របូតរលូតពីព្រំដែនបែបនេះ ដោយសារអំណា.ចលោកតាប្រាក់?
- ភ្នំពេញ
រាជធានីភ្នំពេញ ៖ អគ្គនាយកដ្ឋានសុខភាពសត្វ និងផលិតកម្មសត្វ ពង្រាយកម្លាំងស្ទាក់ចាប់ រថយន្តដឹកស៊ុតទាជិត ៤មុឺនគ្រាប់ ដែលបម្រុងចូលរាជធានីភ្នំពេញ គោលដៅលក់បន្តចែកចាយ ។…
រាជធានីភ្នំពេញ ៖ អគ្គនាយកដ្ឋានសុខភាពសត្វ និងផលិតកម្មសត្វ ពង្រាយកម្លាំងស្ទាក់ចាប់ រថយន្តដឹកស៊ុតទាជិត ៤មុឺនគ្រាប់ ដែលបម្រុងចូលរាជធានីភ្នំពេញ គោលដៅលក់បន្តចែកចាយ ។
ការចាប់នេះដែរបានធ្វើឡើងកាលពីវេលាម៉ោង០៥ និង៣០នាទីព្រឹក នាថ្ងៃទី ១៥ ខែមិថុនា ឆ្នាំ ២០២៥ នៅបណ្តោយផ្លូវជាតិលេខ១ ជិតវត្តចំប៉ា ខណ្ឌច្បារអំពៅ រាជធានីភ្នំពេញ ។
បើតាមការឆ្លើយសារភាពពីម្ចាស់រថយន្តបានអោយដឹងថា គាត់បានបើករថយន្ត ម៉ាក សាំយ៉ុង ដឹកស៊ុតទា ចំនួន ១២៥ដុំ ស្មើនឹង ៣៧,៥០០គ្រាប់ ចេញពីប្រទេសវៀតណាម តាមច្រករបៀង ស្រុកព្រះស្ដេច ខេត្តព្រៃវែង ឆ្ពោះមកលក់ចែកចាយ នៅរាជធានីភ្នំពេញ ដោយមិនមានលិខិតបព្ជាក់អ្វីនោះឡើយ ។ លុះបើករថយន្ត មកជិតដល់វត្តចំប៉ា ក៏ជួបកម្លាំងជំនាញព័ទ្ធស្ទាក់ចាប់បានតែម្តង ។
បន្ទាប់ពីបង្ក្រាប មន្ត្រីជំនាញបាននាំយកវត្ថុតាងនិងបទល្មើស ទៅរក្សាទុកនៅទីតាំងចត្តាឡីស័កសត្វរបស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីអនុវត្តន៍តាមនីតិវិធីច្បាប់ ។
តាមកត់សម្គាល់ អារឿងនាំចូលពងទាពីវៀតណាមមកភ្នំពេញកន្លងមកនេះ ភាគច្រើននាំចូលតាមច្រកភ្នំឌិន ខេត្តតាកែវ មកចាប់បាននៅក្បែរៗរាជធានីភ្នំពេញ ។ បានជារបូតដោយស្រួលបែបនេះ គ្មានអ្វីក្រៅពីអំណាចលោកតាប្រាក់ឡើយ កុំឆ្ងល់!…ហេ! ហេ! ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ