រាជធានីភ្នំពេញ ៖ បងប្អូនប្រុស២នាក់ស្នាក់នៅជាមួយគ្នា ខណះពេលបងប្រុសទៅស្រុកមួយថ្ងៃត្រឡប់មកផ្ទះជួលវិញឃើញទ្វារបន្ទប់បិទខាងក្នុងមានការសង្ស័យបាននាំគ្នាគាស់បង្អួចក៏ប្រទះឃើញប្អូនប្រុសដេកស្លាប់នៅបន្ទប់ជួល បង្កអោយមានការភ្ញាក់ផ្អើលកាលពីវេលាម៉ោង៧យប់ថ្ងៃទី២៨ឧសភាឆ្នាំ២០២៥ នៅបន្ទប់ជួលភូមិព្រៃព្រីងខាងជើង២ សង្កាត់ចោមចៅទី៣ ខណ្ឌពោធិសែនជ័យ រាជធានីភ្នំពេញ ។
សពជនរងគ្រោះឈ្មោះ គេញ លីន ភេទប្រុស អាយុ១៩ឆ្នាំ មុខរបរជាងជួសជុលរថយន្ត ស្នាក់នៅបន្ទប់ជួលកើតហេតុ មានស្រុកកំណើតនៅភូមិសៀមបោយ ឃុំព្រៃចារ ស្រុកជើងព្រៃ ខេត្តកំពង់ចាម។
តាមប្រភពពីបុរសជាបងប្រុសបាននិយាយប្រាប់ថា នៅមុនពេលកើតហេតុ ល្ងាចថ្ងៃទី២៧គាត់បានទៅស្រុកកំណើត លុះនៅល្ងាចនៅថ្ងទី២៨នៅម៉ោងកើតហេតុគាត់បានមកបន្ទប់ជួលវិញ ឃើញបន្ទប់ជួលគាត់បានបិទសោខាងក្នុងហើយគាត់បានទូរស័ព្ទទៅប្អូនគាត់ដែលរស់នៅជាមួយគ្នាតែមិនឃើញលើកទូរស័ព្ទទាល់តែសោះ ក៏មានការសង្ស័យបាននាំបងប្អូនអ្នកជិតខាងបន្ទប់ជួលនាំគ្នាគាស់បង្អួចក៏ប្រទះឃើញប្អូនប្រុសគាត់ស្លាប់នៅបន្ទប់ជួលបាត់ទៅហើយ បន្ទាប់មកបានទាក់ទងទៅកំលាំងសមត្ថកិច្ចនគរបាលប៉ុស្ត៍ នឹងអាជ្ញារធរភូមិមកពិនិត្យ ។
ដោយឃើញជាក់ស្តែងថាប្អូនដេកស្លាប់បែបនេះ បងប្រុសមិនមានការប្តឹងផ្តល់សមត្ថកិច្ចទេ សុំធ្វើលិខិតប្រគល់សពអោយក្រុមគ្រួសារយកទៅធ្វើបុណ្យតាមប្រពៃណីនៅស្រុកកំណើត៕
ចែករំលែកព័តមាននេះ