រាជធានីភ្នំពេញ ៖ បុរសម្នាក់ដែលអះអាងថាមានវិបត្តិអ្វីមួយបានលោតទឹកប៉ងសម្លាប់ខ្លួនពីលើស្ពានជ្រោយចង្វា តែពុំស្លាប់ដោយសារចេះហែលទឹកទំនងខ្លាចស្លាប់ក៏បានហែលចូលខាងវិញ ។ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង១០និង៣០នាទីព្រឹកថ្ងៃទី៩ ខែមិថុនា ឆ្នាំ២០២៥ នៅចំណុចស្ពានជ្រោយចង្វាថ្មី ក្នុងភូមិដើមគ សង្កាត់ជ្រោយចង្វា…
រាជធានីភ្នំពេញ ៖ បុរសម្នាក់ដែលអះអាងថាមានវិបត្តិអ្វីមួយបានលោតទឹកប៉ងសម្លាប់ខ្លួនពីលើស្ពានជ្រោយចង្វា តែពុំស្លាប់ដោយសារចេះហែលទឹកទំនងខ្លាចស្លាប់ក៏បានហែលចូលខាងវិញ ។
ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង១០និង៣០នាទីព្រឹកថ្ងៃទី៩ ខែមិថុនា ឆ្នាំ២០២៥ នៅចំណុចស្ពានជ្រោយចង្វាថ្មី ក្នុងភូមិដើមគ សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ ។
បុរសដែលលោតទឹកប៉ងសម្លាប់ខ្លួនរូបនោះ ពុំត្រូវគេស្គាល់អត្តសញ្ញាណឡើយ ។ បន្ទាប់ពីលោតចុះក្នុងទន្លេបែកទឹកសំពោងរួចមក ទំនងភ្ញាក់ខ្លួនខ្លាចបាត់បង់ជីវិត…ណាមួយខ្លួនគាត់ចេះហែលទឹកផងក៏ហែលចូលខាង ។ តាមព័ត៌មានបានឱ្យដឹងថា នៅព្រឹកថ្ងៃកើតហេតុ គេឃើញបុរសរូបនោះបានធ្វើដំណើរឡើងស្ពានជ្រោយចង្វាក្នុងទិសដៅពីកើតទៅលិច ។ នៅពេលធ្វើដំណើរឡើងស្ពានបានបន្តិចដល់កំផែងក៏បានឈប់រួចតោងបង្កាន់ដៃស្ពានទៅឈរនៅខាងក្រៅប៉ុនប៉ងលោតទឹកសម្លាប់ខ្លួន ។
ភ្លាមៗបង្កឲ្យមានការភ្ញាក់ផ្អើលដល់អ្នកដំណើរទៅរាយការណ៍ប្រាប់នគរបាលចរាចរណ៍មកឃាត់ តែក្រោយមកបុរសរូបនោះបានលោតពីលើស្ពានធ្លាក់ទៅក្នុងទន្លេទៅហើយ ។ តាមព័ត៌មានឲ្យដឹងទៀតថា បន្ទាប់ពីលោតទឹករួចមកគេឃើញបុរសរូបនោះបានហែលទឹកចូលខាងវិញ តែក្រោយមកមានទូកនេសាទមួយទៅជួយស្រង់យកចូលខាង ។
ទោះបីជាយ៉ាងណាគេពុំដឹងថា បុរសនោះមានវិបត្តិអ្វីឡើយបានជាគិតខ្លីលោតទឹកសម្លាប់ខ្លួនបែបនេះ ។ បន្ទាប់ពីស្រង់យកចូលខាង បុរសរូបនោះក៏បានធ្វើដំណើរត្រឡប់ទៅវិញបាត់ទៅអត់មាននិយាយជាមួយអ្នកណាមួយម៉ាត់ឡើយ។
ចែករំលែកព័តមាននេះ