សង្គ្រាមអ៉ីរ៉ង់ ៖ តាំងពីចាប់ផ្ដើមការវាយប្រហាររបស់អាមេរិក និងអ៉ីស្រាអែលលើអ៉ីរ៉ង់មក ចិនបានសង្កៀតធ្មេញ ហើយអំពាវនាវជាច្រើនលើកឲ្យបញ្ចប់ប្រតិបត្តិការយោធានោះ ដែលធ្វើឲ្យស្ទះដល់សេដ្ឋកិច្ចពិភពលោក តែចិនមិនធ្វើអន្តរាគមន៍ឡើយ ។ ចិនមានការព្រួយបារម្ភខ្លាំងដែលសង្គ្រាមនោះបង្កបណ្ដាផលវិបាក…
សង្គ្រាមអ៉ីរ៉ង់ ៖ តាំងពីចាប់ផ្ដើមការវាយប្រហាររបស់អាមេរិក និងអ៉ីស្រាអែលលើអ៉ីរ៉ង់មក ចិនបានសង្កៀតធ្មេញ ហើយអំពាវនាវជាច្រើនលើកឲ្យបញ្ចប់ប្រតិបត្តិការយោធានោះ ដែលធ្វើឲ្យស្ទះដល់សេដ្ឋកិច្ចពិភពលោក តែចិនមិនធ្វើអន្តរាគមន៍ឡើយ ។
ចិនមានការព្រួយបារម្ភខ្លាំងដែលសង្គ្រាមនោះបង្កបណ្ដាផលវិបាក លើផលប្រយោជន៍របស់ខ្លួនពិសេសបំផុតគឺថាមពល ។ សង្គ្រាមនោះ មានផលប៉ះពាល់មហាសាលសម្រាប់ចិនព្រោះតែអ៉ីរ៉ង់ជាអ្នកផ្គត់ប្រេងធំបំផុតមួយដល់ចិន។ ក្នុងឆ្នាំ២០២៣ចិនបានទិញប្រេងជិត៩០%នៃនៃការនាំចេញប្រេងរបស់អ៉ីរ៉ង់។ សរុបមកជាង១០%នៃការនាំចូលប្រេងរបស់ចិនគឹមកពីអ៉ីរ៉ង់។ ម្យ៉ាងទៀត ជិតពាក់កណ្ដាលនៃការនាំចូលប្រេងឆៅរបស់ចិនត្រូវដឹកឆ្លងកាត់ច្រកសមុទ្រ ORMUZ ។
ច្រកសមុទ្រ ORMUZ ដែលមុនសង្គ្រាមត្រូវបានបណ្ដាអ្នកទទួលខុសត្រូវអ៉ីរ៉ង់គំរាមរាំងខ្ទប់ ជាច្រកឆ្លងកាត់គន្លឹះនៃបណ្ដានាវាដឹកប្រេងផ្គត់ផ្គង់ដល់ពិភពលោក ។ ជាង៨០%នៃប្រេងនិងឧស្ម័នដឹកឆ្លងកាត់ច្រកសមុទ្រនោះ ផ្គត់ផ្គង់ទីផ្សារអាស៊ី ។ មានតែប្រទេសអារ៉ាប៊ីសាអូឌីត និងអេមីរ៉ាត់អារ៉ាប់រួមទេ ដែលមានបណ្ដាញបំពង់បង្ហូរប្រេង ដែលអាចបញ្ជូនប្រេងដល់២,៦លានធុងក្នុងមួយថ្ងៃ មិនបាច់ដឹកកាត់ច្រកសមុទ្រនេះ ។ ពេលនេះ កងឆ្មាំបដិវត្តន៍អ៉ីរ៉ង់ប្រកាសពីការត្រួតត្រាទាំងស្រុងលើច្រកសមុទ្រនោះ ។ ក្នុងសេចក្ដីប្រកាសមួយចេញផ្សាយនាថ្ងៃទី៤ មីនា កងឆ្មាំបដិវត្តអះអាងថា កងកម្លាំងរបស់ខ្លួនបានត្រួតត្រាទាំងស្រុងច្រកសមុទ្រ ORMUZ ។ ច្រកសមុទ្រនេះ ត្រួតត្រាពេញលេញដោយកងនាវារបស់កងឆ្មាំបដិវត្តន៍ ។
ប្រធានាធិបតិអាមេរិក លោកដូណាល់ត្រាំថ្លែង កាលពីថៃ្ងទី៣ មីនា ថា កងម៉ារីនអាមេរិក អាចជួយអមការពារបណ្ដានាវាដឹកប្រេង ប្រសិនបើចាំបាច់ឆ្លងកាត់ច្រកសមុទ្រនោះ ។ មកដល់ថ្ងៃទី៥ នៃ
សង្ក្រាមអ៉ីស្រាអែលបានវាយប្រហារថ្មីទៀតលើអ៉ីរ៉ង់ និងលីបង់។ ការវាយប្រហារថ្មីរបស់អ៉ីស្រា
អែលបណ្ដាលឲ្យមនុស្សយ៉ាងតិច៦នាក់ស្លាប់ ក្នុងបណ្ដាទីក្រុងនាភាគខាងត្បូងក្រុងបេរូត៕ ប្រភព៖ France 24
ចែករំលែកព័តមាននេះ