ខេត្តកំពង់ស្ពឺ ៖ ជនសង្ស័យជាចោរម្នាក់ត្រូវបានកម្លាំងនគរបាលស្រុកគងពិសីធ្វើការឃាត់ខ្លួនបាន ខណៈដែលធ្វើសកម្មភាពលួចយកម៉ូតូជនរងគ្រោះពីក្នុងរោងចក្របាន ទៅប្លុងចោលក្បែរបន្ទប់ជួល និងដោះគ្រឿងចេញស្មានតែម្ចាស់មិនដឹង ពេលសមត្ថកិច្ចឆែកកាមេរ៉ាស្រាវជ្រាវឃាត់បាន។ ការឃាត់ខ្លួនជនសង្ស័យជាចោរលួចម៉ូតូបានកាលពីល្ងាចថ្ងៃទី៧ ខែមិថុនា ឆ្នាំ២០២៥…
ខេត្តកំពង់ស្ពឺ ៖ ជនសង្ស័យជាចោរម្នាក់ត្រូវបានកម្លាំងនគរបាលស្រុកគងពិសីធ្វើការឃាត់ខ្លួនបាន ខណៈដែលធ្វើសកម្មភាពលួចយកម៉ូតូជនរងគ្រោះពីក្នុងរោងចក្របាន ទៅប្លុងចោលក្បែរបន្ទប់ជួល និងដោះគ្រឿងចេញស្មានតែម្ចាស់មិនដឹង ពេលសមត្ថកិច្ចឆែកកាមេរ៉ាស្រាវជ្រាវឃាត់បាន។
ការឃាត់ខ្លួនជនសង្ស័យជាចោរលួចម៉ូតូបានកាលពីល្ងាចថ្ងៃទី៧ ខែមិថុនា ឆ្នាំ២០២៥ ស្ថិតនៅភូមិអង្គសុគន្ធា ឃុំមហាឫស្សី ស្រុកគងពិសី ខេត្តកំពង់ស្ពឺ។
នគរបាលស្រុកគងពិសីបាននិយាយឱ្យដឹងថា កាលពីថ្ងៃទី០៦ ខែមិថុនា ឆ្នាំ២០២៥ នគរបាលប៉ុស្តិ៍រដ្ឋបាលឃុំមហាឫស្សី បានទទួលពាក្យបណ្តឹងពី ឈ្មោះ ចាន់ ម៉េងជីវ ភេទប្រស អាយុ២៨ឆ្នាំ រស់នៅភូមិកញ្ចាង ឃុំកុមារាជា ស្រុកបាទី ខេត្តតាកែវ ថាមានជនមិនស្គាល់អត្តសញ្ញាណ បានធ្វើសកម្ម ភាពលួច ម៉ូតូ១គ្រឿង ម៉ាកហុងដាC-125 ពណ៌ខ្មៅ ពាក់ស្លាកលេខ ភ្នំពេញ 1FJ-0382. លេខតួ9415815 លេខម៉ាស៊ីន9415815 នៅចំណុចក្នុងរោងចក្រកាត់ដេរមួយកន្លែង ស្ថិតនៅភូមិអង្គសុគន្ធា ឃុំមហាឫស្សី ស្រុកគងពិសី ខេត្តកំពង់ស្ពឺ។
លុះរហូតដល់ វេលាម៉ោង០២និង៥០នាទីរសៀលថ្ងៃទី៧ ខែមិថុនា ឆ្នាំ២០២៥ កម្លាំងជំនាញ និងកម្លាំងប៉ុស្ដិ៍ បានសហការជាមួយសន្តិសុខនៅរោងចក្រវីងស្តារស៊ូ ឆែកកាមេរ៉ាសុវត្ថិភាព បានកំណត់អត្តសញ្ញាណជនសង្ស័យ ហើយបានឃាត់ខ្ជនជនសង្ស័យឈ្មោះ ហេង ទិ ភេទប្រុស អាយុ ២៤ឆ្នាំ មុខរបរកម្មករសំណង់ក្នុងរោងចក្រខាងលើ ស្នាក់នៅបន្ទប់ជួលនៅភូមិអង្គសុគន្ធា ឃុំមហាឬស្សី ស្រុកគងពិសី ខេត្តកំពង់ស្ពឺ យកមកធ្វើការសាកសួរ នៅចំពោះមុខសមត្ថកិច្ច ជនសង្ស័យបានឆ្លើយសារភាពថា ខ្លួនពិតជាបានធ្វើសកម្មភាពលួចយកម៉ូតូខាងលើយកទៅប្លុងចោល និងដោះកំបាំងម៉ូតូទុកចោលនៅខាងជេីងបន្ទប់ជួលពិតប្រាកដមែន។
នគរបាលស្រុកគងពិសីបានបញ្ជាក់ថា ក្រោយឃាត់ខ្លួនជនសង្ស័យ នគរបាលបានដកហូតវត្ថុតាងម៉ូតូមួយគ្រឿងពីជនសង្ស័យ ហើយបានប្រគល់ម៉ូតូនោះជូនទៅជនរងគ្រោះ(ម្ចាស់ម៉ូតូវិញហើយ)។
បច្ចុប្បន្នជនសង្ស័យ ត្រូវបានឃាត់ខ្លួននៅអធិការដ្ឋាននគរបាលស្រុកគងពិសី រង់ចាំកសាងសំណុំរឿង បញ្ជូនទៅស្នងការដ្ឋាននគរបាលខេត្តកំពង់ស្ពឺ ដើម្បីចាត់ការបន្តតាមផ្លូវច្បាប់៕
ចែករំលែកព័តមាននេះ