ADផ្ទាំងផ្សព្វផ្សាយពាណិជ្ជកម្ម

អាជ្ញាធរខណ្ឌទួលគោកចាត់វិធានការក្ដៅចំពោះម្ចាស់រថយន្តមកឈប់ចតមុខសាលាសន្ធរម៉ុក

1 ថ្ងៃ មុន

ភ្នំពេញ
១១ ខែ មិថុនា ឆ្នាំ ២០២៥ ម៉ោង ១៦:២០

រាជធានីភ្នំពេញ ៖ គណៈបញ្ជាការឯកភាពខណ្ឌទួលគោកបានចាត់វិធានការក្ដៅដោយឃាត់រថយន្តចំនួន ២៣ គ្រឿងដើម្បីឲ្យម្ចាស់ចូលខ្លួនធ្វើកិច្ចសន្យាឈប់ចតរថយន្តនៅជាប់របងសាលាសន្ធរមុខទៀតព្រោះ បាត់បង់កណ្ដាប់ធ្នាប់និងបិទផ្លូវថ្មើរជើងរបស់សិស្សានុសិស្សធ្វើដំណើរជាហេតុបង្កឲ្យកើតមានគ្រោះថ្នាក់ជាយថាហេតុ។ ការចាក់សោរឃាត់រថយន្តធ្វើកិច្ចសន្យានេះធ្វើឡើងកាលពីវេលាម៉ោង១១ព្រឹកថ្ងៃទី១១ ខែមិថុនាឆ្នាំ២០២៥នៅតាមបណ្ដោយវិថីកម្ពុជាក្រោម ជាប់របងសាលាវិទ្យាល័យជាស៊ីម សន្ធរម៉ុក…

ការចាក់សោរឃាត់រថយន្តធ្វើកិច្ចសន្យានេះធ្វើឡើងកាលពីវេលាម៉ោង១១ព្រឹកថ្ងៃទី១១ ខែមិថុនាឆ្នាំ២០២៥នៅតាមបណ្ដោយវិថីកម្ពុជាក្រោម ជាប់របងសាលាវិទ្យាល័យជាស៊ីម សន្ធរម៉ុក ក្នុងសង្កាត់ទឹកល្អក់១ ខណ្ឌទួលគោក រាជធានីភ្នំពេញដោយមានការដឹកនាំនិងបញ្ជា ផ្ទាល់ពីលោក ជា ពិសី អភិបាលនៃគណៈអភិបាលខណ្ឌទួលគោក ។

តាមអាជ្ញាធរខណ្ឌទួលគោក បានឱ្យដឹងថា រថយន្តចំនួន២៣គ្រឿងត្រូវបានកម្លាំងគណៈបញ្ជាការឯកភាពខណ្ឌទួលគោកចុះចាក់សោរឃាតទុកដើម្បីឲ្យម្ចាស់ចូលខ្លួនមកធ្វើកិច្ចសន្យាបញ្ឈប់ការឈប់ចតនៅតាមដងផ្លូវនៅមុខវិទ្យាល័យជាស៊ីមសន្ធរម៉ុកទៀត ។ បើសិនថ្ងៃក្រោយរថយន្តដែលមានផ្លាកលេខដែលធ្លាប់ធ្វើកិច្ចសន្យាមកឈប់ចតដោយគ្មានសណ្ដាប់ធ្នាប់នៅតាមដងផ្លូវមុខវិទ្យាល័យជាស៊ីមសន្ធម៉ុកទៀត

អាជ្ញាធរនឹងមានវិធានការចាប់ឃាត់រថយន្តបញ្ជូនទៅសាលាខណ្ឌទួលគោកដើម្បីផាកពិន័យ។
តាមអាជ្ញាធរបានឲ្យដឹងទៀតថា កន្លងមកនៅមុខវិទ្យាល័យជាស៊ីមសន្ធរម៉ុកត្រូវបានប្រជាពលរដ្ឋបើករថយន្តមកឈប់ចតទុកចោលយ៉ាងអាណាធិបតេយ្យនិងចតលើផ្លូវថ្មើរជើងរបស់សិស្សានុសិស្សធ្វើដំណើរជាហេតុធ្វើឲ្យបាត់បង់សណ្ដាប់ធ្នាប់ហើយសិក្សានុសិស្សពិបាកក្នុងការធ្វើដំណើរ។

គួររំលឹកថា កាលពីថ្ងៃទី១០ ខែមិថុនាឆ្នាំ ២០២៥ អាណាព្យាបាលសិស្សនិងសិស្សានុសិស្សក៏បានចំណូមពរទៅអាជ្ញាធរខណ្ឌទួលគោកមេត្តាជួយពិនិត្យមើល នឹង ចាត់វិធានការផង ជារៀងរាល់ថ្ងៃនៅពេលសិស្ស

ចេញពីរៀនម្តងៗត្រូវដើរលើផ្លូវឡាន ម៉ូតូ ដោយសារជាប់របងសាលាមានរថយន្តចតជាច្រើនយ៉ាងអាណាធិបតេយ្យជាហេតុនាំអោយមានគ្រោះថ្នាក់កើតឡើងជាយថាហេតុ ។ ម្យ៉ាងទៀត ការចតរថយន្តយ៉ាង អាណាធិតេយ្យនេះធើ្វអោយខូចការ៉ូឡា បាត់បង់សណ្តាប់ធ្នាប់ នឹង សោភ័ណភាពរាជធានីភ្នំពេញផងដែរ។បន្ទាប់ពីមានសំណូមពររបស់អាណាព្យាបាលនិងសិស្សានុសិល្ប៍អាជ្ញាធរខណ្ឌទួលគោកដឹកនាំដោយលោកជា ពិសីអភិបាលខណ្ឌក៏បានចុះទៅចាក់សោរថយន្តដើម្បីឲ្យម្ចាស់ចេញមកធ្វើកិច្ចសន្យាបញ្ឈប់ចតលើដងផ្លូវតទៅទៀត៕