រាជធានីភ្នំពេញ ៖ សម្ដេចអគ្គមហាសេនាបតីតេជោ ហ៊ុន សែន ប្រធានសមាជរដ្ឋសភា និងព្រឹទ្ធសភាលើកទី១ បានមានប្រសាសន៍ថា នៅមុនការផ្ទុះនៃជំងឺកូវីដ-១៩ សម្ដេចបានឱ្យពង្រឹងបន្ថែមលើការសន្សំថវិកាជាតិ…
រាជធានីភ្នំពេញ ៖ សម្ដេចអគ្គមហាសេនាបតីតេជោ ហ៊ុន សែន ប្រធានសមាជរដ្ឋសភា និងព្រឹទ្ធសភាលើកទី១ បានមានប្រសាសន៍ថា នៅមុនការផ្ទុះនៃជំងឺកូវីដ-១៩ សម្ដេចបានឱ្យពង្រឹងបន្ថែមលើការសន្សំថវិកាជាតិ ដែលការសន្សំនៅពេលនោះ បានកើនដល់ជាង២១% នៃផលិតផលក្នុងស្រុកសរុប (GDP) ដោយមានថវិកាជាតិ នៅសល់រហូតដល់ជិតបួនពាន់លានដុល្លារ ។
ថ្លែងក្នុងកិច្ចប្រជុំសមាជរដ្ឋសភា និងព្រឹទ្ធសភា នៅថ្ងៃទី២ ខែមិថុនា ឆ្នាំ២០២៥ សម្ដេចតេជោ បានបន្ថែមថា តាមការគ្រោងទុកពេលថវិកាសន្សំរបស់ជាតិ កើនជិត៥ពាន់លានដុល្លារ រាជរដ្ឋាភិបាល នឹងដាក់ឱ្យដំណើរការការកសាងប្រព័ន្ធហេដ្ឋារចនាសម្ពន្ធ ផ្លូវ ស្ពាន ឱ្យបានច្រើន
នៅគ្រប់ទីកន្លែង ដោយមិនចាំបាច់ ពឹងលើថវិកាបរទេសនោះឡើយ ។ ប៉ុន្តែជាអកុសលវិបត្តិកូវីដ ក៏ផ្ទុះឡើង ដែលបណ្ដាលឱ្យថវិកាសន្សំរបស់ជាតិបានថយចុះ មួយកម្រិត ។
សម្ដេចតេជោ ក៏បានកោតសរសើរចំពោះការដឹកនាំរបស់រាជរដ្ឋាភិបាលបច្ចុប្បន្ន ដែលបានធ្វើឱ្យចំនួនថវិកាជាតិ ដែលបានសន្សំទុក មានការកើនឡើងច្រើនគួរឱ្យកត់សម្គាល់ ទោះបីមានការដំឡើងប្រាក់ខែមន្ត្រីរាជការ និងកងកម្លាំងប្រដាប់អាវុធគ្រប់ប្រភេទ ក៏ដោយ ។
សម្ដេចតេជោ បញ្ជាក់បន្ថែមទៀតថា ថវិកាសន្សំរបស់ជាតិបច្ចុប្បន្ន គឺមានចំនួនច្រើនជាងពេល ដែលសម្ដេចចាកចេញពីតំណែងជានាយករដ្ឋមន្ត្រីទៅទៀត ៕
ចែករំលែកព័តមាននេះ