ខេត្តបន្ទាយមានជ័យ ៖ ជនសង្ស័យចំនួន៣នាក់ដែលធ្វើសកម្មភាពចូលលួចទូរស័ព្ទ១គ្រឿងរបស់សាច់ញាតិអ្នកជម្ងឺ ដែលមកកំដកូនមានជំងឺកំពុងសម្រាកព្យាបាលនៅមន្ទីពេទ្យ ត្រូវកម្លាំងនគរបាលឃាត់ខ្លួនចំនួន២នាក់ និងបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី០៥ ខែមិថុនា ឆ្នាំ២០២៥ ។ ដោយឡែកជនសង្ស័យម្នាក់ទៀត…
ខេត្តបន្ទាយមានជ័យ ៖ ជនសង្ស័យចំនួន៣នាក់ដែលធ្វើសកម្មភាពចូលលួចទូរស័ព្ទ១គ្រឿងរបស់សាច់ញាតិអ្នកជម្ងឺ ដែលមកកំដកូនមានជំងឺកំពុងសម្រាកព្យាបាលនៅមន្ទីពេទ្យ ត្រូវកម្លាំងនគរបាលឃាត់ខ្លួនចំនួន២នាក់ និងបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី០៥ ខែមិថុនា ឆ្នាំ២០២៥ ។ ដោយឡែកជនសង្ស័យម្នាក់ទៀត មិនទាន់គ្រប់អាយុ ត្រូវបានធ្វើកិច្ចសន្យា និងប្រគល់ឱ្យសាច់ញាតិយកទៅអប់រំបន្ត ។
លោកវរៈសេនីយ៍ទោ ឌី ទាវ អធិការនគរបាលស្រុកមង្គលបូរីបានឱ្យដឹងថា ជនសង្ស័យទាំង៣នាក់ខាងលើ រួមមាន១-ឈ្មោះ រ៉ី សុខគា ភេទប្រុស អាយុ១៥ឆ្នាំ ២-ឈ្មោះ ម៉េង ចំរើន ភេទប្រុស អាយុ១៥ឆ្នាំ និង៣-ឈ្មោះ ជឿន ឆាលី ភេទប្រុស អាយុ១៣ឆ្នាំ រស់នៅភូមិហ្លួង ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ ។
លោកបានបញ្ជាក់ថា ក្រោយទទួលបណ្តឹងឈ្មោះ អឿង លឿម ភេទស្រី អាយុ៥០ឆ្នាំ រស់នៅភូមិសឹង្ហ ឃុំសឹង្ហ ស្រុកអូរជ្រៅ បានប្តឹងថាមានជនសង្ស័យធ្វើសកម្មភាពចូលលួចទូរស័ទ្ធដៃ១គ្រឿង ពណ៌ខ្មៅដែលទិញតំលៃ៣២០ដុល្លារ នៅពេលដែលគាត់បានមកកំដកូនមានជម្ងឺកំពុងសម្រាកព្យាបាលនៅមន្ទីពេទ្យមិត្តភាពកម្ពុជា.ជប៉ុនមង្គលបូរីកាលពីយប់ថ្ងៃទី០២ ខែមិថុនា ឆ្នាំ២០២៤ ស្ថិតភូមិកោះកែវ ឃុំឫស្សីក្រោក ស្រុកមង្គលបូរី។
លោកវរៈសេនីយ៍ទោ ឌី ទាវ បានបញ្ជាក់ថា ក្រោយទទួលបណ្តឹងខាងលើរួចហើយ កម្លាំងអធិការដ្ឋាននគរបាលស្រុកមង្គលបូរី បានចុះស្រាវជ្រាវ និងពិនិត្យតាមកាម៉េរ៉ាសុវត្ថិភាពរបស់មន្ទីពេទ្យ ទើបកម្លាំងបានស្រាវជ្រាវនិងកំណត់មុខសញ្ញាឃាត់ខ្លួនជនសង្ស័យចំនួន៣នាក់ និងនាំយកទៅសាកសួរ ហើយជនសង្ស័យ២នាក់ត្រូវបានកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមច្បាប់ ដោយឡែកជនសង្ស័យម្នាក់ទៀតអាយុទើប១៣ឆ្នាំ មិនទាន់គ្រប់អាយុ ត្រូវបានធ្វើកិច្ចសន្យាណែនាំ និថប្រគល់ជូនសាច់ញាតិមកទទួលយកទៅអប់រំបន្ត ៕
ចែករំលែកព័តមាននេះ