រាជធានីភ្នំពេញ ៖ គិតមកដល់ពេលនេះ ផ្លូវថ្មើរជើង(Walk Street) មានអាយុជាង៥ខែហើយ ក្រោយពីដាក់ឲ្យដំណើរការសាកល្បង ដោយចាប់ផ្តើមពីម៉ោង៦ល្ងាចដល់ម៉ោង១១យប់ រៀងរាល់ថ្ងៃសៅរ៍និងថ្ងៃអាទិត្យ និងកំពុងទទួលបានប្រជាប្រិយភាពយ៉ាងខ្លាំងពីសំណាក់ប្រជាពលរដ្ឋគ្រប់មជ្ឈដ្ឋាន…
រាជធានីភ្នំពេញ ៖ គិតមកដល់ពេលនេះ ផ្លូវថ្មើរជើង(Walk Street) មានអាយុជាង៥ខែ
ហើយ ក្រោយពីដាក់ឲ្យដំណើរការសាកល្បង ដោយចាប់ផ្តើមពីម៉ោង៦ល្ងាចដល់ម៉ោង១១
យប់ រៀងរាល់ថ្ងៃសៅរ៍និងថ្ងៃអាទិត្យ និងកំពុងទទួលបានប្រជាប្រិយភាពយ៉ាងខ្លាំងពីសំណាក់ប្រជាពលរដ្ឋគ្រប់មជ្ឈដ្ឋាន ទាំងក្នុងនិងក្រៅប្រទេស ។
ឯកឧត្តម ឃួង ស្រេង អភិបាលរាជធានីភ្នំពេញ បានយកចិត្តទុកដាក់យ៉ាងខ្លាំងទៅលើបញ្ហាសន្តិសុខ សណ្តាប់ធ្នាប់ របៀបរៀបរយសាធារណៈ បរិស្ថាន និងអនាម័យ លើផ្លូវថ្មើរជើង(Walk Street)ជាប្រចាំ ។ ផ្លូវថ្មើរជើង (Walk Street) ក៏ទទួលបានការយកចិត្តទុកដាក់ និងគាំទ្រពីសម្តេចមហាបវរធិបតី ហ៊ុន ម៉ាណែត ប្រមុខរាជរដ្ឋាភិបាលកម្ពុជា ដែលបានប្រែក្លាយផ្លូវថ្មើរជើង(Walk Street) ជាកន្លែងទាក់ទាញភ្ញៀវទេសចរមកពីគ្រប់ទិសទី ឲ្យមកលេងកម្សាន្ត ដោយចាត់ទុកថាជាពិធីបុណ្យអុំទូកប្រចាំសប្តាហ៍នៅរាជធានីភ្នំពេញទៀតផង ។
ដោយសារផ្លូវថ្មើរជើងនៅរាជធានីភ្នំពេញនេះ កាន់តែល្បីល្បាញពីមួយសប្ដាហ៍ទៅមួយសប្ដាហ៍នោះ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសពីខេត្តកំពង់ធំ កាលពីថ្ងៃទី៣ ខែកក្កដា ឆ្នាំ២០២៥កន្លងទៅ ដោយលើកទឹកចិត្តឱ្យអាជ្ញាធរខេត្តទាំងអស់ ប្រកួតគ្នាបង្កើនសោភ័ណភាពនៅទីសាធារណៈ ហើយបើក្លាហានប្រជែងជាមួយ
ផ្លូវថ្មើរជើងនៅភ្នំពេញ(Walk Street) ៕
ចែករំលែកព័តមាននេះ