ខេត្តប៉ៃលិន ៖ ក្រោយពីមានបញ្ហាចម្រូងចម្រាសរវាងប្រទេសកម្ពុជានិងថៃរហូតឈានដល់មានការបិទទ្វារច្រកព្រំដែន មកដល់ពេលនេះគណនេយ្យហ្វេសប៊ុកផេកផ្លូវការ របស់លោកជំទាវ បាន ស្រីមុំ អភិបាលខេត្តប៉ៃលិន បានបញ្ជាក់កាលពីថ្ងៃទី១៤ ខែមិថុនា…
ខេត្តប៉ៃលិន ៖ ក្រោយពីមានបញ្ហាចម្រូងចម្រាសរវាងប្រទេសកម្ពុជានិងថៃរហូតឈានដល់មានការបិទទ្វារច្រកព្រំដែន មកដល់ពេលនេះគណនេយ្យហ្វេសប៊ុកផេកផ្លូវការ របស់លោកជំទាវ បាន ស្រីមុំ អភិបាលខេត្តប៉ៃលិន បានបញ្ជាក់កាលពីថ្ងៃទី១៤ ខែមិថុនា ឆ្នាំ២០២៥នេះថា ៖ រដ្ឋបាលខេត្តប៉ៃលិន សូមប្រាប់ដល់ពលករខ្មែរដែលមានបំណងវិលត្រឡប់មកស្រុកកំណើតវិញថា រដ្ឋបាលខេត្ត មន្ទីរការងារខេត្ត រង់ចាំជួយសម្របសម្រួល នៅច្រកទ្វារអន្តរជាតិព្រំ ខេត្តប៉ៃលិន ក្រុមការងារទទួលចុះឈ្មោះផ្តល់ការងារជូន និងត្រៀមរថយន្តក្រុង ដឹកពលករទៅដល់លំនៅដ្ឋានគ្រប់ខេត្តក្រុង ។
ករណីពលករខ្មែរកំពុងស្ថិតនៅក្នុងប្រទេសថៃ ជួបបញ្ហា មិនទាន់បើកប្រាក់ គ្មានមធ្យោបាយធ្វើដំណើរមកដល់ព្រំដែនកម្ពុជាយើង។ តែមានបំណងចង់វិលត្រឡប់ទៅស្រុកកំណើតសូមទំនាក់ទំនងតាមលេខ ទូរស័ព្ឌខាងក្រោមនេះ 0975 79 78 78 / 088 36 96 666 .
សូមបញ្ជាក់ថា រហូតមកដល់ពេលនេះអាជ្ញាធរមូលដ្ឋាន ត្រៀមរៀបចំជាស្រេចក្នុងការជម្លៀសប្រជាពលរដ្ឋដែលនៅជាប់នឹងព្រំដែនរកកន្លែងសុវត្ថិភាព បើមានករណីយោធាថៃ ចូលមកវាយឆ្មក់លើយោធាខ្មែរដោយប្រការណាមួយ ខណៈដែលប្រជាពលរដ្ឋក៍ត្រៀមខ្លួនជាស្រេចផងដែរ ៕
ចែករំលែកព័តមាននេះ