ទុរេនគ្រាន់តែឮឈ្មោះក៏ស្រក់ទឹកមាត់ដែរមែនទេ? ជាមួយនឹងរសជាតិដ៏ឈ្ងុយឆ្ងាញ់ប្លែកពីគេ រហូតបានរហស្សនាមថា«ស្តេចផ្លែឈើ» នេះ តែងតែឆ.ក់បេះដូងអ្នកចូលចិត្តភ្លក្ស និងចូលចិត្តញាំ ។ តែអ្នកដឹងទេថា ភាពផ្អែមឆ្ងាញ់នេះក៏អាចលាក់បាំងនូវគ្រោះថ្នាក់សុខភាពមួយចំនួនផងដែរ ប្រសិនបើអ្នកញ៉ាំច្រើនជ្រុល…
ទុរេនគ្រាន់តែឮឈ្មោះក៏ស្រក់ទឹកមាត់ដែរមែនទេ? ជាមួយនឹងរសជាតិដ៏ឈ្ងុយឆ្ងាញ់ប្លែកពីគេ រហូតបានរហស្សនាមថា«ស្តេចផ្លែឈើ» នេះ តែងតែឆ.ក់បេះដូងអ្នកចូលចិត្តភ្លក្ស និងចូលចិត្តញាំ ។
តែអ្នកដឹងទេថា ភាពផ្អែមឆ្ងាញ់នេះក៏អាចលាក់បាំងនូវគ្រោះថ្នាក់សុខភាពមួយចំនួនផងដែរ ប្រសិនបើអ្នកញ៉ាំច្រើនជ្រុល ។ សូមមកតាមដានដើម្បីឱ្យដឹងទាំងអស់គ្នា ៖
ទុរេន + ស្រា = បញ្ហា?
មានមនុស្សជាច្រើនជឿថា ការញ៉ាំទុរេនជាមួយគ្រឿងស្រវឹង អាចបង្កគ្រោះថ្នាក់ ។ ទោះបីជាមិនទាន់មានការសិក្សាវិទ្យាសាស្ត្រជាក់លាក់ដែលបញ្ជាក់ពីគ្រោះថ្នាក់ធ្ងន់ធ្ងរក៏ដោយ តែអ្នកជំនាញនៅតែណែនាំឱ្យចៀសវាងការផ្សំគ្នានេះ ។ ព្រោះទុរេនមានសមាសធាតុស្ពាន់ធ័រ ដែលអាចរំខានដល់ដំណើរការបំបែកជាតិអាល់កុលក្នុងថ្លើម ធ្វើឱ្យអ្នកអាចមានអារម្មណ៍ចង្អោរ ក្អួត ឬឈឺក្បាលបាន ។ ល្អបំផុត គួរចៀសវាង ។
រាំងស្ទះការបំប្លែងអាល់កុល ទុរេនអាចរាំងស្ទះដល់អង់ស៊ីម ដែលជួយបំប្លែងអាល់កុល (ALDH) ទៅជាសារធាតុគ្មានគ្រោះថ្នាក់ ។ វាធ្វើឲ្យអាល់កុលនៅក្នុងឈា.មយូរ ហើយបង្កគ្រោះថ្នាក់ដូចជា ស្រវឹងខ្លាំង ឬឈឺក្បាលខ្លាំង ។
ផ្អែមខ្លាំងអាចឡើងជាតិស្ករលឿន
ទុរេនសម្បូរជាតិស្ករធម្មជាតិណាស់! ស្រមៃមើលថា អ្នកកំពុងញ៉ាំបង្អែមធម្មជាតិដ៏ផ្អែមមួយចានធំ ។ បើអ្នកញ៉ាំច្រើនពេក ជាតិស្ករក្នុងឈាមរបស់អ្នកនឹងឡើងលឿនដូចរ៉ុក្កែតអ៊ីចឹង! នេះជាដំណឹងមិនល្អសោះ សម្រាប់អ្នកដែលមានជំងឺទឹកនោមផ្អែម ឬអ្នកដែលព្រួយបារម្ភពីបញ្ហាឡើងទម្ងន់ ។ ជាតិស្ករខ្ពស់ពេក ក៏អាចធ្វើឱ្យអ្នកងាយនឹងធាត់ដែរណា ។
កាឡូរីខ្ពស់ ប្រយ័ត្នឡើងគីឡូ!
មិនខុសទេ ទុរេនជាផ្លែឈើ ដែលមានកាឡូរីខ្ពស់គួរសម ។ បើអ្នកញ៉ាំច្រើនដែរ ហើយអត់បានហាត់ប្រាណដុតកាឡូរីបំផ្លាញទេ ប្រយ័ត្នខោអាវចង្អៀតទាំងអស់ទៅ ។ អ្នកណាដែលកំពុងសម្រកទម្ងន់ ឬរក្សាទម្ងន់ គួរតែកម្រិតការញ៉ាំទុរេនឱ្យបានសមរម្យ ៕
ចែករំលែកព័តមាននេះ