ខេត្តកណ្តាល ៖ ក្មួយបង្កើត មិនដឹងមានរឿងអ្វីជាមួយម្ដាយមីង បានស្ទុះទៅទាញកាំបិតគំរាមកំហែង រកកាប់សម្លា.ប់ចោល ខណៈជនរងគ្រោះ កំពុងធើ្វម្ហូបក្នុងរោងបាយ ។ ហេតុការណ៍នេះ…
ខេត្តកណ្តាល ៖ ក្មួយបង្កើត មិនដឹងមានរឿងអ្វីជាមួយម្ដាយមីង បានស្ទុះទៅទាញកាំបិតគំរាមកំហែង រកកាប់សម្លា.ប់ចោល ខណៈជនរងគ្រោះ កំពុងធើ្វម្ហូបក្នុងរោងបាយ ។
ហេតុការណ៍នេះ បង្កមានការភ្ញាក់ផ្អើលកាលពីវេលាម៉ោង០៥និង១៥នាទីល្ងាចថ្ងៃទី០១ ខែមិថុនា ឆ្នាំ២០២៥ ស្ថិតក្នុងភូមិអំពិល ឃុំក្រាំងយ៉ូវ ស្រុកស្អាង ខេត្តកណ្ដាល ។
បើតាមការបញ្ចាក់ពីម្ដាយមីង បានឲ្យដឹងថា ក្មួយរបស់គាត់មានឈ្មោះ កែវ ដារា ហៅថៃល័រ ភេទប្រុស អាយុ១៥ឆ្នាំ មុខរបរ មិនពិតប្រាកដ មានទីលំនៅភូមិអំពិល ឃុំក្រាំងយ៉ូវ ស្រុកស្អាង ខេត្តកណ្ដាល ។ ក្មួយប្រុសរូបនេះតែងតែប្រើប្រាស់គ្រឿងញៀនជាប្រចាំ ហើយគំរាមកំហែងរកកាប់សម្លា.ប់គាត់ជាញឹកញាប់ ហើយក្មួយធ្លាប់ ត្រូវបានក្រុមគ្រួសារយកទៅមណ្ឌលកែប្រែបន្សាបគ្រឿងញៀន ចំនួន០១លើក រយៈពេល១២ខែ ។
ដោយនៅមុនពេលកើតហេតុ ជនរងគ្រោះកំពុងដាំបាយ និងធ្វើម្ហូបក្នុងរោងបាយ ខណៈពេលនោះ ជនសង្ស័យបានកាន់កាំបិតបុ័ងតោ និងកាំបិតផ្គាក់ ដើរសំដៅទៅរកជនរងគ្រោះ និងបានស្រែកគំរាមកំហែង រកកាប់សម្លា.ប់ជនរងគ្រោះ ដោយមានការភ័យខ្លាច និងទ្រាំនឹងទង្វើរបស់ក្មួយប្រុសលែងបាន ទើបជនរងគ្រោះ បានមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលក្រាំងយ៉ូវ ឲ្យជួយអន្តរាគមន៍ ។
ពេលទទួលបានពាក្យបណ្ដឹងពីជនរងគ្រោះភ្លាម កម្លាំងប៉ុស្តិ៍នគរបាលរដ្ឋបាលក្រាំងយ៉ូវ សហការជាមួយប្រជាការពារឃុំ បានចុះទៅដល់កន្លែងកើតហេតុ រួចបានឃាត់ខ្លួនជនសង្ស័យ រួមទាំងវត្ថុតាង យកមកប៉ុស្តិ៍ ដើម្បីធ្វើការសាកសួរ ។
នៅចំពោះមុខសមត្ថកិច្ចនគរបាល ជនសង្ស័យបានសារភាពថា ខ្លួនពិតជាបានយកកាំបិតបុ័ងតោ និងកាំបិតផ្គាក់ ទៅរកជនរងគ្រោះ និងបានស្រែកគំរាមកំហែងរកកាប់សម្លាប់ជនរងគ្រោះ ពិតប្រាកដមែន ។
បច្ចុប្បន្ន ជនសង្ស័យត្រូវបានឃាត់ខ្លួនបញ្ជូនមកអធិការដ្ឋាននគរបាលស្រុកស្អាង ដើម្បីកសាងសំណុំរឿងចាត់ការតាមនីតិវិធី ៕
ចែករំលែកព័តមាននេះ