ព្រឹកនេះការបើក និងបិទច្រកទ្វារអន្តរជាតិចាំយាម ខេត្តកោះកុង បានដំណើរការធម្មតា គឺបើកម៉ោង៩ព្រឹក បិទម៉ោង៤ល្ងាច
- កោះកុង
ខេត្តកោះកុង ៖ មកដល់ពេលនេះ ថ្ងៃទី១៥ ខែមិថុនា ឆ្នាំ២០២៥ ការបើក និងបិទ ច្រកទ្វារអន្តរជាតិចាំយាម ខេត្តកោះកុង…
ខេត្តកោះកុង ៖ មកដល់ពេលនេះ ថ្ងៃទី១៥ ខែមិថុនា ឆ្នាំ២០២៥ ការបើក និងបិទ ច្រកទ្វារអន្តរជាតិចាំយាម ខេត្តកោះកុង បានដំណើការធម្មតា គឺបើកម៉ោង៩ព្រឹក បិទម៉ោង៤ល្ងាច មានលំហូរសេដ្ឋកិច្ចដោយការដឹកជញ្ជូនទំនិញចេញ ចូល ក្នុងរយ:ពេលកំណត់តាមពេលវេលា ។ នេះបើយោងតាមផេកនាយកដ្ឋានព័ត៌មានបានបង្ហោះមុននេះ ។
ដោយឡែក ការនាំចេញបន្លែផ្លែឈើ មកពីច្រកផ្សេងត្រូវបានហាមឃាត់ តាមបទបញ្ជារបស់លោកជំទាវអភិបាលខេត្ត និងជាប្រធានគណ:បញ្ជាការឯកភាពរដ្ឋបាលខេត្តកោះកុង ។
នៅព្រឹកនេះ មានពលករខ្មែរ ចំនួនជិត៤០នាក់ បានចាកចេញពីប្រទេសថៃ វិលត្រឡប់ទៅស្រុកកំណើតរៀងៗខ្លួន ។
តាមការឱ្យដឹងពីលោក ស្រេង ហុង អភិបាលរងខេត្ត និងជាប្រធានអនុគណ:កម្មការជម្លៀសប្រជាពលរដ្ឋ និងពលករ បានឱ្យដឹងថា ពលករទាំងនេះ ជាអ្នកបម្រើការងារជាអ្នករៀបចំបន្ទប់ផ្ទះសំណាក់ និងចុងភៅ នៅប្រទេសថៃ ៕
ចែករំលែកព័តមាននេះ