រាជធានីភ្នំពេញ៖ថ្លែងក្នុងសមាជរដ្ឋសភា-ព្រឹទ្ធសភាសម្តេចតេជោ ហ៊ុន សែន ប្រធាន សមាជនិងជាប្រធានព្រឹទ្ធ សភាកម្ពុជា បានលើកឡើងថា បើមិនឱ្យតុ លាការយុត្តិធម៌អន្តរជាតិ (ICJ)…
រាជធានីភ្នំពេញ៖ថ្លែងក្នុងសមាជរដ្ឋសភា-ព្រឹទ្ធសភាសម្តេចតេជោ ហ៊ុន សែន ប្រធាន សមាជនិងជាប្រធានព្រឹទ្ធ សភាកម្ពុជា បានលើកឡើងថា បើមិនឱ្យតុ លាការយុត្តិធម៌អន្តរជាតិ (ICJ) កាត់ក្ដីនោះទេ បញ្ហាតំបន់ព្រំដែនរវាងកម្ពុជា-ថៃ នឹងដូចជាតំបន់ ហ្កាស្សារវាង ប៉ាឡេស្ទីន និងអ៊ីស្រាអែល។
ការលើកឡើងរបស់សម្តេចតេជោ ហ៊ុន សែន បន្ទាប់ពី សម្ដេចនាយករដ្ឋមន្ត្រីកម្ពុជា ហ៊ុន ម៉ាណែត បានបញ្ជាក់ថា នឹងយកបញ្ហានៅមុំ៣ បញ្ហាប្រាសាទតាមាន់ធំ ប្រាសាទតាមាន់តូច តាក្របី ទៅកាន់តុលាការយុត្តិធម៌អន្តរជាតិ (ICJ) តែម្តង។
នាឱកាសអញ្ជើញបើកកិច្ចប្រជុំសមាជរដ្ឋសភា និងព្រឹទ្ធសភា ថ្ងៃទី២ខែមិថុនា ឆ្នាំ២០២៥ សម្តេចតេជោ ហ៊ុន សែន បានថ្លែងឱ្យដឹងថា លើកនេះ កម្ពុជា បបួលភាគីថៃ យកចំណុចរសើបទាំង៤ កន្លែងនេះ ទៅកាត់តុលាការ ICJ រីឯកម្មការព្រំដែន នៅបន្ដពិនិត្យ និងដើររកបង្គោល និងបោះបង្គោលជាបន្ដទៀត កម្មការនេះ អត់ទៅណាទេ។
សម្ដេចតេជោបានបញ្ជាក់ថា៖ «មិនមែនបានសេចក្ដីថា យើងប្ដឹងហើយវាចប់រឿងទេ យើងយកទាំងបួនចំណុចនឹងទៅតុលាការតែប៉ុណ្ណោះ ក្រៅពីនោះ គឺគណៈកម្មនៅបន្ដដើរ ដើម្បីបន្ដវាស់វែង កណត់ព្រំដែនជាក់លាក់»។ សម្ដេច ប្រធានព្រឹទ្ធសភា មានប្រសាសន៍ថា «បើសិនជាមិនឱ្យតុលាការកាត់ទេ រឿងនេះវាដូចជា តំបន់ហ្កោស្សារវាង ប៉ាឡេស្ទីន និងអ៊ីស្រាអែលដូចគ្នា ដោះអត់ចប់ទេ វ៉ៃគ្នារហូត បើមិនតូច ធំ , បើមិនធំ តូច តែប៉ុណ្ណឹង។ ចឹងតើខ្លាចអី ទៅកាត់តុលាការ បើសិនជាយើងមានចិត្តស្មោះ»។
សម្ដេចតេជោប្រធានព្រឹទ្ធសភា បានបញ្ជាក់ថា កម្ពុជា មិនចង់បានដីអ្នកណាទេ ប៉ុន្ដែកម្ពុជា ការពារតែបូរណភាពទឹកដី និងអធិបតេយ្យភាពរបស់ខ្លួនប៉ុណ្ណោះ។
សូមបញ្ជាក់ថា នៅព្រឹកថ្ងៃទី២ ខែមិថុនា ឆ្នាំ២០២៥ នៅក្នុងកិច្ចប្រជុំសមាជរដ្ឋសភា និងព្រឹ ទ្ធសភា នៃព្រះរាជាណាចក្រកម្ពុជា អង្គសមាជទាំងមូលបានសម្ដែងការគាំទ្រ មានសមា ជិកសមាជិកាព្រឹទ្ធសភា និងរដ្ឋសភាចំនួនសំឡេង ១៨២សំឡេង អនុម័ត លើសេចក្ដីថ្លែ ងការណ៍ចំពោះចំណាត់ការរបស់ សម្ដេចនាយករដ្ឋមន្ត្រី នៃព្រះរាជា ណាចក្រកម្ពុជា ក្នុងការប្ដឹងរឿងបញ្ហាព្រំដែនជម្លោះរវាងកម្ពុជាថៃ ទៅតុលាការអន្តរជាតិ ៕
ចែករំលែកព័តមាននេះ