រាជធានីភ្នំពេញ ៖ រដ្ឋបាលខណ្ឌច្បារអំពៅ បន្តចុះរៀបសណ្តាប់ធ្នាប់សាធារណៈ លើបណ្តោយផ្លូវ៣៦៩ ដោយមិនបណ្តែតបណ្តោយអោយអាជីវករ និងអ្នករត់កង់បី ចតលើផ្លូវ ដែលធ្វើអោយមានកកស្ទះចរាចរណ៍ដល់អ្នកដំណើរ ។…
រាជធានីភ្នំពេញ ៖ រដ្ឋបាលខណ្ឌច្បារអំពៅ បន្តចុះរៀបសណ្តាប់ធ្នាប់សាធារណៈ លើបណ្តោយផ្លូវ៣៦៩ ដោយមិនបណ្តែតបណ្តោយអោយអាជីវករ និងអ្នករត់កង់បី ចតលើផ្លូវ ដែលធ្វើអោយមានកកស្ទះចរាចរណ៍ដល់អ្នកដំណើរ ។
នៅព្រឹកថ្ងៃទី០៥ ខែមិថុនា ឆ្នាំ២០២៥ រដ្ឋបាលខណ្ឌច្បារអំពៅ សហការជាមួយកម្លាំងនគរបាលប៉ុស្តិ៍ និងគណកម្មការផ្សារចុះរៀបបណ្តោយផ្លូវ៣៦៩ ក្នុងសង្កាត់ច្បារអំពៅទី០២ រាជធានីភ្នំពេញ ទៅដល់អាជីវករ និងអ្នករត់កង់បីចតដាក់លើផ្លូវប៉ះពាល់សណ្តាប់សាធារណៈ។
លោក ចេង មុន្នីរ៉ា អភិបាលខណ្ឌច្បារអំពៅ បានអោយដឹងថា លោកតែងតែជំរុញអោយជំនាញ ចុះទៅរៀបចំសណ្ដាប់ធ្នាប់សាធារណៈអោយបានញឹកញាប់ មិនត្រូវបណ្ដែតបណ្ដោយ អោយអាជីវករលក់ដូរនៅលើចិញ្ចើមផ្លូវ និងការចត រួមជាមួយដាក់សំយ៉ាបដែលសង់ចេញមកក្រៅត្រូវអប់រំណែនាំ ក្នុងលក្ខខណ្ឌមិនស្ដាប់កម្លាំងជំនាញនឹងចាត់វិធានការតាមច្បាប់ ដោយធ្វើការដកហូត បើខូចខាត គឺមិនទទួលខុសត្រូវឡើយ ។
លោកអភិបាលបន្តថា ការចុះនេះដែរ គឺមានលោក ឆន មុន្នី បានចុះដឹកនាំសហការជាមួយប៉ុស្តិ៍នគរបាលរដ្ឋបាល និងគណ:កម្មាធិការផ្សារ ដើម្បីបន្តនិងពន្លឿនបន្ថែមការរៀបចំសណ្ដាប់ធ្នាប់ផ្លូវសាធារណ:តាមផ្លូវ៣៦៩ ស្ថិតនៅសង្កាត់ច្បារអំពៅទី២ ដើម្បីកាត់បន្ថយការកកស្ទះចរាចរណ៍ សម្រួលដល់អ្នកដំណើរឆ្លងកាត់ និងពលរដ្ឋចូលផ្សារ ។
ជាចុងក្រោយ លោកអភិបាលខណ្ឌច្បារអំពៅ បានសំណូមពរដល់អាជីវករដែលលក់ដូរ ដាក់សំយ៉ាប រួមនឹងអ្នករត់កង់បីឥណ្ឌា ដែលចតលើផ្លូវ ត្រូវចូលរួមសហការជាមួយអាជ្ញាធរ ដើម្បីរក្សាបរិស្ថានសណ្តាប់ធ្នាប់ កុំអោយមានកកស្ទះចរាចរណ៍ ព្រោះអាជ្ញាធរមិនចង់ប៉ះពាល់ដល់ការរកស៊ីបងប្អូនណាម្នាក់នោះឡើយ ៕
ចែករំលែកព័តមាននេះ