រាជធានីភ្នំពេញ ៖ លោកជំទាវ ម៉ាលី សុជាតាអ្នកនាំពាក្យក្រសួងការពារជាតិបានគូសបញ្ជាក់ថា ចំនួនការប្រើប្រាស់យន្តហោះចម្បាំងទម្លាក់គ្រាប់បែប F-16 និងការប្រើប្រាស់គ្រាប់បែបចង្កោមរបស់យោធាថៃវាយប្រហារមកលើកម្ពុជា មានទំហំកាន់តែកើនឡើងជាលំដាប់ និងពង្រីកទីតាំងបាញ់ប្រហារមកលើកម្ពុជាកាន់តែចូលមកជ្រៅ…
រាជធានីភ្នំពេញ ៖ លោកជំទាវ ម៉ាលី សុជាតាអ្នកនាំពាក្យក្រសួងការពារជាតិបានគូសបញ្ជាក់ថា ចំនួនការប្រើប្រាស់យន្តហោះចម្បាំងទម្លាក់គ្រាប់បែប F-16 និងការប្រើប្រាស់គ្រាប់បែបចង្កោមរបស់យោធាថៃវាយប្រហារមកលើកម្ពុជា មានទំហំកាន់តែកើនឡើងជាលំដាប់ និងពង្រីកទីតាំងបាញ់ប្រហារមកលើកម្ពុជាកាន់តែចូលមកជ្រៅ ។
ថ្លែងក្នុងសន្នីសីទសារព័ត៌មាន នាព្រឹកថ្ងៃទី១៦ ខែធ្នូ ឆ្នាំ២០២៥នៅទីស្តីការគណៈរដ្ឋមន្ត្រីលោកជំទាវ អ្នកនាំពាក្យបានគូសបញ្ជាក់ថា ៖« ដូចជាករណីថ្ងៃទី១៥ ធ្នូ យោធាថៃបានទម្លាក់ គ្រាប់បែកចេញពីយន្តហោះចម្បាំងF-16 ចូលមកជិតជនភៀសខ្លួននៅក្នុងភូមិសាស្ត្រស្រុកស្រីស្នំ ខេត្តសៀមរាប ។
ជាមួយគ្នានោះដែរ លោកជំទាវបានលើកឡើងថា នៅក្នុងភូមិសាស្ត្រភូមិ ភាគទី៤កម្ពុជា យោធាថៃបានចាប់ផ្តើមបាញ់ប្រហារមកលើកងកំលាំងកម្ពុជា ចាប់តាំងពីម៉ោង១រំលងអាធ្រាត្រហូតដល់ម៉ោង៨ព្រឹក ថ្ងៃទី១៦ ធ្នូ ឆ្នាំ២០២៥នេះ ។ យោធាថៃបានធ្វើការបាញ់ដោយប្រើប្រាស់កំលាំងធំ១៥៥មម ចូលភូមិសាស្ត្រប្រាសាទព្រះវិហារ ប្រាទតាក្របី ប្រាសាទតាមាន់ និងថ្មដូន ។ លើសពីនេះយោធាថៃ ក៏បានប្រើកាំភ្លើងដែលបំពាក់លើករថក្រោះចាញ់ចូលក្នុងតំបន់ភ្នំខ្មោច ។
លោកជំទាវអ្នកនាំពាក្យបានលើកឡើងចំពោះស្ថានការណ៍នៅតំបន់ភូមិសាស្ត្រផ្សេងទៀតមានភាពស្ងប់ស្ងាត់ ប៉ុន្តែកងកំលាំងប្រដាប់អាវុធកម្ពុជានៅតែបន្តតាមដានដោយកចិត្តទុកដាក់ខ្ពស់បំផុត ។ ចំពោះស្ថានការណ៍ជួរមុខនៅភូមិភាគទី៥ វិញ លោកជំទាវ អ្នកនាំពាក្យក្រសួងការពារជាតិ បានឲ្យដឹងថា នៅក្នុងភូមិសាស្ត្រខេត្តបន្ទាយមានជ័យ និងពោធិ៍សាត់ ភាគីថៃបានបន្តបាញ់ ប្រហាលើកងកំលាំងកម្ពុជា ចាប់ពីម៉ោង១៨រសៀល ថ្ងៃទី១៥ ធ្នូ រហូតដល់ម៉ោង៨ព្រឹក ថ្ងៃទី១៦ ខែធ្នូ ឆ្នាំ២០២៥ យោធាថៃបានបាញ់ចូលភូមិសាស្ត្រព្រៃចាន់ និងបានបាញ់ផ្លោងជ្រុំសន្ធឹក សន្ធាប់ចូលក្នុងភូមិសាស្ត្រអូភ្លុកដំរី ។
ជាមួយគ្នានោះដែរ យោធាថៃក៏បានបាញ់ចេញពីនាវាចូលក្នុងអូភ្លុកដំរីផងដែរ ។ រហូតមដល់ថ្ងៃទី១៦ ធ្នូ យោធាថៃនៅតែបន្តបាញ់ប្រហារមកលើកងកំលាំងកម្ពុជា ក្នុងនោះក៏បានបាញ់ផ្សែងពុលមកផងដែរ ។ ចំពោះភូមិសាស្ត្រផ្សេងទៀតមានស្ងប់ស្ងាត់ ប៉ុន្តែកងកំលាំងកម្ពុជា នៅតែបន្តតាមដានយកចិត្តទុកដាក់ខ្ពស់ បំផុត ៕
ចែករំលែកព័តមាននេះ