រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជានិងជាប្រធានគណបក្សប្រជាជនកម្ពុជា បានគូសបញ្ជាក់ថា ការបើកច្រកព្រំដែនរបស់យោធាថៃ មានភាពងាយស្រួលណាស់ ដោយមិនចាំបាច់ចរចានោះទេ…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជានិងជាប្រធានគណបក្សប្រជាជនកម្ពុជា បានគូសបញ្ជាក់ថា ការបើកច្រកព្រំដែនរបស់យោធាថៃ មានភាពងាយស្រួលណាស់ ដោយមិនចាំបាច់ចរចានោះទេ ដោយគ្រាន់តែដកបទបញ្ជាវិញទៅ គឺចប់បាត់ហើយ ។
សម្តេចតេជោ ហ៊ុន សែន បានថ្លែងសារពិសេស នៅមុនកិច្ចប្រជុំព្រឹទ្ធសភា នាព្រឹកថ្ងៃទី១៦ ខែមិថុនា ឆ្នាំ២០២៥ យ៉ាងដូច្នេះថា ចំពោះការបិទច្រកព្រំដែនរបស់យោធាថៃ សូមបងប្អូន ប្រជាពលរដ្ឋថៃ ទៅធ្វើការតវ៉ាជាមួយទាហានថៃខ្លួនឯង ។ ព្រោះទាហានដៃ ជាអ្នកបិទមិនមែនខ្មែរជាអ្នកបិទនោះទេ ។
សម្តេចតេជោ បានបញ្ជាក់ថា ៖«អីញ្ចឹងសូមបងប្អូនថៃខឹងសម្បារជាមួយកម្ពុជា ព្រោះនេះជាលទ្ធផលនៃការបំពានច្បាប់ ដោយយោធាថៃ ហើយគេបានដឹងច្បាស់ហើយថា ទម្លាប់នៅក្នុងប្រទេសថៃវាយ៉ាងម៉េច? យើងយល់យើងស្គាល់ រដ្ឋាភិបាលរហូតដល់នាយករដ្ឋមន្ត្រីមិនមានសិទ្ធិទៅនឹងនិយាយឲ្យបើក ឬបិទដែលខុសពីកម្ពុជា មានតែនាយករដ្ឋមន្ត្រីទេ ដែលជាតួអង្គតែមួយ ចាប់ពីថ្នាក់លើដល់ក្រោមរាប់ទាំងរដ្ឋសភា ព្រឹទ្ធសភា ដែលតួអង្គនិតិប្បញ្ញាត្តិ» ។
សម្តេចតេជោ បានលើកឡើងថា កម្ពុជាមិនយល់អ្វីដែលកើតឡើងនេះព្រោះជារឿងរបស់ថៃនោះទេ យើងមិនជ្រៀតជ្រែកនោះទេ ប៉ុន្តែហេតុអ្វីនាយករដ្ឋមន្ត្រីជួបជាមួយប្រធានព្រឹទ្ធសភា ជួបជាមួយនាយករដ្ឋមន្ត្រីបែរជាគ្មានសិទ្ធបើកច្រកព្រំដែនអីញ្ចឹង0x017d7 ។
ពាក់ព័ន្ធនឹងការបើកព្រំដែន សម្តេចតេជោហ៊ុន សែន បានគូសបញ្ជាក់៖«ខ្ញុំបញ្ជាក់ថា ប្រសិនបើថៃបើកព្រំដែននៅម៉ោង១ យូរបំផុត៥ម៉ោង ។ ព្រោះចង់និយាយក្រែងថៃប្រកាសឲ្យបើកនៅម៉ោង១យប់ ហើយយើងរវល់ដែរ គឺយ៉ាងយូរ៥ម៉ោង ប៉ុន្តែបើនៅពេលថ្ងៃវិញប្រហែលត្រឹម១ម៉ោង ឬ២ម៉ោងបើកអស់ ។ ដូច្នេះវាងាយណាស់ នៅពេលខ្លួនចេញបញ្ជាឲ្យបិទជាឯកតោភាគី ហើយគ្រាន់តែដកបទបញ្ជានឹងវិញ គឺចប់បានបាត់ទៅហើយ ដោយមិនចាំបាច់ចរចាអន្ទង់វែង ឆ្នាំងវែងនោះទេ»។
សម្តេចតេជោបន្ថែមថា កម្ពុជាមិនយកកិត្តិយសរបស់ខ្លួនទៅឡូកឡំជាមួយនឹងបញ្ហា និងកំហុសរបស់អ្នកដទៃនោះទេ គឺអ្នកឯងចង អ្នកឯងត្រូវស្រាយខ្លួនឯង ហើយកម្ពុជាគ្មានចំណែក ដើម្បីស្រាយរឿងនឹងទេ ។
សម្តេចតេជោ បានអះអាងថា ពាក់ព័ន្ធនឹងបញ្ហាជាមួយថៃនេះ កម្ពុជាមិនបានភ័ណ្ឌច្រឡំនោះទេ គឺថៃបានព្រមានកម្ពុជាថា នឹងកាត់ភ្លើង ក្នុងពេលដែលកម្ពុជាមិនបានប្រើភ្លើងថៃ ។ ព្រមានកាត់អ៊ីនធើណេត យើងក៏មានភាពម្ចាស់ការលើខ្លួនដែរ ដូច្នេះអ្នកដែលប្រើប្រាស់អ៊ីធើណេតក៏ខាតបង់ប្រាក់ចំណូលក្នុងការប្រកបរបរកស៊ីដែរ ៕
ចែករំលែកព័តមាននេះ