ADផ្ទាំងផ្សព្វផ្សាយពាណិជ្ជកម្ម

Picture

អឺរ៉ុប​ផ្ទុះ​ប្រតិ​កម្ម​បន្ទាប់​ពី​ត្រាំ​ដំឡើ​ង​ពន្ធ​ដែក និង​អាលុយ​មីញ៉ូម​៥០%

1 ថ្ងៃ មុន

ទី​ក្រុង​ប្រ៊ុច​សែល​៖ ​សហ​ភាព​អឺរ៉ុប​​សោក​ស្ដាយ​យ៉ាង​ខ្លាំង​បន្ទាប់​ពី​លេច​ឮ​ដំណឹង​ថា​លោក​ត្រាំ​សម្រេច​ដំឡើង​ពន្ធ​ដែក​ និង​អា​លុយ​មីញ៉ូម​រហូត​ដល់​៥០%​ មាន​ន័យ​ថា​កើន​ឡើង​ទ្វេ​១​ជា​​២​​បន្ថែម​ពី​លើ​ពន្ធ​២៥%​ដែល​បាន​​ដំឡើង​មួយ​សា​ហើយ​។ បេសក​ជន​ពិសេស​របស់​សហ​ភាព​អឺរ៉ុប​ទទួល​បន្ទុក​កិច្ច​ការ​ពាណិជ្ជ​កម្ម​ លោក​ម៉ារ៉ូស ស៊ីហ្វ​កូវីក (Maros Sefcovic) ថ្លែង​ប្រាប់​អ្នក​សារ​ព័ត៌​មាន​ថា​លោក​បាន​ជួប​ពិភាក្សា​ការ​ងារ​គ្នា​រួច​ហើយ​ជា​មួយ​អ្នក​តំណាង​របស់​អាមេរិកពាក់​ពន្ធ​នឹង​បញ្ហា​នេះ​។​…

ទី​ក្រុង​ប្រ៊ុច​សែល​៖ ​សហ​ភាព​អឺរ៉ុប​​សោក​ស្ដាយ​យ៉ាង​ខ្លាំង​បន្ទាប់​ពី​លេច​ឮ​ដំណឹង​ថា​លោក​ត្រាំ​សម្រេច​ដំឡើង​ពន្ធ​ដែក​ និង​អា​លុយ​មីញ៉ូម​រហូត​ដល់​៥០%​ មាន​ន័យ​ថា​កើន​ឡើង​ទ្វេ​១​ជា​​២​​បន្ថែម​ពី​លើ​ពន្ធ​២៥%​ដែល​បាន​​ដំឡើង​មួយ​សា​ហើយ​។ បេសក​ជន​ពិសេស​របស់​សហ​ភាព​អឺរ៉ុប​ទទួល​បន្ទុក​កិច្ច​ការ​ពាណិជ្ជ​កម្ម​ លោក​ម៉ារ៉ូស ស៊ីហ្វ​កូវីក (Maros Sefcovic) ថ្លែង​ប្រាប់​អ្នក​សារ​ព័ត៌​មាន​ថា​លោក​បាន​ជួប​ពិភាក្សា​ការ​ងារ​គ្នា​រួច​ហើយ​ជា​មួយ​អ្នក​តំណាង​របស់​អាមេរិកពាក់​ពន្ធ​នឹង​បញ្ហា​នេះ​។​

លោក​បាន​ប្រាប់​ភាគី​អាមេរិក​ថា​សហ​ភាព​អឺរ៉ុប​សោក​ស្ដាយ​ចំពោះ​វិធាន​ការ​ដំឡើង​ពន្ធ​នេះ។ ​​មើល​ទៅ, ​ការ​ចរ​ចា​គ្នា​ដើម្បី​ដោះ​ស្រាយ​ជម្លោះ​ពាណិជ្ជ​កម្ម​ទាំង​វគ្គ​មុន និង​វគ្គ​ក្រោយ​នេះ​កាន់​តែ​ស្មុគ​ស្មាញ​ខ្លាំង​ឡើង​ៗ​ជា​មិន​ខាន​ទេ​។ លោក​ស៊ីហ្វ​កូ​វីក​ថ្លែង​ថា​មិន​មែន​តែ​អាមេរិក​ទេ​ដែល​នាំ​ចូល​ដែក​ច្រើន​លើស​ពី​តម្រូវ​ការ​នោះ សូម្បី​តែ​សហ​ភាព​អឺរ៉ុប​ក៏​ជួប​នឹង​បញ្ហា​នេះ​ដូច​គ្នា​។​

ទោះ​បី​ដំឡើង​ពន្ធ​ខ្ពស់​ដល់​ថ្នាក់​នេះ​ក៏​ដោយ​ ក៏​លោក​នៅ​តែ​មាន​ជំនឿ​ថា​អ្វី​ៗ​នៅ​អាច​និយាយ​គ្នា​បាន​ដើម្បី​ដោះ​ស្រាយ​បញ្ហា​។ ប៉ុន្តែ​លោក​ថា​សហ​ភាព​អឺរ៉ុប​ក៏​ត្រូវ​តែ​ចាត់​វិធាន​ការ​ការ​ពារ​ផល​ប្រយោជន៍​របស់​ខ្លួន​ផង​ដែរ។ ចង់​មាន​ន័យ​ថា​មិន​អាច​ឱន​លំទោន​ ឬ​ចរ​ចា​ឆិន​ឆៃ​ឱ្យ​តែ​បាន​ៗ រួច​ហើយ​ចាញ់​ប្រៀប​គេ​​នោះ​ទេ​។ សូម​រំលឹក​ឡើង​វិញ​ថា​កាល​ពី​យប់​មិញ លោក​ត្រាំ​បាន​ចុះ​ហត្ថ​លេខា​រួច​ហើយ​លើ​បទ​បញ្ជា​នីតិ​ប្រតិបត្តិ​ដើម្បី​ដំឡើង​ពន្ធ​ដែក​ និង​អាលុយ​មីញ៉ូម​៥០%​អនុវត្ត​ចាប់​ពី​ថ្ងៃ​នេះ​ត​ទៅ​។​

អត្រា​ពន្ធ​នេះ​ត្រូវ​អនុវត្ត​ទៅ​លើ​គ្រប់​ដៃ​គូ​ពាណិជ្ជ​កម្ម​ទាំង​អស់​ដែល​នាំ​ផលិត​ផល​ប្រភេទ​នេះ​ចូល​ទឹក​ដី​អាមេរិក​ លើក​លែង​តែ​អង់គ្លេស​មួយ​គត់​ដែល​ទទួល​បាន​ការ​អនុ​គ្រោះ​​ពន្ធ​។ មូល​ហេតុ​ដោយ​សារ​អង់​គ្លេស​ប្រញាប់​ចរ​ចា​គ្នា​រហូត​ដល់​មាន​កិច្ច​ព្រម​ព្រៀង​ពាណិជ្ជ​កម្ម​មុន​គេ​នៅ​លើ​ពិភព​លោក​។ ប្រទេស​ដទៃ​ទៀត​មិន​អាច​រួច​ខ្លួន​បាន​ទេ​។ សេត​វិមាន​ទើប​តែ​និយាយ​ថ្មី​ៗ​ថា​ខ្លួន​បាន​ផ្ញើ​លិខិត​រំលឹក​ទៅ​គ្រប់​ប្រទេស​ទាំង​អស់​ដែល​កំពុង​ព្យួរ​ទុក​ពន្ធ​រយៈ​ពេល​៩០​ថ្ងៃ​។ បើ​ដល់​ថ្ងៃ​ឱសាន​វាទ​នៅ​តែ​គ្មាន​កិច្ច​ព្រម​ព្រៀង​ទៀត​ ពេល​នោះ​អាមេរិក​នឹង​ចាប់​ផ្ដើម​អនុវត្ត​​ពន្ធ​មែន​ទែន​ហើយ​។

ថ្វី​ដ្បិត​អង់គ្លេស​បាន​ចុះ​កិច្ច​ព្រម​ព្រៀង​ជា​មួយ​អា​មេរិក​ហើយ​ក្ដី​ ប៉ុន្តែ​​អត្រា​ពន្ធ​ដែក​ និង​អាលុយ​មីញ៉ូម​នៅ​រក្សា​​ទុក​២៥%​ជា​បណ្ដោះ​អាសន្ន​រហូត​ដល់​ផុត​រយៈ​ពេល​ព្យួរ​ទុក​៩០​ថ្ងៃ​។ ពោល​គឺ​រហូត​ដល់​ថ្ងៃ​ទី​៩ ខែ​កក្កដា​ ទើប​យក​ពន្ធ​ដូចចែង​នៅ​ក្នុង​កិច្ច​ព្រម​ព្រៀង​។  លោក​ស៊ីហ្វ​កូវីក​​ឆ្លៀត​​ផ្ដល់​បទ​សម្ភាស​នៅ​ពេល​លោក​ចូល​រួម​កិច្ច​ប្រជុំ​​ «អង្គ​ការ​សហ​ប្រតិ​បត្តិ​ការ​សេដ្ឋ​កិច្ច និង​អភិ​វឌ្ឍ​ន៍​​» ហៅ​កាត់​ថា​អូ​អ៊ី​ស៊ី​ឌី (OECD)​៕​

អត្ថបទសរសេរ ដោយ

កែសម្រួលដោយ