រាជធានីភ្នំពេញ ៖ កម្លាំងខណ្ឌ៧មករា បានចុះត្រួតពិនិត្យ និងណែនាំដល់យានដ្ឋាន និងតាមតំបន់លេងម៉ូតូ ពាក់ព័ន្ធបញ្ហា កែច្នៃស៊ីម៉ាំងម៉ូតូ(ប្រែន) ដែលបង្កសំឡេងរំខានដល់ប្រជាពលរដ្ឋ ។…
រាជធានីភ្នំពេញ ៖ កម្លាំងខណ្ឌ៧មករា បានចុះត្រួតពិនិត្យ និងណែនាំដល់យានដ្ឋាន និងតាមតំបន់លេងម៉ូតូ ពាក់ព័ន្ធបញ្ហា កែច្នៃស៊ីម៉ាំងម៉ូតូ(ប្រែន) ដែលបង្កសំឡេងរំខានដល់ប្រជាពលរដ្ឋ ។
ការចុះណែនាំនេះដែរ បានធ្វើឡើងកាលពីថ្ងៃទី០៤ ខែមិថុនា ឆ្នាំ២០២៥ នៅតាមយានដ្ឋានចំនួន០៤ទីតាំង នៅក្រោយវត្តព្រះពុទ្ធ យាមបណ្តោយផ្លូវលេខ ៣៣៦ ក្នុងសង្កាត់វាលវង់ ខណ្ឌ៧មករា រាជធានីភ្នំពេញ ។
លោកវរសេនីយ៍ទោ ជុន ប៊ុនណាន អធិការនគរបាលខណ្ឌ៧មករា បានអោយដឹងថា ដោយអនុវត្តន៍តាមបទបញ្ជាឧត្តមសេនីយ៍ឯក ជួន ណារិន្ទ ស្នងការរាជធានីភ្នំពេញ បានអោយកម្លាំងចុះដល់ទីតាំងបងប្អូនអាជីវករ ប្រកបមុខរបរជួសជុល និងលក់ដូរស៊ីម៉ាំងគ្រប់ប្រភេទ ឲ្យពួកគាត់បញ្ឈប់សកម្មភាព ការកែច្នៃស៊ីម៉ាំងខុសលក្ខណៈបច្ចេកទេស ដែលបញ្ចេញសំឡេងឮខ្លាំង រំខានដល់អ្នកដទៃ ។
លោកបាន បន្តថា កម្លាំងនគរបាល៧មករា នឹងបន្តការយកចិត្តទុកដាក់ អោយបានខ្ពស់ ក្នុងការចុះណែនាំ ក៏ដូចជាត្រួតពិនិត្យតាមយានដ្ឋាន និងតាមតំបន់លេងម៉ូតូ អំពីបញ្ហា ស៊ីម៉ាំង(ប្រែន) ដើម្បីកាត់បន្ថយការប៉ះពាល់ដល់ការរស់នៅរបស់ប្រជាពលរដ្ឋក្នុងមូលដ្ឋាន ៕
ចែករំលែកព័តមាននេះ