រាជធានីភ្នំពេញ ៖ ក្មេងប្រុស អាយុ១៤ឆ្នាំម្នាក់ បានស្លា.ប់ភ្លាមៗ ពេលបញ្ជូនទៅសង្គ្រោះបន្ទាន់នៅមន្ទីរពេទ្យ ខណៈពេលពួកគាត់នាំគ្នាជិះទោងកន្ត្រក ហើយត្រូវខ្សែភ្លើ.ងឆ.ក់ បង្កអោយមានការភ្ញាក់ផ្អើល កាលពីវេលាម៉ោង៧និង៣០នាទីយប់…
រាជធានីភ្នំពេញ ៖ ក្មេងប្រុស អាយុ១៤ឆ្នាំម្នាក់ បានស្លា.ប់ភ្លាមៗ ពេលបញ្ជូនទៅសង្គ្រោះបន្ទាន់នៅមន្ទីរពេទ្យ ខណៈពេលពួកគាត់នាំគ្នាជិះទោងកន្ត្រក ហើយត្រូវខ្សែភ្លើ.ងឆ.ក់ បង្កអោយមានការភ្ញាក់ផ្អើល កាលពីវេលាម៉ោង៧និង៣០នាទីយប់ ថ្ងៃទី៦ ខែកក្កដា ឆ្នាំ២០២៥ នៅចំណុចដីវាលដាក់ទោងកន្ត្រក និងកន្លែងក្មេងលេងកម្សាន្ត ភូមិត្រពាំងអញ្ចាញ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ។
ស.ពជនរងគ្រោះ ឈ្មោះ អ៊ាត សាម៉េង ភេទប្រុស អាយុ១៤ឆ្នាំ មុខរបរសិស្សរៀនថ្នាក់ទី៧ រស់នៅភូមិត្រពាំងអញ្ចាញ៤ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ។
ប្រភពព័ត៌មានពីបងប្អូនប្រជាពលរដ្ឋ នៅកន្លែងកើតហេតុបាននិយាយប្រាប់ថា នៅមុនពេលកើតហេតុ មានការដាក់ល្បែ.ងក្មេងលេងកម្សាន្ត ដូចជា ទោងកន្ត្រក គ.ប់ប៉េងប៉ោង និងល្បែ.ងក្មេងជិះផ្សេងទៀត ។
ចំណែកជនរងគ្រោះ មានគ្នា៥ទៅ៦នាក់ បានមកលេងកម្សាន្ត នៅពេលនោះជនរងគ្រោះបានរៀបចំជិះទោងកន្ត្រក មានគ្នា៣នាក់ ក្នុងនោះ មិត្តភក្តិ២នាក់បានឡើងជិះមុន ចំណែកជនរងគ្រោះរៀបចំឡើងតែមិនទាន់បានឡើងជិះផង ក៏ស្រាប់តែជនរងគ្រោះដួលដេកលើដីភ្លាមៗ ចំណែក២នាក់ទៀត ពួកគាត់បានប្រាប់ថា ដូចខ្សែភ្លើ.ងឆ.ក់ ព្រឺតៗក៏ស្រាប់តែនាំគ្នាឆោឡោ អោយបិទម៉ាស៊ីនភ្លើងកុំឲ្យឆ.ក់បន្តទៀត ។
ប្រភពព័ត៌មានពីកន្លែងកើតហេតុ បានបន្តទៀតថា ខណៈពេលជនរងគ្រោះដេកដួលមកលើដីត្រូវបានបងប្អូនប្រជាពលរដ្ឋនាំគ្នាជួយសង្គ្រោះបឋមភ្លាមៗផងដែរ តែមើលទៅជនរងគ្រោះមិនមានដង្ហើមក៏នាំគ្នាបញ្ជូនជនរងគ្រោះយកទៅសង្គ្រោះបន្ទាន់នៅមន្ទីរពេទ្យតេជោសន្តិភាព ជាអកុសលពេលបញ្ជូនទៅដល់មន្ទីរពេទ្យជនរងគ្រោះបានស្លា.ប់បាត់ទៅហើយ ។
ព័ត៌មានដដែលបានបន្តទៀតថា បន្ទាប់ពីដំណឹងថា ជនរងគ្រោះបានស្លា.ប់នៅមន្ទីរពេទ្យ មានកម្លាំងនគរបាលប៉ុស្តិ៍បានចុះមកកន្លែងកើតហេតុបានសួរនាំ ហើយបាននាំម្ចាស់ទីតាំងល្បែ.ងកម្សាន្តខាងលើ ព្រមទាំងមិត្តភក្ដិជនរងគ្រោះ ដើម្បីយកទៅសួរនាំនៅប៉ុស្តិ៍នគរបាលសង្កាត់ត្រពាំងក្រសាំងភ្លាមៗ ។
ចំណែកស.ពត្រូវបាននគរបាលប៉ុស្តិ៍បានទាក់ទងទៅសមត្ថកិច្ចជំនាញនៃកោសល្យវិច្ច័យរាជធានីភ្នំពេញ ពិនិត្យធ្វើលិខិតប្រគល់ស.ពអោយក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ