ខេត្តបន្ទាយមានជ័យ ៖ រថយន្តដឹកទំនិញថៃចេញ.ចូលជាធម្មតា១ថ្ងៃប្រមាណជាង២០០គ្រឿងតាមច្រកទ្វារអន្តរជាតិស្ទឹងបត់នៅថ្ងៃទី១៣ ខែមិថុនា ឆ្នាំ២០២៥នៅភូមិស្ទឹងបត់ សង្កាត់ផ្សារកណ្តាល ក្រុងប៉ោយប៉ែត។ លោកវរសេនីយ៍ឯក ឆោម ភ័ព្វ…
ខេត្តបន្ទាយមានជ័យ ៖ រថយន្តដឹកទំនិញថៃចេញ.ចូលជាធម្មតា១ថ្ងៃប្រមាណជាង២០០គ្រឿងតាមច្រកទ្វារអន្តរជាតិស្ទឹងបត់នៅថ្ងៃទី១៣ ខែមិថុនា ឆ្នាំ២០២៥នៅភូមិស្ទឹងបត់ សង្កាត់ផ្សារកណ្តាល ក្រុងប៉ោយប៉ែត។
លោកវរសេនីយ៍ឯក ឆោម ភ័ព្វ នាយប៉ុស្តិ៍នគរបាលច្រកទ្វារអន្តរជាតិស្ទឹងបត់បានប្រាប់ថា ច្រកទ្វារព្រំដែនអន្តរជាតិស្ទឹងបត់ គឺបើកដំណើរការជាធម្មតា ១ថ្ងៃជាមធ្យមរថយន្តដឹកទំនិញថៃចូលមកកម្ពុជាជាង២០០គ្រឿងជាប្រភេទរថយន្តធុនធំដែលដឹកទំនិញមានរថយន្ត និងគ្រឿងយន្តកសិកម្ម និងគ្រឿងសំណង់ ជាទំនិញជាប់ពន្ធខ្ពស់។
លោកបានបញ្ជាក់ថា ច្រកទ្វារអន្តរជាតិស្ទឹងបត់កម្ពុជាដែលឈមច្រកបានណងអៀនថៃ ក្រោយភាគីថៃបានបិទច្រកព្រំដែនកម្ពុជា.ថៃ ដោយ(ឯកតោភាគី) កាលពីថ្ងៃទី០៧ ខែមិថុនា ឆ្នាំ២០២៥នៅវេលាម៉ោង៤ល្ងាចហើយត្រូវសម្រួលពេលវេលាចេញ.ចូលដោយកម្ពុជាបើកម៉ោង៩ព្រឹកបិតម៉ោង៤ល្ងាច ភាគីថៃបើកម៉ោង៨ព្រឹកបិតម៉ោង៤ល្ងាច។
លោកវរសេនីយ៍ឯក ឆោម ភ័ព្វ បានបញ្ជាក់ថា ខេត្តបន្ទាយមានជ័យមាន៥ស្រុក/ក្រុងដែលមានព្រំដែនជាប់ថៃប្រវែង១៥៣គីឡូម៉ែត្រ មានសេដ្ឋកិច្ច៤កន្លែងមានច្រកទ្វារព្រំដែនអន្តរជាតិ២កន្លែង និងច្រកទ្វារតំបន់ព្រំដែនចំនួនដែលកំពុងដំណើរការចេញ.ចូលខាងកម្ពុជាបើកចេញ.ចូល៧ម៉ោង និងភាគីថៃបើកចេញ.ចូល៨ម៉ោង ៕
ចែករំលែកព័តមាននេះ