បន្ទាយមានជ័យ ៖ ពលករខ្មែរដែលធ្វើការនៅប្រទេសថៃ បានសម្រុកចូលមកកម្ពុជាវិញច្រើនខុសពីធម្មតា នៅពេលអាជ្ញាធរត្រៀមមណ្ឌលចំនួន៣កន្លែង នៅថ្ងៃទី១៥ ខែមិថុនា ឆ្នាំ២០២៥ នៅច្រកទ្វារព្រំអន្តរជាតិប៉ោយប៉ែត ។…
បន្ទាយមានជ័យ ៖ ពលករខ្មែរដែលធ្វើការនៅប្រទេសថៃ បានសម្រុកចូលមកកម្ពុជាវិញច្រើនខុសពីធម្មតា នៅពេលអាជ្ញាធរត្រៀមមណ្ឌលចំនួន៣កន្លែង នៅថ្ងៃទី១៥ ខែមិថុនា ឆ្នាំ២០២៥ នៅច្រកទ្វារព្រំអន្តរជាតិប៉ោយប៉ែត ។
ក្រោយពលករខ្មែរដេលធ្វើការនៅប្រទេសថៃ បានសម្រុកចូលមកកម្ពុជា ដោយខុសពីធម្មតា ឃើញវត្តមានឯកឧត្តម អ៊ុ រាត្រី អភិបាលខេត្តបន្ទាយមានជ័យ និងលោក គាត ហ៊ុល អភិបាលក្រុងប៉ោយប៉ែត បានចុះសួរសុខទុក្ខពលរដ្ឋខ្មែរ ទាំងពលករត្រឡប់ពីថៃ និងចេញទៅលក់លក់ដូរធ្វើការតាមបន្ទាត់ព្រំដែន ផ្សាររ៉ូងក្លឿប្រទេសថៃ ។
ពលករខ្មែរបានប្រាប់ថា ៖ តាមការធ្វើការងារនៅប្រទេសថៃ គឺមានកន្លែងខ្លះថៅកែថៃល្អ មិនចង់អោយពលករខ្មែរយើងមកទេ ដើម្បីអោយជួយការងារ ព្រោះការងារនៅប្រទេសថៃ ភាគច្រើនជាកម្មករខ្មែរ មូលហេតុ ដែលពួកគាត់សម្រេចចិត្តមក ត្រូវបានថៅកែថៃបានយល់ព្រមបើកលុយអោយ ព្រោះគាត់គិតពីសុវត្ថិភាពគ្រួសារនៅពេលឃើញព័ត៌មានស្ថានភាពតាមបន្ទាត់ព្រំដែនកម្ពុជា.ថៃ ដូចជា មានស្ថានភាពតានតឹងទើបសម្រេចចិត្តនាំគ្នាត្រឡប់ស្រុកខ្មែរវិញ តែមានកន្លែងខ្លះថៅកែថៃមិនចង់បើកលុយថ្លៃកម្លាំងពលកម្មអោយ ព្រោះធ្វើមិនទាន់ដល់កំណត់ គឺមានភាគតិច បុគ្គលភាគីថៃ ធ្វើទុកបុកម្និញ ទៅលើពលករខ្មែរធ្វើការនៅប្រទេសថៃ ។
អាជីវករខ្មែរបានបញ្ជាក់ថា ៖ ក្រោយភាគីថៃបិតច្រកព្រំដែនកម្ពុជា.ថៃបានសម្រួលពេលវេលាចេញ.ចូល ពិតជាលំបាកដល់ពលរដ្ឋខ្មែរជាអាជីវករ និងកម្មករធ្វើនៅផ្សាររ៉ូងក្លឿ ប្រទេសថៃ ចូលទៅលក់យឿតចេញមកវិញលឿន ១ថ្ងៃលក់បាន៣ទៅ៤ម៉ោង មានតែអ្នកលក់គ្មានអ្នកទិញ ចង់មកលក់នៅផ្សារក្រុងប៉ោយប៉ែតដែរ តែគ្មានភ្ញៀវថៃមកទិញ ទើបពួកគាត់សម្រេចលក់ក្នុងផ្សាររ៉ុងក្លឿប្រទេសថៃ ។
ឯកឧត្តម អ៊ុ រាត្រី អភិបាលខេត្តបន្ទាយមានជ័យ បានបញ្ជាក់ថា ៖ក្រោយពលករខ្មែរសម្រុកចូលមកកម្ពុជា តាមច្រកទ្វារព្រំដែនអន្តរជាតិប៉ោយប៉ែត ក្រោយភាគីថៃបានបិតច្រកទ្វារព្រំដែន ដោយ(ឯកតោភាគី) កាលពីថ្ងៃទី០៧ ខែមិថុនា ឆ្នាំ២០២៥ ខេត្តបន្ទាយមានជ័យ មានច្រកចំនួន៤កន្លែង ត្រូវបានសម្រួលពេលវេលាចេញ.ចូល ដោយច្រកទ្វារអន្តរជាតិ ចំនួន២កន្លែង កម្ពុជាបើកចេញ.ចូល រយៈពេល៧ម៉ោង ភាគីថៃបើកចេញ.ចូលរយៈពេល៨ម៉ោង និងច្រកទ្វារតំបន់ព្រំដែនចំនួន២កន្លែង កម្ពុជាបើកចេញ.ចូលរយៈពេល៣ម៉ោង ភាគីថៃបើកចេញ.ចូល៤ម៉ោង ក្រោយពលករខ្មែរត្រឡប់ចូលមកកម្ពុជា តាមច្រកទ្វារអន្តរជាតិប៉ោយប៉ែត ក្រសួងសង្គមកិច្ច អតិតយុទ្ធជន និងយុវនីតិសម្បទា បានត្រៀមមណ្ឌលចំនួន៣កន្លែង មាន២កន្លែង ក្រុងប៉ោយប៉ែត និង១កន្លែង ក្រុងសិរីសោភ័ណ និងទទួលការហូបចុកសង្គ្រោះបឋម និងបញ្ចូនបន្តទៅស្រុកកំណើត ដោយសុវត្ថិភាពនេះ ជាការយកចិត្តទុកដាក់ពីប្រមុខរាជរដ្ឋាភិបាលកម្ពុជា ៕
ចែករំលែកព័តមាននេះ