បន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យម្នាក់ខ្ចីម៉ូតូមិត្តភក្តិ១គ្រឿងយកទៅជិះត្រូវបានមិត្តភក្តិម្នាក់ទៀតបោកបន្ត ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី២៨ ខែឧសភា ឆ្នាំ២០២៥ ។ លោកវរៈសេនីយ៍ត្រី នួន…
បន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យម្នាក់ខ្ចីម៉ូតូមិត្តភក្តិ១គ្រឿងយកទៅជិះត្រូវបានមិត្តភក្តិម្នាក់ទៀតបោកបន្ត ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី២៨ ខែឧសភា ឆ្នាំ២០២៥ ។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា ៖ ជនសង្ស័យមានឈ្មោះ ចេង សំអាង ភេទប្រុស អាយុ២៤ឆ្នាំ រស់នៅភូមិចាន់គីរី សង្កាត់.ក្រុងប៉ោយប៉ែត ។
លោកបានបញ្ជាក់ថា ៖ ក្រោយទទួលបណ្តឹងឈ្មោះ លាប ហ៊ុយលី ភេទប្រុស អាយុ២៤ឆ្នាំ រស់នៅភូមិ.ឃុំតាអន ស្រុកក្រឡាញ់ ខេត្តសៀមរាប បានប្តឹងឈ្មោះ ចេង សំអាង ដែលបានខ្ចីម៉ូតូ១គ្រឿង ហុងដាឌ្រីមពាក់ផ្លាកលេខបន្ទាយមានជ័យ 1Y-1969 យកទៅបាត់ កាលពីថ្ងៃទី២៦ ខែឧសភា ឆ្នាំ២០២៥ ស្ថិតភូមិ.សង្កាត់អូរជ្រៅ ក្រុងប៉ោយប៉ែត ។
លោកវរៈសេនីយ៍ត្រី នួន នីណារ៉ូ បានបញ្ជាក់ថា ៖ ក្រោយទទួលពាក្យបណ្តឹងកម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានស្រាវជ្រាវឃាត់ខ្លួនជនសង្ស័យឈ្មោះ ចេង សំអាង កាលពីថ្ងៃទី២៧ ខែឧសភា ឆ្នាំ២០២៥នៅចំណុចភូមិប៉ាលិលេយ្យមួយ សង្កាត់.ក្រុងប៉ោយប៉ែត នាំយកសាកសួរ ។
តាមចម្លើយសារភាពខ្លួនពិតជាបានខ្ចីម៉ូតូមិត្តភក្តិឈ្មោះ លាប ហ៊ុលលី ពិតមែន ក្រោយខ្ចីហើយ មានមិត្តភក្តិខ្លួនម្នាក់ទៀតឈ្មោះ វុធ បានខ្ចីម៉ូតូនោះបន្តទៀត បាត់មិនឃើញយកមកអោយវិញទើបមិនហ៊ានទៅជួបមិត្តភក្តិ ៕
ចែករំលែកព័តមាននេះ