ខេត្តកណ្តាល ៖ ជនសង្ស័យ២នាក់ ជិះម៉ូតូឌុបគ្នា ចូលលួចផ្ទាំងសូឡាតាមផ្ទះប្រជាពលរដ្ឋ បានមួយហើយ តែមិនអស់ចិត្ត ជិះលួចបន្ត តែត្រូវអស់លក្ខណ៍ មកជួបកម្លាំងសមត្ថកិច្ចកំពុងល្បាតតាមផ្លូវ…
ខេត្តកណ្តាល ៖ ជនសង្ស័យ២នាក់ ជិះម៉ូតូឌុបគ្នា ចូលលួចផ្ទាំងសូឡាតាមផ្ទះប្រជាពលរដ្ឋ បានមួយហើយ តែមិនអស់ចិត្ត ជិះលួចបន្ត តែត្រូវអស់លក្ខណ៍ មកជួបកម្លាំងសមត្ថកិច្ចកំពុងល្បាតតាមផ្លូវ ធ្វើការចាប់ឃាត់ខ្លួន ។
ប្រតិបត្តិការឃាត់ខ្លួននេះដែល ធ្វើឡើងកាលពីវេលាម៉ោងម៉ោង០៣និង០០នាទីរំលងអធ្រាត្រឈានចូលថ្ងៃទី០៤ ខែមិថុនា ឆ្នាំ២០២៥ ស្ថិតនៅចំណុចផ្លូវបេតុង ភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល ។
លោកវរសេនីយ៍ឯក យី វណ្ណដា អធិការរដ្ឋាននគរបាលក្រុងតាខ្មៅបានឲ្យដឹងថា ជនសង្ស័យ០២នាក់ ៖
១-ឈ្មោះ ឡាយ រាជ ភេទប្រុស អាយុ១៦ឆ្នាំ មុខរបរមិនពិតប្រាកដ មានទីលំនៅភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល ។
ធ្លាប់ជាប់ពន្ធនាគារខេត្តកណ្តាលរយៈពេល១ឆ្នាំករណីលួចម៉ូតូ។
២-ឈ្មោះវិន យឿងកាន់ ភេទប្រុស អាយុ១៧ឆ្នាំ មុខរបរ មិនពិតប្រាកដ ទីលំនៅភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល ។
វត្ថុតាងចាប់យក ៖
១-ម៉ូតូមួយគ្រឿងម៉ាកHonda c125សេរី២០១៤ ពណ៌ខ្មៅ ស្លាកលេខកណ្តាល1S-6007 ជារបស់ជនសង្ស័យ ។
២-ផ្ទាំងសូឡាមួយផ្ទាំង ។
៣-សោរខ្សៀចំនួនមួយ ។
លោកបានបន្តឲ្យដឹងថា មុនពេលកើតហេតុកម្លាំងរបស់អធិការដ្ឋាននគរបាលក្រុងតាខ្មៅ សហការជាមួយកម្លាំងនគរបាលប៉ុស្តិ៍ បានធ្វើការចេញល្បាតក្នុងភូមិសាស្ត្រងាយរងគ្រោះ ស្រាប់តែមកដល់ចំណុចកើតហេតុខាងលើ ប្រទះឃើញជនសង្ស័យចំនួន០២នាក់ កំពុងជិះម៉ូតូឌុបគ្នា ដោយមានផ្ទាំងសូទ្បាជាប់ នឹងខ្លួនចំនួន០១ផ្ទាំង ក៏មានការសង្ស័យកម្លាំងរបស់យើង ធ្វើការឃាត់សួរនាំទើបបែកធ្លាយថា ជនសង្ស័យទាំង០២នាក់ ទើបតែលួចពីផ្ទះប្រជាពលរដ្ឋបាន បំរុងជិះទៅលួចរួចបន្ត ស្រាប់តែមកជួបសមត្ថកិច្ចតែម្តង ភ្លាមៗសមត្ថកិច្ចបានបញ្ជូនខ្លួនមកធ្វើសាកសួរនាំ ។
ក្រោយពេលសមត្ថកិច្ចសាកសួររួចជនសង្ស័យទាំង០២នាក់បានឆ្លើយថា ពួកគាត់ពិតជាបាននាំគ្នាធ្វើសកម្មភាពលួចផ្ទាំងសូឡរបស់ប្រជាពលរដ្ឋប្រាកដមែន ។
បច្ចុប្បន្នជនសង្ស័យរួមជាមួយវត្ថុតាង ត្រូវបានសមត្ថកិច្ចជំនាញនៃអធិការរដ្ឋាននគរបាលក្រុងតាខ្មៅ កំពុងកសាងសំណុំបញ្ចូនខ្លួនទៅកាន់តុលាការចាត់ការតាមនីតិវិធីផ្លូវច្បាប់ ៕
ចែករំលែកព័តមាននេះ