ថ្ងៃទី១! ឃាត់ម៉ូតូ និងរថយន្ត ជិះបញ្ច្រាសរហូតជិត២០គ្រឿង នៅផ្លូវព្រះនរោត្តម
- ភ្នំពេញ
រាជធានីភ្នំពេញ ៖ នគរបាលខណ្ឌចំការមន សហការ ជាមួយនគរបាលចរាចរណ៍ក្រុង ស្ទាក់ចាប់អ្នកជិះល្មើសច្បាប់ចរាចរណ៍ ឃាត់ម៉ូតូចំនួន ១៦គ្រឿង នឹង រថយន្ត…
រាជធានីភ្នំពេញ ៖ នគរបាលខណ្ឌចំការមន សហការ ជាមួយនគរបាលចរាចរណ៍ក្រុង ស្ទាក់ចាប់អ្នកជិះល្មើសច្បាប់ចរាចរណ៍ ឃាត់ម៉ូតូចំនួន ១៦គ្រឿង នឹង រថយន្ត ១គ្រឿង ដើម្បីអប់រំណែនាំ ។
ការអប់រំនេះដែរបានធ្វើឡើងកាលវេលាព្រឹកថ្ងៃទី១៦ ខែ មិថុនា ឆ្នាំ ២០២៥ នៅចំណុចអតីតសណ្ឋាគារតាយម៉េង តាមផ្លូវ ព្រះនរោត្ដម ស្ថិតនៅភូមិ១០ សង្កាត់ ទន្លេបាសាក់ ខណ្ឌចំការមន រាជធានីភ្នំពេញ ។
លោកវរសេនីយ៍ទោ ហួរ ម៉េង ហួន អធិការខណ្ឌចំការមនបានអោយដឹងថា ដោយអនុវត្តន៍តានបទបញ្ជា របស់ ឯកឧត្តម ឧត្តមសេនីយ៍ឯក ជួន ណារិន្ទ ស្នងការរាជធានីភ្នំពេញ ដើម្បីអនុវត្តន៍ច្បាប់ចរាចរណ៍ ទៅលើចំពោះអ្នកជិះបញ្ច្រាសនៅខាងមុខអតីតសណ្ឋាគារតាយម៉េង លើផ្លូវនរោត្តម ដោយមួយរយៈនេះសម្បូរអ្នជិះបញ្ច្រាសច្រើនលើសលប់ ។ ទើបនៅថ្ងៃទី ១៦ ខែមិថុនា ឆ្នាំ២០២៥នេះ លោកបានចាត់អោយ លោក សួ សំ អធិការរងទទួលផែនចរាចរណ៍ខណ្ឌចំការមន មានការចូលរួមជាមួយការិយាល័យចរាចរណ៍ផ្លូវគោកស្នងការដ្ឋាននគរបាលរាជធានីភ្នំពេញ ដើម្បីស្ទាក់ឃាត់អ្នកបើកបរបញ្ច្រាសទិស អប់រំណែនាំ ។
ក្នុងនោះកម្លាំងបានបន្តធ្វើការអនុវត្តច្បាប់ចរាចរណ៍ ឃាត់ពលរដ្ឋដែលល្មើសច្បាប់ចរាចរណ៍ ជិះបញ្ច្រាស មានម៉ូតូ នឹងរថយន្ត ចំនួន១៧គ្រឿង ដោយមានម៉ូតូ១៦គ្រឿង , រថយន្ត ១គ្រឿង អប់រំណែនាំ កុំអោយបន្តជិះបញ្ច្រាស ខុសច្បាប់ចរាចរណ៍ បែបនេះជាបន្តបន្ទាប់ ដូចភ្លៀងរលឹម ។
បន្ទាប់ពីឃាត់អប់រំចប់រួចរាល់ នគរបាលបានអោយត្រឡប់ទៅវិញ ក្នុងលក្ខខណ្ឌ មិនរាងចាល សមត្ថកិច្ចនឹងធ្វើការ អនុវត្តន៍តាមនីតិវិធីច្បាប់ ៕
ចែករំលែកព័តមាននេះ