រាជធានីភ្នំពេញ ៖ រយៈពេលចំនួន៦ថ្ងៃ នគរបាលនៅតាមអធិការដ្ឋានខណ្ឌទាំង១៤ នៃស្នងការនគរបាលរាជធានីភ្នំពេញ បានឃាត់ម៉ូតូដែលកែច្នៃបំពង់ស៊ីម៉ាំង បង្កសំឡេងខ្លាំងៗបានសរុបចំនួន១២៦គ្រឿង និងនាំខ្លួនទាំងម្ចាស់មកណែនាំដោះដូរ បំពង់ស៊ីម៉ាំងកែច្នៃចេញ ព្រមទាំងអញ្ជើញអាណាព្យាបាលមកធានាយកទៅអប់រំ…
រាជធានីភ្នំពេញ ៖ រយៈពេលចំនួន៦ថ្ងៃ នគរបាលនៅតាមអធិការដ្ឋានខណ្ឌទាំង១៤ នៃស្នងការនគរបាលរាជធានីភ្នំពេញ បានឃាត់ម៉ូតូដែលកែច្នៃបំពង់ស៊ីម៉ាំង បង្កសំឡេងខ្លាំងៗបានសរុបចំនួន១២៦គ្រឿង និងនាំខ្លួនទាំងម្ចាស់មកណែនាំដោះដូរ បំពង់ស៊ីម៉ាំងកែច្នៃចេញ ព្រមទាំងអញ្ជើញអាណាព្យាបាលមកធានាយកទៅអប់រំ ។
តាមស្នងការដ្ឋាននគរបាលរាជធានីភ្នំពេញ បានឱ្យដឹងថា ដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ចាប់ពីថ្ងៃទី៣០ ខែឧសភា រហូតដល់ថ្ងៃទី០៤ ខែមិថុនា ឆ្នាំ២០២៥ កម្លាំងនៅតាមបណ្តាអធិការដ្ឋាននគរបាលខណ្ឌទាំង១៤ បានឃាត់ម៉ូតូប្រើប្រាស់បំពង់ស៊ីម៉ាំងប្រែន សរុបចំនួន១២៦គ្រឿង ក្នុងនោះឱ្យម្ចាស់យកបំពង់ស៊ីម៉ាំងដើម មកដោះដូរបានចំនួន៣៤គ្រឿង និងនៅរក្សាទុកចំនួន៩២គ្រឿង រង់ចាំម្ចាស់យកបំពង់ស៊ីម៉ាំងដើម មកដោះដូរបន្ត ។
គួរបញ្ជាក់ថា ប៉ុន្មានថ្ងៃនេះ បន្ទាប់ពីមានបទបញ្ជាយ៉ាងម៉ឺនម៉ាត់ ពីឯកឧត្តមឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញជាថ្មី នគរបាលតាមបណ្ដាលខណ្ឌទាំង១៤ខណ្ឌ នៅក្នុងរាជធានីភ្នំពេញ បានបើកយុទ្ធនាការល្បាតនៅក្នុងមូលដ្ឋាន ហើយឃាត់ខ្លួនក្រុមយុវជនដែលតែងតែជិះម៉ូតូធំតូចបំពាក់ បំពង់ស៊ីម៉ាំងកែច្នៃខុសលក្ខណៈបច្ចេកទេស បង្កសំឡេងខ្លាំងៗរំខានដល់ការរស់នៅ និងធ្វើដំណើររបស់ប្រជាពលរដ្ឋ៕
ចែករំលែកព័តមាននេះ