រាជធានីភ្នំពេញ ៖ ភោជនីយដ្ឋាន យីហោ P8 ត្រូវបានកម្លាំងនាយកដ្ឋានប្រឆាំងការជួញដូរមនុស្ស និងការពារអនីតិជនចុះឆ្ម.ក់បង្ក្រាប់ និងឃាត់ខ្លួនមនុស្សប្រុសស្រីចំនួន១៣នាក់ និងដកហូតសម្ភារៈមួយចំនួនធំ កាលពីវេលាម៉ោង៨និង៤០នាទីយប់…
រាជធានីភ្នំពេញ ៖ ភោជនីយដ្ឋាន យីហោ P8 ត្រូវបានកម្លាំងនាយកដ្ឋានប្រឆាំងការជួញដូរមនុស្ស និងការពារអនីតិជនចុះឆ្ម.ក់បង្ក្រាប់ និងឃាត់ខ្លួនមនុស្សប្រុសស្រីចំនួន១៣នាក់ និងដកហូតសម្ភារៈមួយចំនួនធំ កាលពីវេលាម៉ោង៨និង៤០នាទីយប់ ត្រូវនឹងថ្ងៃទី១២ ខែមិថុនា ឆ្នាំ២០២៥ តាមបណ្តោយផ្លូវតាកន ភូមិព្រៃទា២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ថៅកែ ដែលជាម្ចាស់ទីតាំងខាងលើនេះ មានឈ្មោះ ឃឹម ដារ៉ា ភេទប្រុស អាយុ៤០ឆ្នាំ ជនជាតិខ្មែរ ។
បើតាមការបញ្ជាក់ពីខាងមន្ត្រីជំនាញនាយកដ្ឋាន បានឲ្យដឹងថា ទីតាំងភោជនីដ្ឋាន P8 ខាងលើនេះ សមត្ថកិច្ចជំនាញបានដាក់ការសង្ស័យថា មានលួចបង្ក.ប់នូវសេវាបម្រើកម្សាន្តខុសច្បាប់ ទើបសមត្ថកិច្ចបានដាក់កម្លាំងជំនាញសហការជាមួយ និងកម្លាំងសមត្ថកិច្ចនៃអធិការដ្ឋាននគបាលខណ្ឌពោធិសែនជ័យចុះទៅបង្ក្រាបជាក់ស្តែងតែម្តង ។
ក្នុងនោះដែរ សមត្ថកិច្ចបានចូលទៅពិនិត្យតាមបន្ទប់ និងខ្យូសនីមួយៗ ហើយប្រមូលដកហូតបានសម្ភារ.មួយចំនួនធំ និងធ្វើការឃាត់ខ្លួនមនុស្សប្រុសស្រីសរុបទាំងអស់ចំនួន១៣នាក់ ក្នុងនោះមានថៅកែ និងនារីៗចំនួន៧នាក់ ចំណែកបុរសចំនួន៧នាក់ ដែលជាបុគ្គលិកមិនមានការពាក់ព័ន្ធខាងមន្ដ្រីផ្នែកជំនាញបានអោយត្រឡប់ទៅវិញធម្មតា ។
ក្រោយពីឃាត់ខ្លួនរួច សមត្ថកិច្ចក៏បាននាំខ្លួនបុរស និងនារីទាំង១៣នាក់ខាងលើនោះ បញ្ជូនតាមរថយន្តយកទៅអគ្គស្នងការនគបាលជាតិ ដើម្បីសួរនាំបន្តនិងចាត់ការបន្តតាមនីតិវិធីច្បាប់ ៕
ចែករំលែកព័តមាននេះ