាង៤គីឡូក្រាម ។ជនល្មើស និងវត្ថុតាង ត្រូវបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមច្បាប់ ៕
ចែករំលែកព័តមាននេះ