បន្ទាយមានជ័យ ៖ រយៈពេល៥ថ្ងៃ ពលរដ្ឋខ្មែរចូលមកកម្ពុជា មានចំនួន៩៦៧នាក់ និងពលរដ្ឋថៃចេញពីកម្ពុជាជាង១.០០០នាក់ គិតត្រឹមថ្ងៃទី០៥ ខែកក្កដា ឆ្នាំ២០២៥ នៅច្រកទ្វារព្រំដែនអន្តរជាតិប៉ោយប៉ែត…
បន្ទាយមានជ័យ ៖ រយៈពេល៥ថ្ងៃ ពលរដ្ឋខ្មែរចូលមកកម្ពុជា មានចំនួន៩៦៧នាក់ និងពលរដ្ឋថៃចេញពីកម្ពុជាជាង១.០០០នាក់ គិតត្រឹមថ្ងៃទី០៥ ខែកក្កដា ឆ្នាំ២០២៥ នៅច្រកទ្វារព្រំដែនអន្តរជាតិប៉ោយប៉ែត ។
លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែត បានប្រាប់ថា ៖នៅអំឡុងខែកក្កដា ឆ្នាំ២០២៥ រយៈពេល៥ថ្ងៃនេះ មានពលរដ្ឋខ្មែរចូលមកកម្ពុជា តាមច្រកទ្វារអន្តរជាតិប៉ោយប៉ែត មានចំនួន៩៦៧នាក់ ស្រី៤៤៩នាក់ ក្នុងនោះមានពលករខ្មែរដែលត្រឡប់ពីប្រទេសថៃចូលមកកម្ពុជា មានចំនួន៣៦៤នាក់ ស្រី១៦៥នាក់ និងមានពលរដ្ឋថៃចាកចេញពីកម្ពុជា មានចំនួន១.០៩១នាក់ ស្រី៥៦៧នាក់ ។
លោកឧត្តមសេនីយ៍ទោ ពេជ្រ វណ្ណា នាយរង ទីចាត់ការការងារព្រំដែនអគ្គបញ្ជាការ និងជាប្រធានការិយាល័យទំនាក់ទំនងព្រំដែនកម្ពុជា.ថៃ បានអំពាវដល់ពលរដ្ឋកម្ពុជា ដែលត្រឡប់ពីប្រទេសថៃចូលមកកម្ពុជា សុំអោយចូលតាមច្រកទ្វារអន្តរជាតិ និងច្រកតំបន់ព្រំដែន មានក្រុមការងាររង់ចាំទទួល និងយកទៅមណ្ឌលសំចតក្រុងប៉ោយប៉ែត មានអាហារសម្រន់និងមានការណែនាំ ហើយដឹកជញ្ជូនដល់លំនៅដ្ឋានដោយសុវត្ថិភាព ៕
ចែករំលែកព័តមាននេះ