រាជធានីភ្នំពេញ ៖ បុរសម្នាក់ផឹកចំស្រាក្លាហាន ខ្ចីម៉ូតូពីប្អូនជីដូនមួយ ដែលម៉ូតូនោះទើបទៅដោះស្រាយចេញពីអធិការដ្ឋាននគរខណ្ឌកំបូល ដោយគាត់បានដកហូតបំពង់ស៊ីមាំងរក្សាទុក ទើបម៉ូតូនោះគ្មានបំពង់ស៊ីមាំង ក៏ជិះសាក រោទ៍បំពង់ស៊ីមាំងទៅមកប្រហែល៣-៤ ត្រឡប់មកតាមបណ្ដោយផ្លូវ១៤៣…
រាជធានីភ្នំពេញ ៖ បុរសម្នាក់ផឹកចំស្រាក្លាហាន ខ្ចីម៉ូតូពីប្អូនជីដូនមួយ ដែលម៉ូតូនោះទើបទៅដោះស្រាយចេញពីអធិការដ្ឋាននគរខណ្ឌកំបូល ដោយគាត់បានដកហូតបំពង់ស៊ីមាំងរក្សាទុក ទើបម៉ូតូនោះគ្មានបំពង់ស៊ីមាំង ក៏ជិះសាក រោទ៍បំពង់ស៊ីមាំងទៅមកប្រហែល៣-៤ ត្រឡប់មកតាមបណ្ដោយផ្លូវ១៤៣ គិតថាឡូយ មានអីត្រូវប្រជាពលរដ្ឋលោកថ្លង់រំខាន ក៏ប្តឹងសមត្ថកិច្ច ឃាត់ខ្លួនដកហូតម៉ូតូទុក០៣ខែ ។
ការបង្ក្រាបនេះបានធ្វើឡើងនៅវេលាម៉ោង ០៧ និង ១១នាទី យប់ថ្ងៃទី០៥ ខែមិថុនា ឆ្នាំ២០២៥ តាមបណ្ដោយផ្លូវលេខ១៤៣ ស្ថិតនៅភូមិចក ឃុំបែកចាន ស្រុកអង្គស្នួល ខេត្តកណ្តាល ។
សមត្ថកិច្ចបានឲ្យដឹងថា បុរសដែលត្រូវសមត្ថកិច្ចឃាត់ខ្លួនមានឈ្មោះ ស៊ុ រាជ្យ ភេទប្រុស អាយុ៣៤ឆ្នាំ ជនជាតិខ្មែរ មុខរបរ បើកបររថយន្ត មានទីលំនៅបច្ចុប្បន្នភូមិចក ឃុំបែកចាន ស្រុកអង្គស្នួល ខេត្តកណ្ដាល មានកម្រិតជាតិអាកល់ 1.511mg/L ដកហូតម៉ូតូមួយគ្រឿងម៉ាក Yamaha MX king ពណ៌ក្រហម ផលិតឆ្នាំ2022 ពាក់ផ្លាកលេខ លេខតួ117302 ភ្នំពេញ 1JY-0524។
សមត្ថកិច្ចបានឲ្យដឹងទៀតថា មុនពេលកើតហេតុ កម្លាំងសមត្ថកិច្ចនគរបាលរដ្ឋបាលប៉ុស្ដិ៍ក្រាំងម្កាក់ និងប៉ុស្ដិ៍បែកចាន ទទួលបានពត៌មានពីប្រជាពលរដ្ឋរាយការណ៍ចូលក្នុងគ្រុបតេលេក្រាម ព័ត៌មានសន្តិសុខសណ្ដាបធ្នាប់ចរាចរណ៍ ថាមានបុរសម្នាក់ ជិះម៉ូតូមួយគ្រឿងរោទ៍ទៅរោទ៍មកជាច្រើនត្រឡប់ តាមបណ្ដោយផ្លូវ១៤៣ ។
ក្រោយពីទទួលបានព័ត៌មានហើយ កម្លាំងប៉ុស្ដិ៍នគបាលរដ្ឋបាលក្រាំងម្កាក់ និងប៉ុស្ដិ៍នគរបាលរដ្ឋបាលបែកចាន សហការជាមួយកម្លាំងជំនាញស្រុកចុះទៅដល់កន្លែងកើតហេតុ ធ្វើការនាំខ្លួនបុរស០១នាក់ និងវត្ថុតាងម៉ូតូមួយគ្រឿងនាំទៅអធិការដ្ឋាននគរបាលស្រុកអង្គស្នួលដើម្បីសួរនាំ ។
នៅចំពោះមុខសមត្ថកិច្ច បុរសខាងលើបានឆ្លើយសារភាពថាមុនពេលកើតហេតុ ខ្លួនបានផឹកស៊ីជាមួយបក្ខពួកផ្សេងៗនៅផ្ទះ លុះពេលស្រវឹងក៏បានខ្ចីម៉ូតូពីប្អូនជីដូនមួយជិះសាក ហើយបានជិះរោទ៍បំពង់ស៊ីមាំងទៅមកប្រហែល៣-៤ ត្រឡប់មកតាមបណ្ដោយផ្លូវ១៤៣។ ចំពោះម៉ូតូនោះទើបទៅដោះស្រាយចេញពីអធិការដ្ឋាននគរខណ្ឌកំបូល ដោយគាត់បានដកហូតបំពង់ស៊ីមាំងរក្សាទុក ទើបម៉ូតូនោះគ្មានបំពង់ស៊ីមាំង។
បច្ចុប្បន្នចំពោះករណីខាងលើនេះកម្លាំងផ្នែកជំនាញ សូមគោលការអប់រំរយៈពេល៤៨ម៉ោង នៅអធិការដ្ឋាននគរបាលស្រុកអង្គស្នួល ដើម្បីធ្វើអនាម័យ និងហៅក្រុមគ្រួសារមកធ្វើកិច្ចសន្យាអប់រំ ចំណែកមធ្យោបាយម៉ូតូសូមគោលការណ៍រក្សាទុកនៅអធិការដ្ឋាននគរបាលស្រុករយៈពេល០៣ខែ ៕
ចែករំលែកព័តមាននេះ