គិតត្រឹមម៉ោង៤រសៀល ថ្ងៃទី២៨ ខែឧសភា ឆ្នាំ២០២៥នេះ ឧត្តមសេនីយ៍ទោ ម៉ៅ ផល្លា អ្នកនាំពាក្យកងទ័ពជើងគោកកម្ពុជាប្រាប់សារព័ត៌មានកោះសន្តិភាពថា ទាហានខ្មែរម្នាក់បានពលី ដោយសារភាគីថៃបា.ញ់ស្លា.ប់នៅក្នុងលេណដ្ឋាន…
គិតត្រឹមម៉ោង៤រសៀល ថ្ងៃទី២៨ ខែឧសភា ឆ្នាំ២០២៥នេះ ឧត្តមសេនីយ៍ទោ ម៉ៅ ផល្លា អ្នកនាំពាក្យកងទ័ពជើងគោកកម្ពុជាប្រាប់សារព័ត៌មានកោះសន្តិភាពថា ទាហានខ្មែរម្នាក់បានពលី ដោយសារភាគីថៃបា.ញ់ស្លា.ប់នៅក្នុងលេណដ្ឋាន ។
ឧត្តមសេនីយ៍ទោ ម៉ៅ ផល្លា មានប្រសាសន៍បញ្ជាក់ថា ទាហានខ្មែរម្នាក់ គឺព្រិន្ទបាលឯកម្នាក់ បានពលីជីវិតនៅក្នុងលេណដ្ឋាន ក្នុងការផ្ទុះអាវុធនៅព្រំដែនមុំបី ទឹកដីខេត្តព្រះវិហារ ។
តាមការបញ្ជាក់ គឺខាងភាគីថៃមកបា.ញ់យើងនៅក្នុងលេណដ្ឋានតែម្តង គឺខាងថៃមកវ៉ៃយើង ។ ពោលបើគិតថ្ងៃពេលនេះ គឺមិនទាន់បានបញ្ជាក់ពីការរបួស ដឹងត្រឹមពលីម្នាក់ ក្នុងលេណដ្ឋាន ដែលជាតួនាទីព្រិន្ទបាលឯក ។
សូមបញ្ជាក់ថា បើតាមប្រភពដែលទទួលបានឱ្យដឹងថា ទាហានខ្មែរដែលពលីមានឈ្មោះ សួន រោន មានទីលំនៅក្នុងភូមិកំពេញ ឃុំយាង ស្រុកជាំក្សាន្ត ខេត្តព្រះវិហារ និងជាទាហានឈរជើងនៅតំបន់ព្រំដែនមុំបី បានស្លា.ប់នៅក្នុងការផ្ទុះអាវុ.ធជាមួយទាហានថៃ នៅព្រឹកទី២៨ ឧសភានេះ ។
បើតាមការបញ្ជាក់ពី ឧត្តមសេនីយ៍ទោ ម៉ៅ ផល្លា ទាហានខ្មែរ និងថៃ បានផ្ទុះអាវុ.ធក្នុងរយៈពេលខ្លីប្រមាណ៥ ទៅ ៧នាទី ស្ថិតនៅក្នុងតំបន់ជម្លោះតាមព្រំដែននៅថ្ងៃពុធនេះ ។
យ៉ាងណាមិញ ខាងសារព័ត៌មានថៃបានស្រង់សម្តីមេបញ្ជាការទាហានថៃ ដោយចោទប្រកាន់ថា ទាហានខ្មែរបានចូលទៅក្នុងតំបន់ព្រំដែនមានជម្លោះ ហើយទាហានរបស់ខ្លួនបានចូលទៅចរចា និងហាមឃាត់ ប៉ុន្តែទាហានខ្មែរបានបើកការបា។ញ់ប្រហារ ដែលបណ្ដាលឱ្យទាហានថៃត្រូវបា.ញ់តបតការពារខ្លួនទៅវិញ។
ទោះជាយ៉ាងណា អ្នកនាំពាក្យកងទ័ពជើងគោកកម្ពុជា លោក ម៉ៅ ផល្លា បាននិយាយថា ទាហានខ្មែរត្រូវបានបា.ញ់សម្លា.ប់នៅក្នុងលេណដ្ឋាន ។ ក្រោយប៉ះទង្គិចគ្នាអស់រយៈពេល១០នាទី មេបញ្ជាការកងទ័ពប្រចាំតំបន់ប្រទេសទាំងពីរបានជួបនិយាយគ្នាតាមទូរស័ព្ទ ដើម្បីបញ្ជាឱ្យមានបទឈប់បា.ញ់គ្នាសិន ៕ (ដោយ លីហួរ គីមឆាយ)
ចែករំលែកព័តមាននេះ