ខេត្តព្រះសីហនុ ៖ ក្មេងស្រីអាយុទើបតែ៨ឆ្នាំចំនួន០២នាក់ត្រូវជាជីដូនមួយនឹងគ្នាបានលង់ទឹកស្លាប់ក្នុងស្រះទឹករណ្តៅដី មួយកន្លែង ខណៈពេលក្មេងស្រីទាំង២តាមឪពុកទៅកាប់អុសក្បែរកន្លែងកើតហេតុ។ ហេតុការណ៍នេះបានកើតឡើង នៅថ្ងៃទី០៣.មិថុនា.២០២៥ វេលាម៉ោង០៣និង០០នាទី រសៀលនៅចំណុចស្រះទឹករណ្ដៅដីមួយកន្លែង ស្ថិតនៅភូមិចុងអូរ…
ខេត្តព្រះសីហនុ ៖ ក្មេងស្រីអាយុទើបតែ៨ឆ្នាំចំនួន០២នាក់ត្រូវជាជីដូនមួយនឹងគ្នាបានលង់ទឹកស្លាប់ក្នុងស្រះទឹករណ្តៅដី មួយកន្លែង ខណៈពេលក្មេងស្រីទាំង២តាមឪពុកទៅកាប់អុសក្បែរកន្លែងកើតហេតុ។
ហេតុការណ៍នេះបានកើតឡើង នៅថ្ងៃទី០៣.មិថុនា.២០២៥ វេលាម៉ោង០៣និង០០នាទី រសៀល
នៅចំណុចស្រះទឹករណ្ដៅដីមួយកន្លែង ស្ថិតនៅភូមិចុងអូរ ឃុំសំរុង ស្រុកព្រៃនប់ ខេត្តព្រះសីហនុ ។
តាមសមត្តិកិច្ចបានឲដឹងថា ក្នេងស្រីរងគ្រោះ ក្នុងនោះម្នាក់ឈ្មោះ នួន សុធារ៉ា ភេទ ស្រី អាយុ៨ឆ្នាំមុខរបរសិស្ស ជនជាតិ ខ្មែរ មានទីលំនៅ ភូមិចុងអូរ ឃុំសំរុង ស្រុកព្រៃនប់ ខេត្តព្រះសីហនុ
និងម្នាក់ទៀតឈ្មោះ លី សៀវម៉ី ភេទ ស្រី អាយុ៨ឆ្នាំមុខរបរសិស្ស មានទីលំនៅភូមិ ឃុំជាមួយគ្នា។
តាមការបំភ្លឺរបស់ឈ្មោះ នួន ធី ភេទប្រុស អាយុ៣៣ឆ្នាំ មុខរបរ កសិករ ត្រូវជាឪពុកបង្កើតជនរងគ្រោះឈ្មោះ(នួន សុធារ៉ា)និងត្រូវជាពូបង្កើតជនរងគ្រោះឈ្មោះ (លី សៀវមុី)បានអោយសមត្តិកិច្ចដឹងថា មុនពេល កើតហេតុ ខ្លួនបានចេញពីផ្ទះដើម្បីទៅកាប់អុស នៅចំណុចកើតហេតុខាងលើ ដោយជិះម៉ូតូទៅ ហើយជនរងគ្រោះទាំង០២នាក់បានសុំទៅតាមខ្លួន ពេលទៅដល់កន្លែងកាប់អុស គាត់បានឈប់ម៉ូតូទុកក្បែរកន្លែងកើតហេតុ រួចចូលក្នុងព្រៃដើម្បីកាប់អុស ដោយអោយកូន និងក្មួយនៅចាំកន្លែងទុកម៉ូតូ (ឃ្លាតពីកន្លែងរកអុសទៅកន្លែងទុកម៉ូតូប្រហែលប្រវែងទៅ៤០ម៉ែត្រពី) ពេលកាប់រួចខ្លួនបានលីអុសនោះមកកន្លែងទុកម៉ូតូវិញ ពេលមកដល់ស្រាប់តែមិនឃើញកូននិងក្មួយ គាត់បានស្រែកហៅ និងដើររកជុំវិញកន្លែងទុកម៉ូតតែរកពុំឃើញ គាត់ក៏ទៅរកនៅស្រះរណ្តៅដីក្បែរនោះ ពេលទៅដល់ឃើញទឹកល្អក់ៗ គាត់សង្ស័យ ក៏ចុះទឹកហែលច្រមុចរកក៏ឃើញកូននិងក្មួយក្នុងស្រះនោះខ្លួនក៏ស្រង់យកមកលើគោកប៉ុន្តែកូននិងក្មួយបានស្លាប់បាត់ទៅហើយ គាត់ក៏ទូរស័ព្ទទៅប្រពន្ឋនិងបងប្អូនអោយមកជួយតែម្តង។
សមត្តិកិច្ចបានបន្តថា ឆ្លងតាមការត្រួតពិនិត្យទីកន្លែងកើតហេតុរបស់សមត្តិកិច្ច ,សាកសួរបំភ្លឺនិងពិនិត្យលើសាកសព សន្ឋិដ្ឋានបានថា ជនរងគ្រោះទាំង០២នាក់ ស្លាប់ដោយសារ ករណី(លង់ទឹក)។
បច្ចុប្បន្នសពបានប្រគល់ជូនសាច់ញាតិយកទៅធ្វើបុណ្យតាមប្រពៃណី៕
ចែករំលែកព័តមាននេះ