ខេត្តព្រៃវែង ៖ នៅទីបំផុត ជនដៃដល់ ដែលបានបាញ់ប្រហារ លើគូស្នេហ៍ជាមនុស្សប្រុសដូចគ្នា បណ្ដាលឱ្យរបួសធ្ងន់នៅស្រុកស្វាយអន្ទរ បានស្លា.ប់ហើយ បន្ទាប់ពីរត់គេចខ្លួនទៅដល់ប្រទេសថៃ ហើយក៏ចងកសម្លា.ប់ខ្លួននៅទីនោះ…
ខេត្តព្រៃវែង ៖ នៅទីបំផុត ជនដៃដល់ ដែលបានបាញ់ប្រហារ លើគូស្នេហ៍ជាមនុស្សប្រុសដូចគ្នា បណ្ដាលឱ្យរបួសធ្ងន់នៅស្រុកស្វាយអន្ទរ បានស្លា.ប់ហើយ បន្ទាប់ពីរត់គេចខ្លួនទៅដល់ប្រទេសថៃ ហើយក៏ចងកសម្លា.ប់ខ្លួននៅទីនោះ ។
គួររំលឹកថា ករណីបាញ់ប្រហារនេះ បានកើតឡើងនៅវេលាម៉ោង២៣ និង៣៤នាទីយប់ ថ្ងៃទី១ ខែមិថុនា ឆ្នាំ២០២៥ នៅលើផ្ទះជនរងគ្រោះ ដែលស្ថិតនៅក្នុងភូមិព្រៃភ្លាំង ឃុំដំរីពួន ស្រុកស្វាយអន្ទរ ខេត្តព្រៃវែង ។
ជនរងគ្រោះឈ្មោះ ហួរ ឡុង ភេទប្រុស អាយុ៣៩ឆ្នាំ មានទីលំនៅក្នុងភូមិឃុំកើតហេតុខាងលើ រីឯជនបង្ក ដែលជាគូស្នេហ៍ឈ្មោះ ឃុន ហ៊ុយ ភេទប្រុស អាយុ៣៩ឆ្នាំ មានទីលំនៅក្នុងស្រុកមោងឬស្សី ខេត្តបាត់ដំបង(ស្លា.ប់) ។
ក្រោយកើតហេតុ សមត្ថកិច្ចបានតាមស្វែងរកចាប់ខ្លួនជនបង្ក រហូតដល់ថ្ងៃទី៤ មិថុនានេះ ស្រាប់តែទទួលបានដំណឹងពីតម្រួតថៃ មកថា ជនបង្កឈ្មោះ ឃុន ហ៊ុយ បានចងក.សម្លាប់ខ្លួននៅប្រទេសថៃ នៅរសៀលថ្ងៃទី៤ មិថុនានេះ បាត់ទៅហើយ (សុំមិនបង្ហាញរូបភាពស.ព) ។
នគរបាលស្រុកស្វាយអន្ទរ បានឲ្យដឹងថា ដើមចមដំបូង ជនរងគ្រោះឈ្មោះ ហួរ ឡុង ធ្លាប់មានប្រពន្ធ នៅស្រុកកំណើតរួចហើយ ប៉ុន្តែបានឈ្លោះបាក់បែកគ្នា ហើយរូបគេ ក៏ចេញទៅរកស៊ី នៅក្រុងប៉ោយប៉ែត ដោយបានជួប និងស្រឡាញ់គ្នា ជាមួយជនបង្កឈ្មោះ ឃុន ហ៊ុយ ហើយបានរកស៊ី និងរួមរស់ជាមួយគ្នានៅទីនោះ ។
នៅថ្ងៃទី២៨ ខែឧសភា ឆ្នាំ២០២៥ គូស្នេហ៍ប្រុស និងប្រុសមួយគូនេះ បានឈ្លោះប្រកែកគ្នា ហើយជនរងគ្រោះ ហួរ ឡុង បានត្រឡប់មកផ្ទះ នៅស្រុកស្វាយអន្ទរ ហើយបានត្រូវគ្នាជាមួយប្រពន្ធវិញ ចំណែកជនបង្កឈ្មោះ ឃុន ហ៊ុយ ដែលជាគូស្នេហ៍ បានព្យាយាមទាក់ទងហៅជនរងគ្រោះ ឲ្យត្រឡប់ទៅវិញ ជាច្រើនដង តែជនរងគ្រោះមិនព្រមទៅ ទើបនៅយប់ថ្ងៃទី១ មិថុនា ជនបង្កបានបើករថយន្ត តាមមកដល់ផ្ទះ និងបា.ញ់សំដៅទៅលើជនរងគ្រោះ ដែលកំពុងដេកលើផ្ទះ ត្រូវ១គ្រាប់ ចំថ្ពាល់ខាងស្ដាំ ធ្លុះទៅគុម្ពត្រចៀក រងរបួសធ្ងន់ រួចជនបង្កបានរត់គេចខ្លួនបាត់ ។
ក្រោយកើតហេតុភ្លាមៗ ជនរងគ្រោះ ត្រូវបានក្រុមគ្រួសារ នាំយកទៅសង្គ្រោះនៅឯរាជធានីភ្នំពេញភ្លាមៗ និងបានដាក់ពាក្យប្ដឹងទៅសមត្ថកិច្ច ឲ្យតាមចាប់ខ្លួនជនបង្ក លុះឥឡូវជនបង្កបានចង.កសម្លា.ប់ខ្លួនបាត់ទៅហើយ ៕
ចែករំលែកព័តមាននេះ