មន្ទីរពេទ្យកាល់ម៉ែតបានប្រកាសកាលពីពេលថ្មីនេះថា អ្វីទៅជាជំងឺមហារីកឆ្អឹង? ជំងឺមហារីកឆ្អឹង(Ostéosarcome) គឺជាជំងឺសាច់កាចដែលកើតនៅលើឆ្អឹង ភាគច្រើនកើតលើក្មេងជំទង់អាយុចន្លោះពី១៣ ទៅ១៦ឆ្នាំ តែករណីខ្លះក៏អាចកើតមានលើមនុស្សពេញវ័យផងដែរ។ មន្ទីរពេទ្យកាល់ម៉ែតបានបញ្ជាក់ថា ជំងឺមហារីកឆ្អឹង ច្រើនកើតនៅលើឆ្អឹងវែងដូចជា…
មន្ទីរពេទ្យកាល់ម៉ែតបានប្រកាសកាលពីពេលថ្មីនេះថា អ្វីទៅជាជំងឺមហារីកឆ្អឹង? ជំងឺមហារីកឆ្អឹង(Ostéosarcome) គឺជាជំងឺសាច់កាចដែលកើតនៅលើឆ្អឹង ភាគច្រើនកើតលើក្មេងជំទង់អាយុចន្លោះពី១៣ ទៅ១៦ឆ្នាំ តែករណីខ្លះក៏អាចកើតមានលើមនុស្សពេញវ័យផងដែរ។
មន្ទីរពេទ្យកាល់ម៉ែតបានបញ្ជាក់ថា ជំងឺមហារីកឆ្អឹង ច្រើនកើតនៅលើឆ្អឹងវែងដូចជា ឆ្អឹងដើមដៃ ឆ្អឹងភ្លៅ និងឆ្អឹងស្មងជើងជាដើម។
ក-រោគសញ្ញា
ជាទូទៅជំងឺមហារីកឆ្អឹងមានរោគសញ្ញាដូចជា៖
– ឈឺចាប់នៅកន្លែងដុំមហារីក
– ហើម រឺឡើងដុំពកឆ្អឹងបន្តិចម្ដងៗ
– ពិបាកធ្វើចលនា
– ងាយបាក់ឆ្អឹង (បាក់ដោយឯកឯង រឺនៅពេលប៉ះទង្គិចតិចតួច)
ខ-ការធ្វើរោគវិនិច្ឆ័យ
ដើម្បីធ្វើរោគវិនិច្ឆ័យជំងឺមហារីកឆ្អឹង យើងត្រូវច្រឹបយកជាលិកាដែលសង្ស័យយកទៅវិភាគ។ ក្រៅពីនេះយើងត្រូវធ្វើការវិភាគអមវេជ្ជសាស្ត្រមួយចំនួន ដើម្បីកំណត់ទីតាំង ទំហំ និងការរីករាលដាលនៃជំងឺដូចជា ការថតវិទ្យុសាស្ត្រ ស្កែននែរ (Scanner) និង អ៊ីអែអិម (IRM)ជាដើម។
គ-ការព្យាបាល
ជំងឺមហារីកឆ្អឹង ត្រូវព្យាបាលដោយចាក់ថ្នាំគីមី និងធ្វើការវះកាត់ដោយវេជ្ជបណ្ឌិតជំនាញ។ ការព្យាបាលមានប្រសិទ្ធិភាពខ្ពស់បំផុតនៅពេលជំងឺស្ថិតក្នុងដំណាក់កាលដំបូង មិនទាន់មានការរីករាលដាលទៅសរីរាង្គដ៏ទៃ និងទទួលបានការវះកាត់ត្រឹមត្រូវ៕
ចែករំលែកព័តមាននេះ